Аккан суу. Архив

Жайылда сууга түшүп кетти деп болжолдонгон жол тандабас изделүүдө

376
(жаңыланган 10:40 02.07.2019)
Автоунаанын ичиндеги кишилердин санын учурда укук коргоо органдары тактап жатат.

БИШКЕК, 2-июл. — Sputnik. Жайыл районунда Көкөмерен суусуна түшүп кетти делген жол тандабас изделип жатканын Өзгөчө кырдаалдар министрлиги билдирди.

Суучул. Архив
© Фото / Пресс-служба ГУ МЧС России по Хабаровскому краю
Кырсык тууралуу билдирүү 30-июнь күнү болжол менен саат 10.00дө түшкөн. Анда автоунаа Кызыл-Ой айылынын тушунан сууга түшүп кеткени айтылган. Издөө иштерине ӨКМ куткаруучулары менен айдоочунун туугандары чыккан.

ӨКМдин маалыматы боюнча, жардан дөңгөлөктүн изи, ошондой эле унаанын кулап кеткенин көргөн күбө табылган. Анын айтымында, машинанын ичинде бир нече киши болгон.

Учурда издөө иштери жүрүүдө. Укук коргоо органдары жүргүнчүлөрдүн санын тактап жатат.

 

376
Белгилер:
милиция, Жайыл району
Тема:
Көкөмеренге унаасы түшүп кеткен үй-бүлө (13)