Кишен. Архивдик сүрөт

ИИМ: Нарында "Хизб ут-Тахрир" уюмунун жаштар канатынын лидери кармалды

185
(жаңыланган 16:48 04.06.2019)
Тинтүү маалында шектүүнүн үйүнөн араб тилиндеги китептер, кол жазмалар, DVD, ок атуучу куралдын тетиктери жана ок-дары табылган.

БИШКЕК, 1-июн. — Sputnik. Милиция кызматкерлери Нарын облусунун 29 жаштагы тургунунун үйүнөн тыюу салынган экстремисттик материалдарды тапты. Бул тууралуу Ички иштер министрлигинин маалымат кызматынан кабарлашты.

Милиция кызматкерлери соттун 24-майдагы чечиминин негизинде тинтүү иштерин жүргүзгөн. Укук коргоочулар колго түшкөн Ак-Талаа районунун жашоочусу "Хизб ут-Тахрир" экстремисттик уюмунун жаштар канатынын лидери дешүүдө.

Шектүүнүн турак-жайынан араб тилиндеги китептер, кол жазмалар, DVD, ок атуучу куралдын тетиктери жана ок-дары табылган. Колго түшкөн жаран Бишкек шаарына жеткирилди.

XX кылымдын ортосунда пайда болгон "Хизб ут-Тахрир" уюму ислам теократиялык мамлекетти түзүүнү көздөп келет. Анын ишмердүүлүгүнө Кыргызстан менен кошо бир катар мамлекеттерде тыюу салынган.

185
Белгилер:
тинтүү, Хизб ут-тахрир, ИИМ, Нарын, Кыргызстан
Тема боюнча
УКМК Кыргызстанда халифат түзүүнү каалаган эки кишини кармады
"Хизб ут-Тахрир" уюмунун китептерин сактаган жаранга кылмыш иши козголду