БИШКЕК, 22-июн. — Sputnik. Ноокен районундагы Токоол-Ата токой чарбасына караштуу Жерде-Айгыр жайлоосунда 20-июнь күнү жоголуп кеткен эки жашар наристе табылды. Бул тууралуу ӨКМден билдиришти.
Ноокен районундагы Токоол-Ата токой чарбасына караштуу Жерде-Айгыр жайлоосунда 20-июнь күнү жоголуп кеткен эки жашар наристе табылды.
© Фото / пресс-служба МЧС КР
"21-июнда саат 12:30дар чамасында куткаруучуларга 20-июнь күнү саат 14.00дөр чамасында эки жашар бөбөк жоголуп кеткени тууралуу маалымат түшкөн. Мындан улам куткаруучулар милиция кызматкерлери жана жергиликтүү тургундар менен биргеликте издөө иштерин баштаган", — деп айтылат маалыматта.
Натыйжада 21-июнь күнү саат 17:50лөр чамасында куткаруучулар жайлоодогу чатырдан беш чакырым алыстыкта сай бойлоп бара жаткан бөбөктү табышкан. Абалы жакшы.
