ДТП в селе Бактуу-Долоноту

Ысык-Көлдө BMW менен Lexus кагышты. Эки адамдын өмүрүн алган кырсыктын сүрөттөрү

1024
(жаңыланган 14:07 07.07.2019)
Учурда жол кырсыктан жабыркагандардын ким экени такталууда.

БИШКЕК, 7-июл. — Sputnik. Балыкчы — Ананьево — Каракол жолунун Бактуу-Долоноту айылындагы ат майдандын маңдайынан BMW Х-7 үлгүсүндөгү машинасы менен Lexus үлгүсүндөгү жеңил автоунаа кагышып, эки киши каза болуп, эки киши оор абалда ооруканага жеткирилген. Бул тууралуу ЖКККББнын маалымат кызматы билдирди.

На Иссык-Куле произошло лобовое столкновение внедорожника и легкового автомобиля, погибли два человека
© Фото / пресс-служба ГУОБДД МВД КР
Жол кырсыгы 7-июлда түнкү саат 04:45тер чамасында болгон

Ага ылайык, жол кырсыгы 7-июлда түнкү саат 04:45тер чамасында болгон. Кырсык болгон жерге Ысык-Көл ОИИБ менен Ысык-Көл РИИБдин тергөө ыкчам тобу менен бирге барган.

"BMW X-7 үлгүсүндөгү автоунаа күн чыгыштан батышты көздөй бара жатып, карама-каршы тилкеде келе жаткан Lexus үлгүсүндөгү жеңил машина менен бетме-бет кагышкан. Анын кесепетинен Lexus автоунаасынын айдоочусу менен жүргүнчүсү окуя болгон жерден жан берген. Ал эми эки жүргүнчү оор жаракат алып, Чолпон-Ата шаардык ооруканасына жеткирилген. Учурда алардын ким экендиги такталууда", — деп айтылат.

ЖКККББнын маалымат кызматы жол кырсыгы боюнча дагы кабар бериле турганын билдирди.

1024
Белгилер:
Сүрөт, Ысык-Көл облусу
Тема:
Депутаттын уулу катышкан Ысык-Көлдөгү жол кырсыгы (20)
Тема боюнча
Бишкекте автоунаа кишини 15 метрдей сүйрөп кетти. Кырсыктын сүрөт, видеосу
Ош: аэропорттун жолундагы кырсыктан 23 жаштагы айдоочу мүрт кетти. Сүрөт
Минск шаарындагы нааразычылык акциясынын катышуучулары

Минскиде президенттик шайлоодон кийин митингге чыккандар тарады

92
(жаңыланган 10:12 10.08.2020)
9-август күнү Белоруссияда президенттик шайлоо болуп, ал аяктаары менен нааразычылык акциясы башталган. Шайлоонун алдын ала жыйынтыгына нааразы болгондор шаардын борборун көздөй агылган.

БИШКЕК, 10-авг. — Sputnik. Минск шаарында митингге чыккандардын басымдуу бөлүгү тарап кетти. Бул туралуу РИА Новости жазды.

"Борбордук көчөлөрдө нааразычылык акциясына чыккандар байкалбайт. Акырындык менен автоунаа кыймылы калыбына келип, эл күнүмдүк жашоосун улантууда", — деп айтылат кабарда.

Күч органдары митинг учурунда көчөлөргө койгон тосмолорду алып салды. Бирок айрым жерлерде полиция автоунаа менен кыдырып карап жүргөнүн көрүүгө болот.

Минск: ОМОН жоокерлери менен митингчилердин кагылышкан учуру. Видео

Эске салсак, кечээ, 9-август күнү, Белоруссияда президенттик шайлоо болуп, ал аяктаары менен нааразычылык акциясы башталган. Шайлоонун алдын ала жыйынтыгына нааразы болгон жүздөгөн адам Минск шаарынын борборун көздөй агылган. Аларга ОМОН отрядынын жоокерлери каршы турган.

Митингге чыккандарды таратуу үчүн милиция көздөн жаш чыгаруучу газ жана кулак тундуруучу гранаталарды колдонгон.

Кечээ кечинде Борбордук шайлоо комиссиясы президенттик шайлоонун алдын ала жыйынтыгын чыгарган. Азыркы мамлекет башчы Александр Лукашенко эл добушунун 82 пайызын алгандыгы айтылган.

92
Белгилер:
Александр Лукашенко, абал, шайлоо, митинг, Белоруссия
Тема боюнча
БШК: Белоруссияда президенттик шайлоо өттү, 54 пайыз шайлоочу добуш берди
Белоруссия: президенттик шайлоодо Лукашенко алдыда. Exit poll, БШКнын жыйынтыгы
Президенттик шайлоодон соң Минскидеги акциянын катышуучуларын кууп таратуу. Баяндама
Кишенделген адам. Архив

УКМК бир катар кылмыштарга шектелген өзбекстандык жаранды кармады

79
Учурда Башкы прокуратура ага карата баш коргоо чарасын тандап, Өзбекстандын компетенттүү органдарына өткөрүп берүү маселеcин карап жатат.

БИШКЕК, 10-авг. — Sputnik. Улуттук коопсуздук боюнча мамлекеттик комитет издөөдө жүргөн Өзбекстандын жаранын кармады. Бул тууралуу мекеменин маалымат кызматы кабарлады.

Ага ылайык, коңшу өлкөнүн 47 жаштагы тургуну бир катар кылмыштарга шектелип, таптырбай жүргөн. 8-август күнү чекисттер аны колго түшүргөн.

Кармалган адам УКМКнын тергөө абагына киргизилген.

Учурда Башкы прокуратура ага карата баш коргоо чарасын тандап, Өзбекстандын компетенттүү органдарына өткөрүп берүү маселесин карап жатат.

УКМК: ИИМдин бөлүм башчылары кол астындагылардан акча талап кылган

Белгилей кетсек, 1993-жылдагы үй-бүлөлүк жана кылмыш иши боюнча укуктук жардам жана укуктук мамилелер туралуу Минск конвенциясынын алкагында мамлекеттер бири-бирине кылмышкерлерди тапканга жардам берип, экстрадиция кылышат.

79
Белгилер:
экстрадиция, кармоо, кылмыш, Башкы прокуратура, УКМК, Өзбекстан
Тема боюнча
Бишкекте кармалган "Хизбут-Тахрирдин" мүчөсү оор кылмышка да шектелүүдө
Портфельчен адам. Архив

Юсупов Байыш Юсупович өмүр баяны

0
Байыш Юсупов 1957-жылы 5-январда Ош облусуна караштуу Кара-Суу районунун Кара-Суу шаарында төрөлгөн. Аймактагы Ленин атындагы орто мектепте билим алган.

Жогорку билимдүү.

  • 1974-1979 — Россиядагы Иванов текстиль жана жеңил өнөр жай институтунун инженер-технолог адистигинде окуган;
  • 2003-жылы Ош технологиялык институтунун бухгалтердик эсеп жана аудит адистиги боюнча экинчи дипломун алган.
  • 2012-жылы "Айыл чарба өндүрүшүнүн экономикалык эффективдүүлүгүн көтөрүү" деген темада диссертациясын жактап, экономика илимдеринин кандидаты илимий даражасы ыйгарылган.

Ишмердүүлүгү:

  • 1979-1988 — Октябрдын 50 жылдыгы атындагы Ош текстиль комбинатында чебер, улук чебер, цехтин жетекчиси жана өндүрүштүн начальниги кызматтарында иштеген;
  • 1988-1989 — Ош облустук элдик көзөмөл комитетинде инспектор;
  • 1989-1993 — Кара-Суу пахта тазалоочу заводунун директору;
  • 1993-2009 — Кара-Суудагы "Ак-Алтын" ишканасынын жетекчиси;
  • 2009-2012 — Кара-Суу райондук мамлекеттик администрация башчысы;
  • 1990-2013 — Кара-Суу шаардык кеңешинин депутаты, андан кийин төрагасы;
  • 2013 — өкмөттүн Ош облусундагы ыйгарым укуктуу өкүлүнүн биринчи орун басары;
  • 2020-жылдын 8-августунан тарта облустагы өкүлдүн милдетин убактылуу аткаруучу. https://sputnik.kg/politics/20200808/1049257424/oshtu-zhylkybaevdin-orun-basary-zhetektejt.html
  • 2001-жылы Кара-Суу районунун социалдык-экономикалык өнүгүшүнө кошкон салымы үчүн Даңк ордени менен сыйланган.

Футбол боюнча спорттун чебери. Кыргызстандын чемпиону "Жаштык — Ак-Алтын" футболдук командасынын негиздөөчүсү.

Кыргыз, орус жана немис тилдеринде эркин сүйлөйт.

Үй-бүлөлүү, 5 баланын атасы.

0
Белгилер:
өмүр баян, Байыш Юсупов, Ош