Түрмө отурган киши. Архивдик сүрөт

Рысбек Акматбаев менен айыгыша тирешкен. Азиз Батукаев тууралуу 8 факты

(жаңыланган 10:43 29.07.2019)
Ушу тапта Азиз Батукаев көп чырдын себеби болуп жаткан чагы. Кримтөбөлдүн кылмыш ишинин жанданышы менен бир катар төбөсү көрүнгөн төбөлдөр суракка алынууда. Ал өзү ким жана эмне себептен абакка отурган деген суроолорго жоопту үстүртөн билгендер көп болсо керек.

Эске сала кетсек, Азиз Батукаев 2006-жылы баңгизатты мыйзамсыз сактоо, жарылуучу заттарды жана курал-жаракты мыйзамсыз алып жүрүү, массалык башаламандык уюштуруу боюнча айыпталып, 16 жылга эркинен ажыратылган. Бирок оорусуна байланыштуу 9 жыл эрте бошотулган.

Арадан алты жыл өткөндө, тагыраагы, быйыл апрелде башкы прокурор Өткүрбек Жамшитов ЖК жыйынында криминалдык авторитет Азиз Батукаевдин иши кайра жанданганын билдирген.

Ушундан кийин Азиз Батукаевди бошотууга тиешеси бар деп шектелген дарыгер, сот, аткаминерлер биринен сала бири кармалууда. Алардын айрымдары камакта болсо, кээ бири ден соолугу начарлап ооруканада.

Sputnik Кыргызстан маалымат агенттиги интернеттеги ачык булактарга таянуу менен Азиз Батукаев тууралуу маалыматтарды чогултту.

Агасы менен криминалга аралашкан

Азиз Алашевич Батукаев 1966-жылы 30-апрелде Чүй облусунун Токмок шаарында туулган. Улуту чечен. Батукаевдердин үй-бүлөсүндө эркек бир туугандар көп болгону айтылат. Алардын экөө — Азиз менен Алаудин криминалдык иштерге аралашкан делип жүрөт. 

90-жылдары Азиз Батукаевдин дагы бир кылмыштуу топту башкарган Рыспек Акматбаев менен тиреши башталган деген маалыматтар бар. Экөөнүн максаты Чүйдө, деги эле Кыргызстанда таасирдүүлүгүн арттыруу болгон делет.

Абак деген аты эле болбосо...

Алгач Азиз Батукаев 1995-жылы опузалап акча талап кылуу боюнча беш жылга эркинен ажыратылат. Абактагы башка адамдардан айырмаланып, бир нече камераларга ээлик кылып, ичине керектүү оокат-кечелерди койдурганы интернетте жазылган. 1993-жылы Москвада кримтөбөлдөрдүн колдоосу менен "мыйзамдагы ууру" аталган. Батукаев абактан чыкканда тарапташтары аны музыканын коштоосунда чоң салтанат менен тосуп алышкан делип жүрөт.

Рыспек Акматбаев менен кандуу тиреши

Азиз Батукаев эркиндикке 1999-жылы чыгат. Крим чөйрөдөгү таасирди арттыруу далалатынан улам Рыспек Акматбаев экөөнүн тиреши кайрадан башталат. Чыр-чатактан улам Батукаевдин өз агасы Алаудин менен жездеси Хаваджи Саурбеков каза тапса, Акматбаев тараптан жээни көз жумат. Ошондой эле тарапташтары, ишкерлер зыян тарткан. Бири-биринин жакын адамдарына кол салуу, атышуулар болуп турган. Эки кримтөбөлдүн тиреши 2006-жылы Рыспек Акматбаев каза тапкандан кийин токтогону айтылып келет.

Камактан буйтаткан дарты

Азиз Батукаев 2004-жылы Кыргызстанда курал-жарак жана баңгизатты мыйзамсыз сактагандыгы үчүн төрт жылга эркинен ажыратылат. 2005-жылы ошол учурдагы Жогорку Кеңештин депутаты, парламенттин мыйзамдуулук жана тартип коргоо комитетинин төрөгасы Тынычбек Акматбаев баштаган топ абактардагы кырдаал менен таанышуу сапарын башташат. Тынычбек кримтөбөл Рыспек Акматбаевдин иниси болгон. Алгач топ Новопокровка айылында жайгашкан №3 түрмөсүнө, андан ары Азиз Батукаев жаткан Молдовановкадагы №31 түзөтүү колониясына барат.

Абактагылар менен сүйлөшүү учурунда белгисиз себептерден ортодо чыр чыгып, ок атылат. Натыйжада депутат Тынычбек Акматбаев жана анын жанындагы үч киши каза тапкан. Маалыматтарга караганда, депутатка беш жолу ок тийген.

Инисинин өлүмү үчүн Рыспек Акматбаев ошол учурдагы премьер-министр Феликс Куловдун отставкасын талап кылып, бир нече митинг уюштурганы маалым.

Азиз Батукаев Акматбаевдин өлүмүнүн алкагында баңгизатты мыйзамсыз сактоо, жарылуучу заттарды жана курал-жаракты мыйзамсыз алып жүрүү, массалык башаламандык уюштуруу боюнча айыпталып, 2006-жылдын 3-августунда Аламүдүн райондук соту тарабынан 16 жыл 8 айга кесилип, мүлкү конфискацияланган. 2008-жылы абак тартибин бузганы үчүн жаза мөөнөтүнө дагы эки жыл кошулуп, Нарындын №24 абагына которулган. Бирок 2013-жылдын 9-апрелинде оор дартка кабылганына байланыштуу бошотулуп, Кыргызстандын аймагынан Грозныйга учуп кеткен. 2014-жылдын 20-майында КР Жаза аткаруу мамлекеттик кызматы Батукаевге эл аралык издөө жарыялаган. ИИМдин маалыматы боюнча, учурда Батукаев курал-жарак сактаганы үчүн үч жылга эркинен ажыратылып, Чечен Республикасында жаза мөөнөтүн өтөп жатат.

Эжеси 17 жылга кесилген

2017-жылы Челябинск облустук соту Яха Батукаеваны героин сактап жана аны сатканы үчүн 17 жылга эркинен ажыратканы тууралуу аймактын прокуратурасы билдирген. Андан бир жыл мурун Батукаева менен Кыргызстандын жараны Кабылжан Абдурахманов экөөнөн 28 килограмм героин табылганы айтылган.

Жубайлары

2013-жылы абактан бошогондон кийин 22-сентябрда Грозныйда 18 жаштагы чечен кызга үйлөндү деген маалымат тарап, коомчулуктун талкуусуна алынат. Биринчи жубайы Светаны дагы Грозныйга алып кеткен дешет. Батукаев эки аялы менен тең расмий никеге турбаганы, буга анын "ишмердүүлүгү" себеп болгону айтылып жүрөт.

"Манас" аэропортунда жүрөт деп...

2016-жылы Социалдык тармакта криминалдык төбөл Азиз Батукаевге окшош кишинин "Манас" аэропортунун аймагынан тартылган сүрөтү жарыяланып, талкууга алынган.

Бирок ИИМ Азиз Батукаев Кыргызстандын аймагында жок экенин, сүрөт анын архивинде болушу мүмкүн экендигин билдиришкен.

Жанданган кылмыш көптү бушайманга салды

Алты жылдан кийин Батукаевдин кайра жанданган иши бир топтордун камалышына шарт түздү. Алардын айрымдары камакта, үй камагында, кээ бири ден соолугу начарлап ооруканада жатат.

Алгач эле Батукаевден рак таап чыккан балдар онкологу Эмил Макимбетов, лаборант Ирина Цопова, №47 түзөтүү колониясынын борбордук ооруканасынын башкы дарыгери Фархад Атаходжаев кармалды. Андан кийин Саламаттык сактоо министрлигинин дарыгери Канат Байтемиров, ЖАМКтын медициналык башкармалыгынын мурдагы жетекчиси Акылбек Асанов, мурдагы саламаттык сактоо министри Динара Сагинбаева, Жаза аткаруу боюнча мамлекеттик кызматтын төрагасынын мурунку кеңешчиси Калыбек Качкыналиев, мурдагы вице-премьер Шамил Атаханов, Нарын шаарынын мурдагы судьясы Жапар Эрматов, 2013-жылы башкы прокурор болуп турган Аида Салянова жана ошол кездеги ЖАМКтын башчысы, азыркы депутат Зарылбек Рысалиев колго түшүрүлгөн. Рысалиев азыр ооруканада.

Батукаевдин иши керек болсо мурунку президент Алмазбек Атамбаевдин да макамын ажыратууга шарт түзгөн себептердин бири болду. Башкы прокурор Өткүрбек Жамшитовдун берген корутундусуна ылайык, Батукаев Атамбаевдин жеке буйругу менен абактан бошотулуп, өлкө аймагынан чыгып кеткен.

Белгилер:
кримавторитет, факты, кылмыш, Азиз Батукаев
Тема:
Батукаевдин ишинин жанданышы (56)
Тема боюнча
Искендер Матраимовдун ишкер жубайы Минавар Жумаева тууралуу 5 факты
Ташиев, Назаралиев менен мушташып. Туйгунаалы Абдраимов тууралуу 8 факты
Ош — Баткен жолунда оодарылып кетен автоунаа. Архив

Ош Баткен жолунда жеңил автоунаа оодарылып кетти. Видео

(жаңыланган 21:37 14.04.2021)
BMW үлгүсүндөгү унаанын айдоочусу Кызыл-Кыядан Баткен шаарын көздөй катуу ылдамдыкта бара жатып, унааны башкара албай жолдон чыгып кеткен.

БИШКЕК, 14-апр. — Sputnik. Ош — Баткен жолунда жеңил автоунаа оодарылып, эки адам жабыркады. Маалыматты Sputnik Кыргызстан агенттигине Баткен облустук жол кыймылынын коопсуздугун көзөмөлдөө бөлүмүнүн үгүт насаат иштери боюнча тескөөчүсү Шарабидин Айдаров тастыктады.

Кырсыктын видеосу "Короче" Тelegram-каналына жарыяланган.

Айдаровдун айтымында, окуя бүгүн, 14-апрель күнү, саат 15:30дар чамасында Кадамжай районуна караштуу Үч-Коргон айыл өкмөтүндө катталган. Анда BMW үлгүсүндөгү унаанын айдоочусу Кызыл-Кыядан Баткен шаарын көздөй бараткан.

"Айдоочу саатына 80 чакырым ылдамдыкта баратып, рулду башкара албай калган. Натыйжада унаа оодарылып, жол четине чыгып кеткен", — деди Айдаров.

Кырсык болгон учурда автоунаанын ичинде айдоочудан тышкары дагы бир жүргүнчү болгон. Азыр анын өздүгү такталууда. Көлүк айып короого киргизилип, кырсыктын себеби иликтенип жатканы кошумчаланды.

Белгилер:
видео, кырсык, автоунаа, трасса, Ош, Баткен
Тема:
2021-жылдын башынан бери Кыргызстанда болгон жол кырсыктар
Тема боюнча
Чүйдө эки унаа кагышып, жети адам жаракат алды. Видео
Чүйдө төрт унаа кагышып, эки адам жабыркады. Кырсыктын видеосу
Түптөгү үрөй учурган жол кырсыгы: төртүнчү бала ооруканадан көз жумду
Чүйдөн табылган курал-жарак жана ок-дары

УКМК курал-жарак, ок-дары катылган кампаны тапты. Сүрөт

(жаңыланган 21:16 14.04.2021)
Алдын ала маалыматтар боюнча, алынган курал-жарак, ок-дарылар талап-тоноого тиешеси бар кылмышкерлерге таандык болушу ыктымал.

БИШКЕК, 14-апр.— Sputnik. Чүйдөн курал-жарак жана ок-дары сакталган жер табылды. Бул тууралуу УКМКнын маалымат кызматы кабарлады.

  • Гранатомет обнаруженный в схроне боеприпасов в Чуйской области. 14 апреля 2021 года
    Чүйдөн курал-жарак жана ок-дары сакталган жер табылды
    © Фото / пресс-служба ГКНБ КР
  • Гранатомет обнаруженный в схроне боеприпасов в Чуйской области. 14 апреля 2021 года
    Ага ылайык, аталган ок-дарылар УКМК жана "Альфа" атайын кызматы 2010-жылдагы апрель, 2019-жылдагы Кой-Таш окуялары учурунда жоголгон курал-жарактар боюнча ыкчам издөө иш-чараларынын алкагында табылган
    © Фото / пресс-служба ГКНБ КР
1 / 2
© Фото / пресс-служба ГКНБ КР
Чүйдөн курал-жарак жана ок-дары сакталган жер табылды

Ага ылайык, аталган ок-дарылар УКМК жана "Альфа" атайын кызматы 2010-жылдагы апрель, 2019-жылдагы Кой-Таш окуялары учурунда жоголгон курал-жарактар боюнча ыкчам издөө иш-чараларынын алкагында табылган.

"Ал жерден АК-47 Калашников автоматынын эки магазини, 5.45-59 даана ок-дары жана РПГ-26 "Аглень" гранатомёту табылган. Алар күч түзүмдөрүнүн биринин балансындагы куралдар болушу мүмкүн", — деп жазылат билдирмеде.

Алдын ала маалыматтар боюнча, алынган курал-жарак, ок-дарылар талап-тоноого тиешеси бар кылмышкерлерге таандык болушу ыктымал. Учурда УКМК тарабынан шектүүлөрдү аныктоо боюнча тиешелүү чаралар көрүлүп жатканы айтылды.

Белгилер:
сүрөт, курал-жарак, кампа, УКМК
Тема боюнча
Аксыда ири көлөмдө курал сатууга камданып жаткандар кармалды. Сүрөттөр
Жалал-Абадда аюуну өлтүрүп, терисин алып бараткан жаран кармалды. Сүрөт
Археологиялык казуулар. Архив

Бишкектен анча алыс эмес жерде балбал таш табылды. Сүрөт

(жаңыланган 22:05 14.04.2021)
Маданият министрлиги балбал таш тууралуу маалыматты тастыктап, аны Тарых музейинин алдына орнотушканын кошумчалады.

БИШКЕК, 14-апр. — Sputnik. Бишкектен анча алыс эмес жерде Интернациональный айылынан экскаватор айдоочусу Павел Камаев балбал таш таап алган. Бул тууралуу Sputnik Кыргызстан агенттигине өзү билдирди.

Обнаруженный в грунте балбал в селе Интернациональном недалеко от Бишкека
© Фото / предоставлено Павлом Камаевым
Бишкектен анча алыс эмес жерде Интернациональный айылынан экскаватор айдоочусу Павел Камаев балбал таш таап алган

Балбал — бул адамдын сөлөкөтү чегерилген таш эстелик. Камаев аны кантип таап калганын айтып берди.

"Ал күнү мен жумушта болчумун, жер казып атып бир маалда катуу бир нерсеге тийгендей болдум. Карап, көргөн көзүмө ишенген жокмун. Топурак алдында анча чоң эмес таш эстелиги жатыптыр. Бийиктиги болжол менен бир метрди түзөт. Анын бир колунда чөйчөк тартылган. Табылга жакшы жышаан экенин, мындай жерлерде белгилүү аскер адамы да көмүлгөнүн окугам", — деди ал.

Ал табылгасын адистерге берүү үчүн Маданият, маалымат жана спорт министрилигине барган.

"Балбал ташты өзүмө алып калайын деп эч ойлонгон жокмун. Министрликтегилер айтканымды угуп, анын мынча тереңдикте жатканына таң калышты. Себеби мен аны үч метр тереңдиктен таап чыккам да. Ал жакта бул таш кандайча жатып калганы табышмак", — деди Камаев.

Вид на Государственный исторический музей в центре Бишкека во время реконструкции
© Sputnik / Табылды Кадырбеков
Маданият министрлиги балбал таш тууралуу маалыматты тастыктап, аны Тарых музейинин алдына орнотушканын кошумчалады

Маданият министрлиги балбал таш тууралуу маалыматты тастыктап, аны Тарых музейинин алдына орнотушканын кошумчалады.

Белгилер:
табылга, эстелик, таш, балбал, Чүй облусу, Бишкек
Тема боюнча
Енисейди бойлой Барсбектин мүрзөсүн издегенде... Юлий Худяков менен маек