Башкы прокурор Өткүрбек Жамшитов. Архивдик сүрөт

Башкы прокурор: Атамбаевге каршы Батукаевдин көрсөтмөсү бар

571
(жаңыланган 11:22 27.06.2019)
Башкы прокурор экс-президент Атамбаевге коюлуп жаткан айыптар боюнча баяндама жасап жатат.

БИШКЕК, 27-июн. — Sputnik. Башкы прокурор Өткүрбек Жамшитов мурдагы мамлекет башчысы Алмазбек Атамбаевдин Кой-Таштан алган жер тилкесинде коррупциялык белгилер байкалып турганын парламенттин жалпы жыйынында билдирди.

Ал өз сөзүндө Атамбаев жер тилкесин алууда айрым мыйзамдар бузулганын айтты. Андан сырткары, кримтөбөл Азиз Батукаевдин бошотулушуна да экс-президенттин тийиштиги бар экенин белгиледи.

"Экс-президент Атамбаев Батукаевдин уюшкан кылмыштуу топтун лидери, "мыйзамдагы ууру" каймана атка ээ экендигине, коомчулукка жана коомго өзгөчө коркунуч жаратарына карабастан, аны жаза өтөө жайынан мыйзамсыз бошотууну чечкен. Бул багыттагы иштерди уюштуруу жагы УКМКнын ошол кездеги төрагасы Атахановго тапшырылган. Кылмыштуу иш-чараны аткаруу үчүн Атаханов КРдин укук коргоо, сот жана мамлекеттик кызматтын жогорку адамдары менен алдын ала сүйлөшүп алып, Батукаевди жаза өтөө жайынан бошотуу менен аны республиканын аймагынан чыгаруу боюнча тийиштүү чараларды көрүү талаптарын коюп, бошотуу иштери жеке Атамбаев менен макулдашылган", — деди Жамшитов.

Ал сөзү куру болбошу үчүн Батукаевдин көрсөтмөсү колунда экенин кошумчалады.

Sputnik Кыргызстан ЖК жыйынын түз алып берүүдө.

571
Белгилер:
Азиз Батукаев, Алмазбек Атамбаев, Өткүрбек Жамшитов
Тема:
Батукаевдин ишинин жанданышы (56)
Тема боюнча
Депутаттар Атамбаевди кол тийбестиктен ажыратты. Түз алып берүү соңуна чыкты
Атамбаевдин үйүнө түшүрүлгөн таштын чоо-жайы айтылды
Атамбаевдин Кой-Таштагы үйүнүн жанында эмне болуп жатат? 2-күн
Бишкекте беш кабаттуу мейманкана өрттөнүп жатат

Бишкекте мейманкана жалындап өрттөнүп жатат. Жеринен тартылган видео

593
(жаңыланган 23:01 16.05.2021)
Куткаруучулар бир аздан кийин кененирээк маалымат берилерин айтышты. Кырсыктан жабыркагандардын бар-жогу азырынча белгисиз. 

БИШКЕК, 16-май — Sputnik. Бишкекте беш кабаттуу мейманкана өрттөнүп жатат. Бул тууралуу Sputnik Кыргызстан агенттигине күбөлөр жеринен билдиришти.

Алардын айтымында, мейманкана буга чейин иштеп жаткан. Учурда өрт чектөөгө алынганы кабарланды. 

Ал эми ӨКМ Турусбеков менен Жумабек көчөлөрүнүн кесилишине чакыруу түшкөнүн кабарлап, жеринде эки өрт өчүрүүчү унаа иштеп жатканын маалымдаган. 

Куткаруучулар бир аздан кийин кененирээк маалымат берилерин айтышты. 

593
Белгилер:
кырсык, өрт, Бишкек
Тема боюнча
Бишкекте көп кабаттуу имараттан өрт чыкты. Видео
Сокулуктагы дүкөндүн өрттөнгөн видеосу
Көп кабаттуу имарат өртөнүп жатат

Бишкекте көп кабаттуу имараттан өрт чыкты. Видео

202
(жаңыланган 22:25 16.05.2021)
Жеринде эки өрт өчүрүүчү унаа иштеп жатат. Өзгөчө кырдаалдар министрлиги эмне болгон имарат экени тууралуу кийинчерээк маалымат берилерин маалымдады.

БИШКЕК, 16-май — Sputnik. Бишкекте алдын ала маалымат боюнча, көп кабаттуу үйдөн өрт чыкты. Бул тууралуу ӨКМден билдиришти.

Маалыматка караганда, куткаруучуларга Турусбеков менен Жумабек көчөлөрүнүн кесилишинде жайгашкан имараттан өрт чыкканы тууралуу маалымат түшкөн. Буга байланыштуу саат 21:06да бир машина, 21:15те экинчи өрт өчүрүүчү унаа жиберилген. Ал эми күбөлөрдүн айтымында, беш кабаттуу мейманкана күйүп жатат.

Кошумча маалымат берилет.

202
Белгилер:
кырсык, өрт, Бишкек
Тема боюнча
Сокулуктагы дүкөндүн өрттөнгөн видеосу
Армениянын чек арасын жанындагы талкаланган шаар. Архив

Армениядагы чек ара жаңжалы: ЖККУ кийлигишер кезби?

0
(жаңыланган 23:29 16.05.2021)
Көз карандысыз мамлекеттер шериктештигинин аймагындагы улам чыгып калып жаткан чек ара жаңжалы – чоң согуштун тутанышына себеп эмес.

Бул өңдүү көйгөйлөр эки тараптуу сүйлөшүүлөрдү, дипломатиялык жөнгө салууну, Бириккен Улуттар Уюму (БУУ), Европа коопсуздук кызматташтык уюму (ЕККУ), Жамааттык коопсуздук кызматташтык уюму (ЖККУ) же Түндүк атлантикалык келишим уюмунун (НАТО) потенциалын пайдаланбастан кадыресе делимитация же демаркацияны талап кылат. Ушундай ойду карманган аскерий баяндамачы Александр Хроленко бул сапар Армениядагы абалга токтолгон.

Армения Республикасынын Сүник облусундагы ок атуусуз чек ара жаңжалы чындап технологиялык мүнөздө, ошондуктан саясий билдирүүлөр менен кырдаалды жасалма түрдө козутууга болбойт.

Армениянын Коргоо министрлигинин маалыматы боюнча, 12-майда таң эрте: "Азербайжандын Куралдуу күчтөрү "чек араны тактоо" шылтоосу менен чек ара тилкелеринин биринде иштерди жүргүзүүгө аракет кылышкан. Армениялык күч бөлүктөрү тарабынан көрүлгөн чаралардан соң азербайжандык аскерлер бул ишти токтотушкан". Ошондон кийин дароо жагдайды жөнгө салуу боюнча сүйлөшүүлөр башталган.

Армениянын премьер-министринин милдетин аткаруучу Никол Пашинян Сүник облусундагы абалга байланыштуу ЖККУга расмий кайрылуу жөнүндө чечим кабыл алганын маалымдады. Андан мурунку күнү эле ал Азербайжан аскердик күчтөрү 12-майда чек арадан өтүп, Кара көлдү курчоо аракетинде армениялык аймакка 3,5 чакырым аралык кирип келгендигин билдирген.

Бул боюнча Азербайжан тарап да үн катпай койгон жок. "2020-жылдын 10-ноябрында кол коюлган үч тараптуу билдирүүгө ылайык, аба ырайынын жакшырышы менен азербайжандык чек ара күчтөрү Армения менен чектешкен татаал тоолуу рельеф жана климаттык шарттары бар Лачин жана Көлбажар райондорунда Азербайжан позициясында жайгаштырылат. Процесс кадимки режимде жана системалуу жүргүзүлүүдө", — деп айтылган Азербайжан Республикасынын Тышкы иштер министрлигинин билдирүүсүндө.

Армениянын Коопсуздук кеңешинин катчысы Армен Григорян теледеги мурдагы күнкү маегинде: "Армениянын аймагынан азербайжандык аскерлерди али чыгарта албадык. Коопсуздук кеңешинин жыйынында биз ЖККУга кайрылууну чечип, бул процессти баштадык".

ЖККУдагылар Армениянын Сүник облусунун чек арага жакын райондорундагы абалдын өнүгүшүнө кылдат көз салууда. Ошону менен бирге эле: "Жагдайга жараша зарылдыгы чыкса Жамааттык коопсуздук боюнча келишимдин жана ЖККУнун Уставынын жоболорунда каралган чаралар көрүлөт".

Азербайжан Тышкы иштер министрлиги 13-майда аталган аймактагы жалпы көрүнүштү мындайча сүрөттөдү: "Көз карандысыздыкты калыптандыргандан бери эки мамлекет белгилүү себептер менен мамлекеттик чек араларга ээ болгон эмес. Биз ушул тапта тараптардын ортосундагы келишпестик менен коштолгон татаал техникалык процесс жөнүндө кеп кылып турабыз". Бул билдирүүлөрдө согуштан кийинки чек аралар агрессияга алдыруу (ок атуулар) же Азербайжандын Арменияга карата кандайдыр бир территориялык дооматтары байкалбайт.

Технологиялык келишпестиктер – маанисиз деңгээлге чейин жеткирилбесе эле кадыресе процесс. 1991-жылы КМШ өлкөлөрүндө чек ара боюнча талаш маселелер ар кыл даражадагы ийгилик менен чечилип келген. Ошентсе да "талаш" маселелер кескин геосаясий кыймылдар жана кан төгүүгө арзыбайт. Бүгүнкү күндө Баку же Ереванда көйгөйдүн булагын издөөнүн кереги жок. Кавказдагы бул көйгөйдүн түбү Россия империясын СССРге трансформациялоонун жүрүшүнө барып такалат. Процесс саясий болуп саналат, советтик республикалардын чийилген чек аралары көбүнесе шарттуу жана мурдатан эле талаштуу. Россиянын революцияга чейинки "монолиттик" картасында улуттук республикалар болгон эмес, өлкө административдик жактан губерния жана облустарга бөлүнгөн. Тургундардын баары россиялык букаралыкка гана ээ болушкан.

Ырбаган учурларды мисал келтирүү үчүн өткөнгө терең үңүлүүнүн деле кереги жок. Жакындагы эле Тажикстан менен чек ара жаңжалынан улам Кыргызстандын Жогорку Кеңешинин Эл аралык иштер, коргоо жана коопсуздук комитетинин мүчөлөрү 11-майда өз өлкөсүн ЖККУга катышууну кайра карап чыгууну сунуштаганы маалым. Дүйнөдө ушул жааттагы тажрыйбаларды карап көрсөк, НАТОдо Греция менен Түркиянын чек ара маселелери улам көтөрүлөт, бирок атлантикалык альянс тигил же бул тарапты бомбалоого белсенбейт. Эч кимиси НАТОдон чыгып кетүүгө кам урбайт.

Кавказда жагдай жеңил эмес. Армения – ЖККУга мүчө, Азербайжан бул уюмга кирбейт. Ошентсе да Баку менен Еревандын чек ара боюнча бул (бир да ок атылбаган) талаш кырдаалында жаңжалдашкан тараптардын сүйлөшүүлөрүнөн улам (Россиянын катышуусундагы) агрессия, аннексия тууралуу катуу кыйкырып, анан да ЖККУ боюнча союздаштарына дээрлик шантаж кылуу натуура.

Азыр Арменияны эч ким аскердик кол салуу менен коркуткан жери жок. Россиялык чек арачылар макулдашууларга ылайык Сүник облусундагы автожолдун көйгөйлүү тилкелериндеги (Горис – Давид Бек жана Горис – Капан) кыймылдын коопсуздугун жана үзгүлтүксүздүгүн камсыздоодо. Азербайжандык күчтөрдүн бул багытта кандайдыр бир өтүп кетишин элестетүү да дээрлик мүмкүн эмес.

Мурдараак Армения ТИМи Ереван менен Баку россиялык чек арачылар жайгашканга чейин мурда таанылбаган Тоолуу Карабах республикасына кирген жана Армения менен чектешкен бир катар аймактардын Азербайжандын карамагына өткөндөн кийинки чек ара тилкелерин демаркациялоо үчүн убактылуу аскердик позицияларды жайгаштырууну такташышкан.

Демаркациялоо жүрүп жатат. Чиеленишкен чек ара маселелери оор чечилет, уй мүйүз тарта отуруп сүйлөшүү менен кылдат жөнгө салууну, кыйла интеллектуалдык аракеттерди талап кылат. Кара көлдөгү абалды жөнгө салуу үчүн дүрбөлөңгө салган билдирүүлөрдүн да, ЖККУнун күчтөрүн жана каражаттарын тартуу менен күч операцияларынын да түк  кереги жок.

Жамааттык коопсуздук келишимдин 2-беренесине ылайык: "Мамлекет-катышуучулар алардын кызыкчылыгына тиешелүү эл аралык коопсуздуктун бардык маанилүү маселелери боюнча бири-бири менен кеңешип, позицияларын макулдашышат.

Катышуучу мамлекеттердин биринин же бир нечесинин коопсуздугуна, территориялык бүтүндүгүнө жана суверенитетине коркунуч туулса же эл аралык тынчтыкка кооптуулук жаралса, мамлекет-катышуучулар өз позицияларын координациялоо жана коркунучту жоюуга чара көрүү максатында биргелешкен консультациялар механизмин кечиктирбестен кыймылга келтирет".

Чек араны демаркациялоо жагдайында эл аралык же Армениянын тынчтыгына реалдуу кооптуулук туулган жок. Андай эмес деп далилдөө (ЖККУнун консультацияларында жана бөлөк сүйлөшүү аянтчаларында) кыйын болот.

БУУнун аныктамасына ылайык, "бир мамлекет тарабынан башка бир өлкөнүн суверенитетине, территориялык кол тийбестигине же саясий көз карандысыздыгына каршы куралдуу күч колдонуу" агрессия болуп саналат. БУУнун Коопсуздук кеңеши да Сүник облусундагы Азербайжан агрессиясын байкаганы жок.

0
Белгилер:
ЖККУ, Жаңжал, чек ара, Армения
Тема боюнча
Америкалыктар Россияга "афган бомбасын" таштаганы турабы?