Мотоциклист. Архив

Москвада миллиардердин уулу кыргызстандык таксисттин унаасына урунуп көз жумду. Видео

1783
(жаңыланган 17:41 10.07.2019)
Таксист жолдон бурулуп жатканда мотоциклист катуу ылдамдыкта келип, ага урунган.

БИШКЕК, 10-июл. — Sputnik. Москвада мотоциклист менен кагышкан таксист Кыргызстандын жараны экенин КРдин Россиядагы элчилигинин маалымат катчысы Гүлбарчын Байымбетова билдирди.

Буга чейин РИА Новости агенттиги 8-июлда Москвада жол кырсыгы болуп, анда миллиардер Владимир Маруговдун улуу каза болгонун жазган.

Байымбетованын айтымында, кыргызстандык жаран 23 жашта, Баткен облусунда туулган. Элчиликтин кызматкерлери анын туугандары менен такай байланышта жана жол кырсыгына кабылган жаранга адвокат жалданган. Учурда тергөө амалдары жүрүп жатат.

Кырсык болгон учурдун видеосун Москванын жол кыймылын уюштуруу борборунун жетекчисинин орун басары Александр Евсин жарыялады.

Москванын жол кыймылы коопсуздугу боюнча мамлекеттик инспекциясынын маалымат кызматынан кабарлашкандай, жол кырсыгы Фрнузе көчөсүндөгү №46 үйдүн маңдайында болгон. Таксист жолдон бурулуп жатканда катуу ылдамдыкта келе жаткан мотоциклист ага урунган. Анын кесепетинен эки унаа тең күйүп кеткен. Мотоциклист ооруканада каза болгон. Таксист дагы олуттуу жаракат алган.

Москванын Таган райондук соту 9-июлда ишти карап, таксинин айдоочусун эки айга камаган. Учурда керектүү соттук-медициналык экспертизалар дайындалды. Ал Россиянын Кылмыш-жаза кодексинин 264-беренесинин 3-бөлүмү ("Этиятсыздыктан улам адам өлүмүнө алып келген жол кырсыгы") боюнча айыпталууда. Бул берене боюнча айыпталгандар беш жылга чейин эркинен ажыратылышы мүмкүн.

Россиянын ЖМКларынын жазышынча, Владимир Маругов эл арасында "эт падышасы" деген лакап ат менен белгилүү. Ал бир нече колбаса заводдоруна ээлик кылат.

1783
Белгилер:
милиция, Москва, Россия
Тема боюнча
Мекенине келе жаткан... Оренбургдагы жол кырсыктан 3 кыргызстандык каза болду
Жол кырсыгынан жабыркаган унаа. Архив

Бишкекте жүрүп бараткан автоунаанын дөңгөлөгү жарылып, бакты сүзгөн. Видео

110
(жаңыланган 22:25 05.08.2020)
Окуя бүгүн кечке жуук Чүй проспектисинде болгон. Кырсыктын кесепетинен эки киши жабыркап, аларды Тез жардам кызматы алып кеткен.

БИШКЕК, 5-авг. — Sputnik. Бишкекте жүрүп бараткан автоунаанын дөңгөлөгү жарылып кетип, жолдун четиндеги бакты сүзүп токтогон. Бул тууралуу Sputnik агенттигине Милициянын кайгуул кызматы башкармалыгынын маалымат катчысы Байгазы Айтикул уулу билдирди.

Окуянын видеосу "Короче" Telegram-каналында жарыяланды.

Милициянын айтымында, окуя бүгүн, 5-августта, саат 19:20лар чамасында болгон. Анда Honda Odyssey үлгүсүндөгү автоунаа Чүй проспекти менен бара жатканда сол дөңгөлөгү жарылып, жолдун четиндеги бакты сүзүп токтогон.

Ош — Өзгөн жолундагы кырсыктан эки жигит көз жумду

Кырсыктын кесепетинен эки киши жабыркап, ооруканага жеткирилди. Автоунаа айып короого киргизилип, жол кырсыгынын себеби такталып жатканы кошумчаланды.

110
Белгилер:
видео, дөңгөлөк, унаа, жол кырсык, Бишкек
Тема:
2020-жылдын башынан бери Кыргызстанда болгон жол кырсыктар
Тема боюнча
Караколдо кырсыкка кабылган автоунаа аласалып кетти. Видео
Жарылуу болгон Бейрут шаары

Бейруттагы жарылуу төрт оорукананы талкалады. Жабыркагандар жардамга муктаж

150
(жаңыланган 20:16 05.08.2020)
Акыркы маалыматтар боюнча, ири кырсыктын кесепетинен 100дөн ашык киши каза болуп, төрт миңден көбү жабыркаган. Жарылуу 4-августта катталган.

БИШКЕК, 5-авг. — Sputnik. Бейруттагы катуу жарылуудан төрт оорукана түп орду менен талкаланып, бейтаптар башка мекемелерге жайгаштырылды. Ал эми кырсыктан жабыркагандар ооруканаларда орун жетишсиздигинен кайдан жардам алышты билбей жатат. Бул тууралуу Ливандын саламаттык сактоо министри Хамад Хасандын айтымына таянып РИА Новости билдирди.

Ал эми шаардын губернатору Марван Аббуд жарылуудан кийин Бейруттун жүз миңдеген жашоочулары үйлөрүн таштап башка жакка кетүүгө аргасыз болгонун кабарлады.

Буга чейин ал порттогу жарылуудан 10 куткаруучу көз жумганын айткан.

"300гө жакын адам аргасыздан үйлөрүн таштап кетти. Шаар 3-5 миллиард доллардай чыгымга учурады", — деди Аббуд.

Акыркы маалыматтар боюнча, ири кырсыктын кесепетинен 100дөн ашык киши каза болуп, төрт миңден көбү жабыркаган.

Жүрөктү титиретет! Бейруттагы  катуу жарылуунун видеосу 

Эске салсак, 4-августта Ливандын борбору Бейрут шаарындагы портто катуу жарылуу болгон.

150
Белгилер:
бейтап, оорукана, жарылуу, Бейрут, Ливан
Тема:
Бейруттагы жарылуу
Тема боюнча
Үрөй учурган жарылуу болгон жерден алынган 14 сүрөт. Бейруттагы трагедия
Жарылуу болгон Бейруттан көрсөтүлгөн түз эфир
Бейруттагы жарылуу: Жээнбеков Ливан президентине көңүл айтты
Чек ара. Архив

Казак чек арасындагы чатак: мигранттар алдамчылардын торуна кантип түштү

0
(жаңыланган 00:24 06.08.2020)
Оренбург менен Самаранын жанындагы чатыр шаарчанын жашоочулары үйүн көздөй жөнөдү. Кыргызстан жарандары Россиядан автобус менен жолго чыкты. Ал эми Өзбекстан атуулдарын жуманын түнүндө поезд менен алып чыгып кетишет.

Алексей Стефанов

Кыргызстан менен өзбекстандык мигранттар Самара менен Оренбург облустарынын админстративдик чек арасында россиялык тарип сактоочулар менен чырдашты деп ЖМКлар жаза баштаганда, маселе чечилип калган.

Казакстандын жанындагы аймакта үч лагерь пайда болгон. Оренбургдун Бузулук, Самаранын Большечерниговск райондорунда, үчүнчүсү эки аймактын чегиндеги админстративдик трассанын бойлой жайгашкан. Чатак дал ушул үчүнчүсүндө чыккан.

Россия-казак чек арасында чогулган кыргыз, өзбек мигранттары эртең мекенине жөнөтүлөт

Лагерлерде мекенине жетүүнү каалаган Кыргызстан менен Өзбекстандын жарандары жашап турган. Бирок жабылган чек арага туш келди. Алар бул аймакка кокустан келген эмес, мигранттар алдамчы мекендештеринин айтканына ишенип жолго чыккан.

Оренбург облусунун админстрациясы: колдон келишинче жардам бердик

"Бардык мамлекеттердин өкмөттөрү мигранттардын үйүнө жетип алышына жардам кылыш керек деген чечимге келип, жол ачып, кордидор уюштуруп берген. Кыргыздар эки миңден көбүрөөк эле, эки күн жолго чыгышты. Акыркыларын салган автобус да жөнөп кетти. Ал эми өзбектер 700гө чукул. Учурда Бузулук-Ташкент поезд каттамына билет алышууда, бейшемби түнү үйүнө кетет", - деп айтып берди Sputnik агенттигине Бузулуктун акиминин социалдык маселелер боюнча орун басары Татьяна Успанова.

Ал мигранттардын арбын бөлүгү талаада пайда болору менен райадминстрация Россияда калып калган бул калкка зарыл шарттарды түзүп берүү үчүн болгон аракетин кылгандыгын айтты. Тигилген чатырларга электр кубатын тартып алып келген, иче турган жана техникалык суу менен камсыздаган, таштанды салуучу контейнерди орноткон. Ажатканаларды курган.

Албетте, булар айылдагыдай болгону менен жоктон көрө жогору эле. Ага чейин бул жерде адам жашабаган ээн талаа болгонун Успанова кошумчалаган.

Оренбургдан келчү мекендештерди ташыган 43 автобус жолго чыкты

"Лагерге мекендештери келип мигранттарга жардам берип жатышты. Ишкерлер аларга жумуш сунуштаганы менен, эч ким иштей турган каалоосун билдирген жок. Кыязы, жашап турганга каражаттары бар окшойт. Биздин лагерь аркылуу үч миңге чукул мигрант өтсө, алардын 10го жакыны гана ишке чыгып, калганы жөнөп кетчү күндү күтүп отурушту", - деп айткан Успанова.

Гастарбайтерлер алдамчы-таксисттердин торуна түшүп калышты

"Азыр Бузулук районундагы лагерь жабылды, эл кетүүгө камынып отурушат", - деди ал.

"Бул деген алдамчылык да, эл социалдык тармакка жазылгандарга ишенип алыптыр. Анда бул жерде үйүнө кетебиз деген гастарбайтер пансиоанат, санаторийлерге жашап турат деп айтылган экен. Эки адам бир бөлмөгө жайгаштырылат жана үч маал тамак берилет дешиптир. Анан бизге Россиянын булуң-бурчтарынан – Москвадан, Сахалинден, Воронеж, Пермь, Краснодар, Тюменден келе башташыптыр… Бул жерге жеткенде эч нерсеси жок талаага туш болушту", - дейт ачууланган Успанова.

Ал улуттук топтордогу мындай билдирүүлөр токтобосо, ээн лагердин жанына чатырлар кайрадан тигилиши мүмкүн деп чочулап жатканын айтты. "Мен элди аяп жатам — алар ишенип, талаага келип жатышат".

"Ооба, туура, мындай маалыматты таксисттердин Telegram каналы таратат. Алар мигранттарды Өзбекстанга алып кетүүнү сунуштап, көп акча алышкан, бирок чек арадан жүргүнчүлөрдү таштап, өздөрү артка кетип калышкан", — деп билдирди Өзбектер жана өзбекстандыктардын бүткүл Россиялык конгрессинин аймактык бөлүмүнүн башчысы Диляра Сабирова.

Ал ушул күндөрдө мекендештерине күйүп-бышып жардам берип, көйгөйлөрүн чечкенге аракет кылып жатты.

"Биз Өзбекстандын жарандарын мекенине жөнөткөнү жатабыз. Бүгүн аталган өлкөнүн башкы консулу келип, аны менен биргеликте адамдардын санын аныктап, тизмесин түздүк. Эми 7-августка караган түнү Өзбекстанга эки курам жөнөтүлөт", — деди Сабирова.

16 вагондон турган бир поезд Оренбург облусундагы Бузулук станциясына, ал эми 20 вагондон турган экинчи поезд Самара аймагындагы Кинель станциясына келип, жума күнү кечинде 1500 адам Ташкентке кайтат.

"Бул жолкусунда маселеге олуттуу карадык. Кечээ түнкү саат бирге чейин тизмени түзүп, бүгүн бардыгын компьютерге тердик. Өткөндө жагымсыз жагдайга туш болдук эле, тагыргаагы, июль айынын орто ченинде мигранттарды поездге түшүрө баштаганда, ал жакта чоочун адамдар бар экени белгилүү болду. Эми мындай кырдаалга жол берилбейт, жөнөтүүнүн бардык процесси көзөмөлдөнөт", — деди Сабирова.

Ошондой эле Сабирова Кыргызстандын бардык жарандары лагердеги чатырлардан кеткендигин тастыктады. Ал эми Өзбекстандын жарандары билеттерди алып, поезддин келишин күтүп жатышат. Анын айтымында, Самара жана Оренбург облустарынын администрациясы мигранттар темир жол бекеттерине жетип алышы үчүн автобустарды беришет, андан кийин үйлөрүнө кетишет.

"Албетте, кыйынчылыктар дагы бар. Мисалы, бир адамды Новороссийскиден автоунаа менен алып келишкен, ал үчүнчү кабаттан кулап түшүп, өтө оор жаракат алган экен. Операция араң жасалган. Ал азыр деле автоунаада жатат, айланадагылар жардам берип атышат. Чартердик рейс жок болгондуктан, учак менен алып кете албай койдук. Кечээ бирөөлөр менен сүйлөшкөндө аны станцияга чейин алып барууну, мүмкүн болсо поезд менен жөнөтүүнү суранганбыз. Балдак таянган дагы эки киши бар, аларды тез арада мекенге кайтарышыбыз керек. Дагы кош бойлуу үч аял жана үч бала бар", — деп сөзүн жыйынтыктаган Сабирова.

Ал ойлогон ою ишке ашып, эл аман-эсен үйүнө жетип аларына үмүт артып турганын кошумчалады.

0
Белгилер:
поезд, автобус, коронавирус, мигранттар, Казакстан, Самара, Оренбург, Россия
Тема боюнча
Миңдеген кыргызстандыктар Россия менен каттамдын ачылышын күтүп жатат