Кызды муунтуп жаткан адам. Иллюстративдүү сүрөт

Кордолгон жубайын муунтуп өлтүрүп... Июндагы соттук чечимдер

3143
(жаңыланган 12:39 02.07.2019)
Фемида өкүлдөрү аялын мыкаачылык менен тынчыткан жаранды 13 жылга темир тор артында калтырса, шеригин бычактап өлтүргөн эргулду 16 жылга эркинен ажыратты.

Өтүп кеткен ай өлкөдөгү соттор үчүн оор айлардын бири болду. Алар түрдүү мүнөздөгү жүздөгөн иштерди карап чыгып, айрымдарына чекит койду. Sputnik Кыргызстан агенттиги июндагы чуулуу, адам өмүрүн алган соттук өкүмдөрдү сунуштайт.

Бир тууган агасын бычактап...

36 жаштагы жаран өзүнүн бир тууган агасы менен үйдө арак ичип отуруп уруша кеткен. Ортодо чыр чыгып, иниси агасын бычактаган. Жабырлануучунун оор абалда көчөдө отурганын кошуналары көрүп Тез жардам чакырткан. Бирок көп өтпөй ал ооруканадан үйүнө качып келип, эки күндөн кийин каза болуп калган. Айыпталуучу кылганын мойнуна алып, адам өмүрүн алган каргаша арактын кесепетинен болгонун билдирген. Ал эми маркум менен соттолуучунун энеси уулун эркиндикке чыгарууну өтүнгөн. Бирок фемида өкүлдөрү төрт баланын атасын 7,5 жылга темир тор артында калтырып, 130 миң сом айып салган.

Аткезчилердин атышуусу

Чек арадагы көзөмөл өткөрүү пункттарынын биринде аткезчилер ортосунда чыр чыгып, атышууга чейин жеткен. Окуяда ок жегендер да болгон. Сот отурумда жабырлануучу Усенов шектүү делген Бейшенкулов чек арадан өткөн ар бир унаага 10 миң сомдон берип турасың деп талап койгондуктан уруша кеткендигин айткан. Соттолуучу болсо ал жерде тапанча колдонгондугун жашырган эмес. Коомчулукта чуу жараткан атышуу боюнча сот айыпталуучуну 270 миң сом айыпка жыкты.

Аялын 8-мартта сабап өлтүргөн

Үйдө арак ичип отурган жубайлар тааныштарын тосуп түн ортосуна чейин майрамдашкан. Ошондо жолдошу көчөгө чыгып тамеки чегип отурганда мейман болуп келген эркек анын аялын күч колдонуп зордуктап салган. Идиш-аяк кагышканын уккан үй ээси бөлмөгө кирип, анын жарым жылаңач жатканын көрүп, стакандашын сабап кубалап жиберген. Андан соң келинчегин муунтуп, балтанын сабы менен башка койгулап өлтүргөн. Алты айлык ымыркайды энесиз калтырган "күйөө" эми 13 жыл өмүрүн темир тор артында өткөрөт.

Бийкечти тиши түшкөнчө сабаган

Бойдок, мурда соттолгон эркек тааныш бийкечин кафеге жолугушууга чакырат. Алар кезигип тамактанып, андан соң жигит кызды үйүнө автоунаа менен жеткирмекчи болот. Катуу айдап, кыздын жүрөгүн түшүрөт. Жайыраак айдоону өтүнгөн селкини жигит сөрөй унааны токтотуп, кызды сыртка сүйрөп чыгып тепкилеген. Бийкечтин бети-башы көгала болуп, баш мээси чайкалып, тиши да түшүп калган. Чоң муштум сүйгөнүнө 10 миң сом моралдык чыгым төлөмөр болуп кылмыш жоопкерчилигинен кутулду.

Абышканы сабаган аракеч

Мас болгон 41 жаштагы киши көчөдө кетип бараткан 90 жаштагы абышканы башка чапкан. Дарыгерлер карыя кулаганда буту сынганын аныктаган. Жабырлануучуга эки жолу операция жасалып, ага карабай ал басуу мүмкүнчүлүгүнөн ажыраган. Териштирүү маалында күбөлөр менен ооруканада жаткан жаран шектүүнү эстеп калгандыгын билдирип, укук коргоо кызматкерлерине көргөзүп берген. Бирок айыпталуучу аны такыр көрбөгөндүгүн айткан. Адамдын өмүрүнө кол салган аракеч беш жылга кесилди.

Тоодогу каргаша

Үч дос тоого эс алганы жөнөйт. Өз ара тамашалашып бир шеригинин аскерге барбаганын, анын каруусу жок экенин сөз кылып, шакаба чегишет. Биз кезде анын ачуусу келип, тамашакөй досун бычак менен сайып, аңга түртүп жиберген. Ал эми үчүнчүсү канжалаган досуна жардам берүүгө аракет кылган, бирок ал окуя болгон жерде көз жумган. Соттолуучу эми темир тор артында 16 жылга камалып, маркумдун атасына 200 миң сом айып пул төлөйт.

Кандуу майрам

Каргаша болгон күнү Александр менен Ирина үйүндө конок тосуп, арак ичип отурган. Бир маалда меймандардын бири Анна үйдүн кожойкесине 300 сомду качан бересиң деп доолайт, Ирина болсо азырынча акча жок экендигин айткан. Ошондо Аннанын жолдошу Евгений "Акчаң жокпу, иштеп бер!" — деп кыйкырып жиберет. Жыйынтыгында эки эркек мушташып, үй ээси Евгенийди бычак менен сайып тынчыткан. Александр сегиз жылга соттолуп, 90 миң сом төлөмөр болду.

Арактын айынан

Марина ал күнү жакын мамиледе болгон Улан менен Мирбекти конокко чакырып, үчөө арак ичип үйдө уктап калган. Түн ортосунда Улан Маринаны уктатпай жыныстык катнашка барууга аракет кылган, бирок сулуу ага макул болбой коёт. Экөөнүн кобурунан ойгонуп кеткен Мирбек кыздын жанын койбой жаткан жигитти бөтөлкө менен башка чапкан. Анысы аз келгенсип эс-учун жоготуп жаткан Уландын өлүү-тирүүсүн билүү үчүн бутуна ысык суу куюп көргөн. Мындай мыкаачылыгы үчүн ал үч жылга эркинен ажыратылды.

3143
Белгилер:
кылмыш, өкүм, сот, Кыргызстан
Тема боюнча
Бир тууган агасын бычактап салган. Оштогу чуулуу окуя
Киши колдуу болгон прокурордун сотунда чыр чыгып, шектүүнүн эжеси жаакка жеди. Видео
Афганистандын чыгышындагы Желал-Абад шаарындагы түрмөгө жасалган чабуул

Афганистанда 20 киши набыт болду. "Ислам мамлекети" түрмөгө чабуул койду

8
(жаңыланган 17:50 03.08.2020)
"Ислам мамлекети" террордук тобунун Афганистандын аймагындагы абакка куралдуу чабуул жасаганы кабарланды.

БИШКЕК, 3-авг. — Sputnik. Афганистандын чыгышындагы Желал-Абад шаарындагы түрмөгө жасалган чабуулдун кесепетинен 20 адам каза тапты. Бул туурасында Sputnik Тажикстан 1TV News телеканалына шилтеме берип, кабарлады.

Мындан сырткары, 85 адамдын жаракат алганы айтылды.

Өлгөндөрдүн арасында аскер кызматкерлери менен жай жашоодогу адамдардын бар экени айтылды. Атышуу учурунда коопсуз кызматы кол салган беш согушкерди жок кылган.

Кечирээк бул каргашанын жоопкерчилигин "Ислам мамлекети террордук" тобу өзүнө алгандыгы белгилүү болду.

Сириялык качкын согушкер АКШ аскерлери "Ислам мамлекети" менен иштешерин айтты

Чабуул учурунда түрмөдө камалгандар качып чыгып, 700 киши ошол жерден эле кармалып, темир торго кайра кайтарылган.

Акыркы маалыматтарга караганда, кармаш 14 саатка чукул созулган. Согушкерлер түрмөнүн эки мунарасын ээлеп алууга үлгүргөн.

8
Белгилер:
түрмө, Чабуул, согушкер, "Ислам мамлекети" террордук тобу, Афганистан
Тема боюнча
Афган туңгуюгу: АКШ касташкан тараптарды элдештирүү аракетинде
Борбор калаанын 11-кичи районунда таштанды ыргытылуучу карьердеги өрт

Мэрия: Бишкектеги 11-кичи райондун карьеринде күйгөн таштандылар өчүрүлдү

35
(жаңыланган 13:35 03.08.2020)
Буга чейин калаанын түштүк тарабындагы тургундар күйгөн таштандылар уулантып жатат деп социалдык тармакка жазган эле.

БИШКЕК, 3-авг. — Sputnik. Борбор калаанын 11-кичи районунда таштанды ыргытылуучу карьердеги өрт өчүрүлдү. Бул туурасында мэриянын маалымат кызматы кабарлады.

Аталган аймактан түтүн чыгып жатканы боюнча шаардыктардын кайрылуусунан кийин муниципалдык кызматтар дароо барып өчүргөнү айтылат. Ага "Тазалык" муниципалдык ишканасынын суу ташыган автоунаасы тартылган.

"Аталган объектинин (карьер. — ред.) маселеси жакынкы күндөрү шаардыктардын пайдасына чечилет", — деп билдирди мэрия.

Буга чейин калаанын түштүк тарабындагы кичи райондордун тургундары карьердин аймагында топурактын астында калган таштандылар күйүп түтүн каптап жатканын айтып арызданышкан. Түтүн шаардыктарды уулантып жатат деп даттангандар болгон. Ал эми мэрия күнөөлүүлөрдү табууну убадалаган.

Шаардыктардын айтымында, карьерге 2018-жылы топурак төгүлчү, ал эми өткөн жылдын жайынан бери таштанды ыргытыла баштаган. 2020-жылдын жазынан тарта таштандыларды тобу менен алып келип төгө башташкан.

35
Белгилер:
Бишкек мэриясы, өчүрүү, өрт, топурак, таштанды
Тема боюнча
Түндө Ошто беш үй өрттөндү. Жалынды өчүрүп жаткандагы видео
Бишкекте кафеден өрт чыкты. Видео
Медицина кызматкерлер өкмөттүн Ардак грамотасы менен сыйланды

Өкмөт өзгөчөлөнгөн дарыгерлерди Ардак грамота менен сыйлады. Тизме

0
(жаңыланган 17:59 03.08.2020)
Өкмөт республикадагы мамлекеттик жана менчик медицина мекемелеринин кызматкерлерин Ардак грамота менен сыйлады.

БИШКЕК, 3-авг. — Sputnik. Кыргызстанда мамлекеттик жана менчик медицина мекемелеринде өзгөчөлөнгөн кызматкерлерди өкмөттүн Ардак грамотасы менен сыйланды. Бул тууралуу Саламаттыкты сактоо министрлигинен билдиришти.

Сыйлыктарды вице-премьер-министр Аида Исмаилова жана саламаттык сактоо министри Сабиржан Абдикаримов тапшырды.

Пневмониядан айыкты. Саламаттык сактоо министри Абдикаримов ишке чыкты

Ак ниет эмгеги жана саламаттыкты сактоо тамагынын өнүгүшүнө кошкон салымы үчүн төмөнкү адистер сыйланды:

  • Насиржан Адашпаев — Онкология жана Гемотология улуттук борборунун интенсивдүү терапия палатасынын анестезиолог-реаниматолог дарыгери;
  • Нурдин Алмереков — Республикалык жугуштуу илдеттер ооруканасынын жандандыруу бөлүмүнүн башчысы;
  • Бейшеналиев Илимгазы Айыпович — Нарын облусунун Ат-Башы райондук аймактык ооруканасынын директору;
  • Бодошов Азат Умарович — Оорулардын алдын алуу жана мамлекеттик санитардык-эпидемиологиялык көзөмөл департаментинин вирустук лаборатория бөлүмүнүн башчысы;
  • Давлетбаева Марина Мамбетказиевна — Республикалык жугуштуу илдеттер ооруканасынын №1 бөлүмүнүн башчысы;
  • Докбаев Жээнбек Орозмаматович — Ош облусунун Кара-Кулжа райондук Оорулардын алдын алуу жана мамлекеттик санитардык-эпидемиологиялык көзөмөл департаментинин башкы дарыгери;
  • Ибраимов Бакыт Аскарович — Улуттук хирургия борборунун ичеги оорулар секторунун башчысы;
  • Кравцов Алексей Анатольевич — "Профилактикалык медицина" Республикалык илимий-практикалык борборунун врач-эпидемиологу;
  • Макешова Токтобүбү — Республикалык жугуштуу оорулар ооруканасынын №6 бөлүмүнүн улук медайымы;
  • Мамасали уулу Жыргалбек — Бишкек шаардык №1 клиникалык ооруканасынын хирургия бөлүмүнү хирург-дарыгери;
  • Нурланова Махабат Мелисовна — Бишкек шаардык №6 клиникалык ооруканасынын пульмонолог-дарыгери;
  • Өмүракунова Назгуль Советбековна — Эндокринологиялык борбордун башкы дарыгери;
  • Осмоналиев Калмурза Мукашевич — Чүй облустук стоматологиялык бейтапканасынын     стоматолог-хирургу;
  • Осмонов Дамир Асылбекович — менчек медициналык клиниканын башкы дарыгери;
  • Оторбаева Динагүл Сатаровна — Оорулардын алдын алуу жана мамлекеттик санитардык-эпидемиологиялык көзөмөл департаментинин жугуштуу, паразиттик оорулар жана эпидемиологиялык көзөмөл башкармалыгынын башчысы;
  • Салиев Алишер Гаппарович — Ош облустар аралык балдар клиникалык ооруканасынын травматолог-дарыгери;
  • Самаков Алмаз Асанбекович — Улуттук хирургия борборунун чукул хирургия боюнча башкы дарыгеринин орун басары;
  • Солтогулова Аиза Үрүстөмовна — Бишкектин Биринчи май райондук Үй-бүлөлүк дарыгерлер борборунун дарыгери;
  • Тилеков Эрнис Абдышевич — Онкология жана Гемотология улуттук борборунун директору;
  • Үркүнчиев Таалайбек Токтобекович – Нарын облусунун Жумгал райондук аймактык ооруканасынын директору;
  • Чынгышова Жамиля Амановна — Иса Ахунбаев атындагы КММАнын анестезиология жана интенсивдүү терапия кафедрасынын кафедра башчысы.

Кыргызстанда COVID-19дан каза болгон медиктердин так саны айтылды

Бардыгы болуп 21 адис Ардак грамота менен сыйланышты.

0
Белгилер:
сыйлык, грамота, өкмөт, дарыгерлер
Тема боюнча
Ысык-Көлдө атамекендик ишкана коргонуучу кийим тиге баштады. Сүрөт