Токмокто дарыканадан акча уурдай качкан жигиттин соту жылдырылды. Себеби

© Sputnik / Владимир Федоренко / Медиабанкка өтүүВ зале заседания Верховного суда РФ
В зале заседания Верховного суда РФ - Sputnik Кыргызстан
Жазылуу
Буга чейин Токмок шаарынын соту дарыканага кол салган кишини күнөөлүү деп таап, беш жылга эркинен ажыратып, акчалай айыпка жыккан.

БИШКЕК, 10-июл. — Sputnik. Чүй облустук соту Токмок шаарындагы дарыканадан акча уурдай качкан жигиттин ишин кароону кийинкиге жылдырды. Судьялар күнөөнү мойнуна алуу боюнча процессуалдык макулдашуу түзүүгө мүмкүнчүлүк бергендигин Sputnik Кыргызстан агенттигине кишинин жактоочусу Бакытбек Автандил уулу билдирди.

Анын айтымына караганда, мындай макулдашуу жоопко тартылып жаткан адамдын күнөөсүн жеңилдеткенге көмөкчү болот.

"Күнөөнү мойнуна алуу боюнча түзүлгөн макулдашуунун мааниси төмөнкүчө: ал иштин нугун түп-тамырынан бери өзгөртүп, соттун өкүмүн жеңилдеткенге жардам берет", — деп кошумчалады жактоочу.

Ишти кароо 2019-жылдын 29-июлуна жылдырылган.

Эске сала кетсек, "Токмоктогу дарыканалардын бирин карактап, 25 миң сом алып чыгып кетти" делген 33 жаштагы жаранды шаардык сот 14-майда беш жылга эркинен ажыратып, мамлекетке 70 миң сом төлөмөр кылган. Өз көрсөтмөсүндө ал баласы ооруп, акчасы жок болгондуктан курткасын күрөөгө коюп, сатуучудан дары берүүнү өтүнгөн. Дарыканачы баш тарткандан кийин чыгып кетип, бир аздан соң кайтып келген да кассадагы акчаны алып кеткен.

Бывший вице-мэр Новосибирска приговорен к 8,5 годам колонии за связи с ОПГ - Sputnik Кыргызстан
Токмокто баласына дары алам деп кесилген кишиге чыккан өкүм туурабы? 6 юристтин ою
Камакка алынган Замирбек Кожоканов келинчеги менен Токмок шаарынын четинде батирде жашап, курулушта, жеке ишканаларда иштеп келген. Анын кичинекей эки кыз, бир уулу бар.

Мындай чечим социалдык тармакта ар кыл пикирлерди пайда кылып, көбү буга нааразы болгон.

Чуулуу ишти юристтер колго алган. Адвокаттар ал кишинин ишин бекер эле коргоп берүүгө белсенген. Кайра кароо Чүй облусунун сотунда 10-июлга белгиленген.

Укук коргоочулар менен юристтердин бир даары "сот чечими катаал чыгып калды" десе, экинчилери "мыйзам чегинде болду" деген пикирди карманышкан.

Sputnik Кыргызстан Токмок шаарына барып, акчаны уурдай качкан жигиттин энеси менен сүйлөшүп, иштин чоо-жайын билип кайткан.

Жаңылыктар түрмөгү
0