Мужчина применяет силу и хватает за свитер

Мектептин жанындагы мушташтан 16 жаштагы окуучу каза болду

1273
(жаңыланган 11:08 29.05.2019)
Өспүрүм мушташтан жабыр тарткан. Ооруканага жеткирилип, эртең менен үзүлгөн.

БИШКЕК, 29-май — Sputnik. Бишкекте №48 мектепте окуган 9-класстын окуучусу каза тапканын Sputnik Кыргызстан агенттигине окурман билдирди.

Анын айтымында, окуучу параллель класста окуган өзү теңдүү баланын колунан көз жумган.

Шаардык милициянын маалыматы боюнча, 28-май күнү саат 00.20да балдар клиникасына ур-токмокко алынган 16 жаштагы өспүрүм түшкөнү кабарланган. Териштирүү маалында бала 27-майда мектептин жанында болгон мушташтан жапа чеккени белгилүү болгон. Жабырлануучу ооруканага жеткирилип, эртең менен үзүлгөн.

Аталган факт 138-берененин («Денеге оор залака келтирүү») негизинде Кылмыштар жана жоруктардын бирдиктүү реестрине каттоого алынды. Милиция ушу тапта мушташка катышкандарды издеп, окуянын чоо-жайын иликтеп жатат. Тиешелүү экспертизалар дайындалды.

1273
Белгилер:
окуучу, оорукана, Бишкек, мектеп, мушташ
Тема боюнча
Бишкектин чок ортосунда мушташып кеткен айдоочулардын ким экендиги анык болду