Кылмыш иши папкасы. Архивдик сүрөт

Москвада бычак жеп өлгөн мигрант жигит. Кылмыш иши козголду

372
(жаңыланган 09:56 20.06.2019)
Кыргызстандык жигиттин өлүмүнө себепкерлер изделүүдө.

БИШКЕК, 20-июн. — Sputnik. Москва шаарында массалык мушташтан кийин көз жумган кыргызстандыктын өлүмү боюнча кылмыш иши козголду. Бул тууралуу Кыргызстандын Россиядагы элчилиги кабарлады.

Эске салсак, окуя 19-июнь күнү таңкы 5.30дарда "Электрозаводская" метро станциясынын жанында болгон. Анда 18-20 жаштагы балдардын тобу Большая Семеновка көчөсүндөгү "Иссык-Куль" ресторанында эс алып чыккандан кийин уруша кеткен. Балдардын бири бычак жеп каза болгону айтылган.

Элчиликтин маалыматы боюнча, Чыгыш автономиялык округу боюнча Тергөө башкармалыгынын Измайловский райондор аралык тергөө бөлүмү тарабынан адам өлтүрүү боюнча кылмыш иши козголду. Азыркы кезде шектүү адамдарды кармоо үчүн иликтөө иштери жүрүүдө.

Ал эми каза болгон жарандын сөөгүн мекенине жөнөтүү боюнча тийиштүү документтер даярдалууда.

372
Белгилер:
мушташ, элчилик, Кыргызстан, Россия
Тема боюнча
Ошто 8-класстын окуучусун бычактап өлтүрдү делген өспүрүм камакка алынды
Ошто бычакташкан 18-23 жаштагы кыздар. Окуянын чоо-жайы