Бишкек ТЭЦи. Архивдик сүрөт

Мыйзамга каршы көрсөтмө берген. Атамбаевге ТЭЦ боюнча кандай айыптар коюлууда

226
(жаңыланган 12:18 27.06.2019)
Учурда Жогорку Кеңеште экс-президент Алмазбек Атамбаевдин кол тийбестигин алуу боюнча маселе каралып жатат.

БИШКЕК, 27-июн. — Sputnik. Башкы прокурор Өткүрбек Жамшитов экс-президент Алмазбек Атамбаевдин Бишкек ТЭЦин реконструкциялоодогу коррупцияга тийиштиги бар экени кайсы учурларда байкалып турганын парламенттин жалпы жыйынында айтып берди.

Маалыматка караганда, 2019-жылдын 12-июнунда УКМК тарабынан Атамбаевге карата материалдар Кылмыштардын жана жоруктардын бирдиктүү реестрине Жазык кодексинин 319-беренесинин ("Коррупция") 2-бөлүмү боюнча каттоого алынды. Сотко чейинки өндүрүштүн материалдарында төмөнкү учурлар көрсөтүлгөн.

— Бишкек ТЭЦин модернизациялоодогу Кытайдан алынган насыя аркылуу ишке ашырууда бардык стратегиялык чечимдерди, анын ичинен подрядчынын Кытай тарабынан тандалышына Атамбаев мамлекет башчы катары макулдук берген;

— Өкмөттүн ыйгарым укуктарына кирген Бишкек ТЭЦин модернизациялоо боюнча иштин башына президенттин аппаратынын бөлүм башчысы Сапар Исаковду коюп, анын кызматтык каттарын өкмөт башчыга жибербей, Өнөр жай жана энергетика министрлигине түздөн-түз жолдогон;

— ТВЕА компаниясынын электр кубатын чыгаруучу объектилерин куруудагы тажрыйбасы жоктугуна карабай, аны тандоо процерудасы ачык болгон эмес. Компанияны кайра карап чыгуу тууралуу президенттин аппаратынын финансы-экономикалык анализ жана өнүгүү мониторинги бөлүмүнүн башчысы Нурсулуу Ахметованын кызматтык катын атайын кароосуз калтырып, "тааныштым" деп кайра кайтарган;

— Сапар Исаков 2013-жылдын 8-ноябрында Жогорку Кеңештин бир нече депутаты Бишкек ТЭЦин модернизациялоо боюнча насыялык келишимди ратификациялоо мыйзамынын кабыл алынышына каршы чыгууга даярданып жатканы тууралуу кат менен Атамбаевге кайрылып, бул маселени чечүү боюнча өкмөткө тапшырма берүүнү сунуштаган. Атамбаев Илмиянов жана Молдалиевге маселени чечүү боюнча чара көргүлө деп резолюция түрүндө тапшырма берген.

Ошондой эле Бишкек ТЭЦин модернизациялоодо мамлекетке ири өлчөмдө чыгым келтирилгендиги тууралуу фактылар бар экени кошумчаланды.

226
Белгилер:
коррупция, ТЭЦ, Өткүрбек Жамшитов, Алмазбек Атамбаев
Тема:
Алмазбек Атамбаевди "экс" макамынан ажыратуу боюнча аракеттер (46)
Тема боюнча
Атамбаевдин Кой-Таштагы үйүнүн жанында эмне болуп жатат? 2-күн
Депутаттар Атамбаевди кол тийбестиктен ажыратты. Түз алып берүү соңуна чыкты
Автомат Калашникова.

Лейлекте Калашников автоматын талаага жашырып койгон киши кармалды. Сүрөт

43
(жаңыланган 19:55 05.06.2020)
Талаада катылган куралдын ичинде алты ок болгон. Учурда тийиштүү экспертизалар дайындалып, тергөө жүрүп жатат.

БИШКЕК, 5-июн. — Sputnik. Баткендин Лейлек районунда Калашников үлгүсүндөгү автоматты сактап жүргөн киши кармалганын облустук Ички ичтер башкармалыгынын маалымат кызматы билдирди.

Ага ылайык, Лейлек РИИБдин ыкчам кызматкерлери иликтөө иштеринин натыйжасында Исфана шаарынын 42 жаштагы тургуну Саркент талаасына сайлуу "АК-74М" Калашников үлгүсүндөгү октолуу куралды жашырып койгонун аныкташкан. Ичинде 5,45мм калибриндеги алты даана ок болгон.

Бул факт Лейлек РИИБдин Кылмыш жана жоруктардын бирдиктүү реестрине Жазык кодексинин 253-беренеси ("Куралды, ок-дарыларды мыйзамсыз алып жүрүү") менен катталып, сотко чейинки өндүрүш иши башталган.

Учурда тийиштүү экспертизалар дайындалып, тергөө жүрүп жатат. Кармалган киши убактылуу кармоо жайына киргизилген.

43
Белгилер:
кармоо, курал, калашников автоматы, милиция, Баткен
Тема боюнча
УКМК: "Хизбут-Тахрир" уюмунун издөөдө жүргөн активдүү мүчөсү кармалды
Борбордук клиникалык ооруканада бейтап. Архив

Бишкектин чок ортосунда автоунаа сүзүп мүрт кеткен аял. Кырсыктын видеосу

377
(жаңыланган 15:54 05.06.2020)
Окуяга күбө болгон адамдын айтуусуна караганда, аял ошол жерден мүрт кеткен. Автоунаалар Абдрахманов менен Токтогул көчөлөрүнүн кесилишинде кагылышкан.

БИШКЕК, 5-июн. — Sputnik. Интернетке Бишкектин чок ортосунда болгон автокырсыктын видеосу тарады. Камерадан тартылган ал учурду Oppa Instagram-аккаунту жарыялаган.

"Автоунаалар Абдрахманов менен Токтогул көчөлөрүнүн кесилишинде кагылышкандан кийин бирөө жолдон чыгып, күү менен барып имаратка урунган. Ошол учурда Токтогул көчөсүн кесип өтүүгө камынган аялды да сүзгөн. Кырсык болгон жерге милициянын кайгуул кызматы жана дарыгерлер келишти. Бирок аял ошол жерден эле жан берген экен", — деп айтылат видеодо.

Эске салсак, кечээ Сокулук районундагы айылда жол кырсык болуп, анда да бир аял каза болгон.

377
Белгилер:
милиция, өлүм, жол кырсык, аял, Бишкек, Кыргызстан
Тема:
2020-жылдын башынан бери Кыргызстанда болгон жол кырсыктар
Тема боюнча
Тамтыгы калбай калыптыр! Кантта кагышкан үч автоунаанын видеосу

Швецияны АКШдагы нааразылыктын толкуну каптады

0
(жаңыланган 20:11 05.06.2020)
Афроамерикалык Жорж Флойддун өлүмүнөн кийинки жаалданган толкун Швецияга чейин жетти. Жүздөгөн кишилер Мальма шаарында демонстрацияга катышты.

Аларды коронавирустан улам коюлган чектөөлөр, тыюу салуулар токтото алган жок. Көптөрдүн колунда кара түстүүлөргө карата адилетсиз мамилени жана расага бөлүүнү айыптаган плакаттар болду.

Жергиликтүү полиция чогулгандарды кууп таратууга аргасыз болгону айтылат.

Жорж Флойд майдын аягында Миннеаполисте полиция кармап, күч колдонгондон кийин көз жумган. Анын өлүмү элдин жаалын кайнатып, АКШ эле эмес башка жерлерде да нааразылык толкундарын жаратты. Улуу Британиядан, Франциядан, Грециядан жана Испаниядан да тилектештик билдирип жатышты.

0
Белгилер:
башаламандык, Жорж Флойд, Швеция, АКШ
Тема:
АКШда афроамерикалыктын өлүмүнөн кийинки башаламандык
Тема боюнча
Нью-Йоркто мародёрчулук күч алды. Жеринде тартылган видео