Ак-Буура дарыясы. Архивдик сүрөт

Ак-Буурага кулаган машинадан бир киши аман калып, экинчиси каза болду

183
(жаңыланган 09:53 11.07.2019)
Окуя 10-июль күнү саат 12:00 чамасында Ош—Папан—Кожокелең унаа жолунун 60-чакырымында болгон.

ОШ, 11-июл. — Sputnik. Ак-Буура дарыясына унаа менен түшүп кеткен эки адамдын бири аман калып, экинчисинин сөөгү табылды. Бул тууралуу Өзгөчө кырдаалдар министрлигинин Кара-Суу райондук бөлүмүнөн билдиришти.

Кырсык 10-июль күнү саат 12:00 чамасында Ош—Папан—Кожокелең унаа жолунун 60-чакырымында болгон. Папан айыл өкмөтүнө караштуу Кожокелең айылынын тургундары 28 жана 18 жаштагы эки жигит ВАЗ 2107 унаасы менен Ак-Буура дарыясына түшүп кеткен. Автоунааны айдап бара жаткан 28 жаштагы жигит суудан чыгууга жетишкен, ал эми унаанын жүргүнчүсү машина менен кошо агып кеткен.

Айдоочу Чычкан-Кол айылындагы Папан айылдык ооруканасына жеткирилген. Ал эми 18 жаштагы жигитти издөө үчүн Папан айыл өкмөтүнөн бир экскаватор, республикалык куткаруу отрядынан сегиз куткаруучу, 30га жакын жергиликтүү тургун жана милициянын үч кызматкери тартылган.

Жүргүнчүнүн сөөгү Папан айыл өкмөтүнө караштуу Алчалуу айылынын жанындагы Ак-Буура дарыясынан табылып, туугандарына өткөрүлүп берилди. Ал окуя болгон жерден болжол менен 2 чакырым алыс жерге чейин агып кеткен. ВАЗ 2107 унаасы саат 17:00дөр чамасында суудан чыгарылган.

183
Белгилер:
ӨКМ, Ош
Тема боюнча
Бир ай мурун Суусамырда жоголгон 3 жашар баланын сөөгү Көкөмеренден табылды
Последствия ДТП между КамАЗ и Hyundai Sonata в Иссык-Кульской области между селами Тору-Айгыр и Чырпыкты

Ысык-Көлдө КамАЗ менен жеңил унаа кагышып, эки киши мерт болду. Сүрөттөр

8
(жаңыланган 14:52 10.08.2020)
Жол кыргысы кечээ саат 22:40тар чамасында болгон. Жеринде эки адам каза болду. Бири 1992-жылы туулган кыз.

БИШКЕК, 10-авг. — Sputnik. Ысык-Көл облусунун Тору-Айгыр жана Чырпыкты айылдарынын ортосунда КамАЗ менен Hyundai Sonata автоунаасы сүзүштү. Бул тууралуу облустук Жол кыймылы коопсуздугун камсыздоо башкармалыгынан билдиришти.

  • Последствия ДТП между КамАЗ и Hyundai Sonata в Иссык-Кульской области между селами Тору-Айгыр и Чырпыкты
    Ысык-Көл облусунун Тору-Айгыр жана Чырпыкты айылдарынын ортосунда КамАЗ менен Hyundai Sonata автоунаасы сүзүштү.
    © Sputnik
  • Последствия ДТП между КамАЗ и Hyundai Sonata в Иссык-Кульской области между селами Тору-Айгыр и Чырпыкты
    Жол кыргысы кечээ саат 22:40тар чамасында болгон. Жеринде эки адам каза болду.
    © Sputnik
1 / 2
© Sputnik
Ысык-Көл облусунун Тору-Айгыр жана Чырпыкты айылдарынын ортосунда КамАЗ менен Hyundai Sonata автоунаасы сүзүштү.

Жол кыргысы кечээ саат 22:40тар чамасында болгон. Жеринде эки адам каза болду. Бири 1992-жылы туулган кыз экени айтылды. 

Последствия ДТП между КамАЗ и Hyundai Sonata в Иссык-Кульской области между селами Тору-Айгыр и Чырпыкты
© Sputnik
ДТП в Иссык-Кульской области

Дагы бир киши катуу жаракат алган. Ал эми жүк жашуучу унаанын айдоочусу жабыркаган эмес.

8
Белгилер:
өлүм, жол кырсык, Ысык-Көл
Тема:
2020-жылдын башынан бери Кыргызстанда болгон жол кырсыктар
Тема боюнча
Ош — Өзгөн жолундагы кырсыктан эки жигит көз жумду
Суунун боюнда турган бала. Архивдик сүрөт

ӨКМ: бир жумада беш киши сууга чөгүп кеткен, анын төртөө балдар

5
(жаңыланган 14:49 10.08.2020)
ӨКМдин маалыматы боюнча, былтыр жылдын башынан бери Кыргызстанда 54 киши чөгүп кетсе, анын 35и жайында катталган.

БИШКЕК, 10-авг. — Sputnik. Кыргызстанда өткөн жумада беш киши сууга чөгүп кеткенин Өзгөчө кырдаалдар министрлигинин маалымат катчысы Элмира Шерипова билдирди.

Кыргызстандагы жырылып кетүү коркунучу бар көлдөр изилдене баштады

Анын айтымында, 9-августта Кемин районундагы көлмөгө 15 жаштагы бала чөгүп кеткен. Аны издөөгө төрт куткаруучу тартылып, бирок майнап чыккан эмес. Ошол эле күнү Лебединовка айылында дагы 15 жаштагы бала сууга түшүп кетип, сөөгү эки күндөн кийин табылган. Бул күнү дагы бир кайгылуу окуя катталып, Кара-Суу районунда 7 жаштагы бала чөгүп кеткен.

"Ага чейин Жалал-Абаддын Ала-Бука районунда 26 жаштагы кишинин сөөгү табылган. 7-августта да Чүй дарыясына жети жаштагы бала түшүп кеткен, эмдигиче табыла элек", — деди Шерипова.

ӨКМдин маалыматы боюнча, 2020-жылдын башынан бери Кыргызстанда 54 киши чөгүп кетсе, анын 35и жайында катталган. Мекеме былтыр мындай окуялар көбүрөөк болгонун белгиледи. Тагыраагы, 2019-жылы ушул убакта 122 киши сууга түшүп кетсе, анын 96сы жайкы мезгилге туура келген.

5
Белгилер:
сууга чөгүү, өлүм, Суу, ӨКМ
Тема боюнча
Мелдешип сууга секирген. Караколдо эркек кишинин сөөгү табылды