Муштум. Архивдик сүрөт

Милиция иликтеп баштады. Түндө Бишкекте эркектер топтошуп алып мушташкан видео

1409
(жаңыланган 21:23 09.06.2019)
Аталган фактыны шаардык милиция тастыктап, 266-берененин ("Бейбаштык") негизинде Кылмыштар жана жоруктардын бирдиктүү реестрине каттоого алынганын айтышты.

БИШКЕК, 9-июн. — Sputnik. Борбор калаанын 3-кичи районунда түндө эркек балдар топтошуп алып мушташкан окуя боюнча милиция иликтөө иштерин баштады. Бул маалыматты Бишкек шаардык ИИБдин маалымат кызматынын өкүлү Улан Жумаков Sputnik Кыргызстан маалымат агенттигине айтты.

Эске салсак, мушташтын видеосу "Короче" Telegram-каналына жүктөлгөн.

"Мушташ чындыгында шаардын 3-кичи районунда, унаа токтотуучу жайдын жанында болгон. Милицияга эч ким арыз менен кайрылган эмес. Интернетке тараган видеонун негизинде сотко чейинки иштерди баштадык. Аталган факты 266-берененин ("Бейбаштык") негизинде Кылмыштар жана жоруктардын бирдиктүү реестрине каттоого алынды", — деди Жумаков.

Ал учурда окуянын чоо-жайы такталып жатканын жана кийинчерээк толук маалымат берилерин кошумчалады.

1409
Белгилер:
видео, ШИИБ, Бишкек
Тема боюнча
Бишкек: чак түштө Lexus 570 унаасын тартып кете жаздаган видео. Милициянын версиясы
Петербургда кыргызстандыктар жергиликтүү тургундар менен мушташа кетти
Милиция Ороктогу мушташтын чоо-жайын айтты