Бычак кармап турган адам. Архив

Москвада кыргызстандык мигранттар мушташып, бири каза тапты

1703
(жаңыланган 16:02 19.06.2019)
Чыр метро станциясынын жанында чыккан.

БИШКЕК, 19-июн. — Sputnik. Москвада кыргызстандыктар арасында массалык мушташ чыгып, бир адам каза тапты. Бул тууралуу "Московский комсомолец" жазды.

Окуя 19-июнь күнү "Электрозаводская" метро станциясынын жанында болгон. 18-20 жаштагы балдардын тобу Большая Семеновка көчөсүндөгү "Иссык-Куль" ресторанында эс алып жатышкан. Администратордун айтымында, коноктор спирт ичимдиктерин ичип, маанайлары көтөрүңкү болчу.

Алар таңга чейин отуруп, андан соң метрого жөнөшкөн. Чыр жөө адамдар өтө турган жол чийинден чыккан. Алар шампандын бөтөлкөсү менен чабышып, бычак колдонушкан. Натыйжада алардын бири оор жаракат алып каза тапса, үчөө ооруканага жеткирилген.

Россиянын Москва боюнча Ички иштер башкы башкармалыгы Sputnik Кыргызстан агенттигине материалдар Тергөө комитетине өткөрүлгөнүн маалымдашты.

1703
Белгилер:
мушташ, Кыргызстан, Москва, Россия
Тема боюнча
Бишкекте дагы бир массалык мушташ видеого түшүп калды. Видео
Жол кырсыгынан жабыркаган унаа. Архив

Ош Өзгөн жолундагы кырсыктан эки жигит көз жумду

233
(жаңыланган 16:12 05.08.2020)
Алдын ала маалыматка караганда, жеңил машинанын айдоочусу рулду башкара албай, жолдун четинде токтоп турган жүк ташуучу SCANIA автоунаасын сүзгөн.

ОШ, 5-авг. – Sputnik. Ош — Өзгөн жолунда эки автоунаа кырсыкка учурап, анын кесепетинен эки жигит каза болду. Бул маалыматты Ош облустук Ички иштер башкармалыгынын маалымат катчысы Жеңиш Аширбаев тастыктады.

Анын берген маалыматына ылайык, окуя бүгүн, 5-август күнү, саат 5:00дөр чамасында Кара-Суу районунун Медресе айылында болгон.

Алдын ала берилген маалыматка караганда, Ош — Өзгөн жолунун 5-чакырымында чоң жүк ташуучу автоунаа менен "ВАЗ 2107" үлгүсүндөгү автокөлүк кагышкан.

Жеңил машинанын айдоочусу рулду башкара албай, жолдун четинде токтоп турган жүк ташуучу SCANIA автоунаасын сүзгөн.

Ысык-Көлдө жүрөк үшүн алган жол кырсыгы болду. Окуя болгон жердеги видео

Кырсыктын кесепетинен жеңил автоунаадагы эки адам каза болуп, дагы үч киши жабыркап, Ош облустук ооруканасына жеткирилген. Аталган жерге куткаруучулар тартылып, каза болгондордөн сөөгүн техникадан чыгарып, ИИМдин кызматкерлерине өткөрүп беришти.

Учурда бул жол кырсыгы боюнча тиешелүү экспертизалар дайындалып, иликтөө иштери жүргүзүлүп жатат.

233
Белгилер:
өлүм, жол кырсык, Ош
Тема:
2020-жылдын башынан бери Кыргызстанда болгон жол кырсыктар
Тема боюнча
Айдоочу аял ичип алган. Чүйдө кырсыктагандар ооруканага жеткирилди. Видео

Жарылуу болгон Бейруттан көрсөтүлгөн түз эфир

322
(жаңыланган 19:29 05.08.2020)
Ливандын борбору Бейрутта кечээки жарылуудан бери адамдарды издөө жана куткаруу иштери уланууда. Соңку маалыматтарга ылайык, жарылуудан каза болгондордун саны 70тен ашты.

Катуу жарылуу шейшемби күнү кечинде Бейруттагы порттун аймагында катталган.

Шаардагы имараттар жабыркаган, жаракат алгандардын көптүгүнөн улам ооруканалар толуп кеткен. Төрт миңден ашуун киши жарадар болду.

Үрөй учурган жарылуу болгон жерден алынган 14 сүрөт. Бейруттагы трагедия

Ливандын Саламаттык сактоо министрлигинин маалыматы боюнча, төрт миңден ашык адам түрдүү жаракаттарды алышкан. Жарылуунун эпкини окуя болгон жерден бир канча чакырым радиус аралыктагы үйлөрдүн терезелерин да талкалаган. Иорданиянын сейсмологиялык обсерваториясы Бейруттагы жарылуу 4,5 баллдык жер силкинүүгө барабар болгонун аныктаган.

322
Белгилер:
өлүм, кырсык, жарадар, куткаруу, жарылуу, Бейрут, Ливан
Тема:
Бейруттагы жарылуу
Тема боюнча
Күнөөлүүнү таап чыгам! Ливандын премьери Бейруттагы жарылуу боюнча үн катты
Бейруттагы жарылуу: Жээнбеков Ливан президентине көңүл айтты
Актриса Лю Ифэй Мулан тасмасынын премьерасы учурунда. Архив

Кыргызстандыктар тартылган "Мулан" тасмасы сентябрда онлайн көрсөтүлөт

0
(жаңыланган 19:45 05.08.2020)
"Мулан" тасмасынын жаңы версиясы адегенде 27-мартта дүйнөлүк прокатка чыгыш керек болчу. Коронавирус пандемиясына байланыштуу ал кинокомпания тарабынан кийинкиге калтырылган.

БИШКЕК, 5-авг. — Sputnik. Walt Disney компаниясы Кыргызстандын каскадерлору катышкан "Мулан" анимациялык тасмасын сентябрь айында коомчулукка чыгарууну чечти. Бул тууралуу The Verge басылмасы жазды.

Тасманын бет ачары түз эфирде Disney+ видео көрсөтүү  тейлөө жайында акчага көрсөтүлөт. 

АКШда жана башка аймактардагы көрүүчүлөр тасманы 29,99 доллар, ага кошумча 6,99 доллар бир айлык абоненттик төлөм берип көрүшөт. Ал эми Disney+ жеткиликтүү эмес өлкөлөрдө тасма салттуу түрдө кинотеатрларда тартууланат.

Султамбаев: америкалыктар менен бирге көк бөрү тууралуу тасма тартылды

"Мулан" тасмасынын жаңы версиясы адегенде 27-мартта дүйнөлүк прокатка чыгыш керек болчу. Коронавирус пандемиясына байланыштуу анын күнү кинокомпания тарабынан кийинкиге калтырылган.

Тасманын башкы ролун кытайлык актриса жана ырчы Лю Ифей ойнойт. Киного кыргызстандык Эрлан Жанышбек уулу, Мурат Бурханов, Дамир Ашимов жана Нургазы Мамаражап уулу тартылган. Алар тасмага Жайдарбек Кунгужинов жетектеген Nomad Stunts кыргыз-казак кесипкөй каскадерлор тобунун курамында катышкан. Кунгужинов өзү гунндардын аскер башчысынын ролун аткарган.

"Мулан" анимациялык тасмасы 1998-жылы чыгып, кинопрокаттан эле 304 миллион доллар киреше тапкан.

Кыргызстандык каскадерлордун "Мулан" киносуна кандайча тартылганын биздин төмөндөгү маектен окуңуз.

0
Белгилер:
каскадер, Кыргызстан, премьера, тасма
Тема боюнча
"Шамбала" тасмасы Шанхайдагы эл аралык кинофестивалда көрсөтүлөт