Көкөмеренге кулаган унаа: аткаминердин жубайынын сөөгү табылды

CC0 / IK3 / Река
Река - Sputnik Кыргызстан
Жазылуу
Автоунаасы менен дарыяга кулап, агып кеткен үй-бүлө мүчөлөрүн 10 күндөн бери издеп жатышкан.

БИШКЕК, 10-июл. — Sputnik. Автоунаасы менен Көкөмерен дарыясына кулап, агып кеткен Чүй облустук администрациясынын аппарат башчысы Молдакун Абдылдаевдин жубайы Тинатин Шадыканованын сөөгү табылды. Бул туурасында ӨКМден билдиришти.

Эскерте кетсек, кырсык 30-июнда саат 9.30дар чамасында Жайыл районунун Кызыл-Ой менен Кожомкул айылынын ортосунда болгон. Унаада Абдылдаев, жубайы, уулу, небереси жана айдоочусу болгон. Эки күндөн кийин аткаминер менен айдоочусунун сөөгүн суудан алып чыгышкан. 4-июлда кечинде 8 жаштагы небересинин сөөгүн табышкан.

Аткаминердин жубайы менен уулунун сөөгү 10 күндөн бери изделип жаткан.

"Бүгүн, 10-июлда, издөө иштерин жүргүзүү үчүн ӨКМден жалпы 102 куткаруучу тартылган. Саат 17:20да Арал айылынан эки чакырым алыстыктагы Көкөмерен дарыясынан аял кишинин сөөгү табылды. Издөө иштери уланууда", — деп айтылат маалыматта.

Сууга түшүп кеткен унаа. Архив - Sputnik Кыргызстан
Сууга түшүп кеткен аткаминердин кызы элден жардам сурады. Кырсыктын чоо-жайы
Тинатин Шадыканова эки жогорку билимдин ээси: биринчиси — кыргыз тили жана адабияты боюнча мугалим, экинчиси — юрист. Эмгек жолун бала бакчадан, жогорку окуу жайларында мугалим болуп баштаган. 2003-жылы жаңы ачылган Заманбап маалыматтык технологиялар жана билим берүү институтуна (ИСИТО) жумушка орношуп, жетектөөчү адис, бөлүм башчы, декан кызматтарын аркалаган. Акыркы кезде окуу иштери боюнча проректор болуп иштеп жаткан.

Жаңылыктар түрмөгү
0