Темир Жумакадыров каза болгон жол кырсык

Кан жолдо каза болуп, кырсык тооруган аткаминерлер менен жакындары. Тизме

9623
(жаңыланган 17:23 11.07.2019)
Кыргызстан агенттиги жогорку кызмат адамдары жана алардын жакындары катышкан жол кырсыктарын тизмектеп көрдү.

БИШКЕК, 11-июл. — Sputnik. Июнь айынын соңунда жана июль айынын башында кызмат адамдары кабылган эки жол кырсыгы коомчулукту сестендирди. Бир трагедия Чүй облустук администрациясынын аппарат жетекчиси Молдакун Абдылдаевдин үй-бүлөсү менен сууга түшүп кетиши болду. Ал эми дагы бир кырсыкта депутаттын уулу жаракат алып, башка унаадагы төрт кишинин бири да тирүү калган жок.

Коомдо чоң талкуу жараткан бул окуялардан улам Sputnik Кыргызстан агенттиги аткаминерлер жана алардын жакындары кабылган жол кырсыктарын тизмектеди.

ЖК депутатынын уулу, шаардык кеңештин депутаты — Темирлан Токобеков

Редакции Sputnik Кыргызстан на условиях анонимности предоставили снимки разбитых в ДТП Lexus и внедорожника BMW со стоянки в Чолпон-Ате
© фото очевидца, отправленное по WhatsApp-каналу.
Чолпон-Атада төрт кишинин өмүрүн алган жол кырсыгы болду. Анда BMW X7 автоунаасы менен Lexus ES 330 кагышкан.

2019-жылы 7-июлда таңга жуук Чолпон-Ата шаарына жакын жайгашкан Бактуу-Долоноту айылында Lexus ES 330 жана BMW Х-7 автоунаалары кагышкан. Анын кесепетинен жеңил унаадагы төрт жигит каза болгон. Ал эми кроссоверде Жогорку Кеңештин депутаты Алиярбек Абжалиевдин уулу, Бишкек шаардык кеңешинин депутаты Темирлан Токобеков отурганы белгилүү болду. Милиция BMW Х-7 унаасын Чүй облусунун 23 жаштагы тургуну айдап жүргөнүн маалымдады.

Абдылдаевдердин трагедиясы

Полномочный представитель президента в ЖК Молдакун Абдылдаев на заседание ЖК. Архивное фото
© Sputnik / Табылды Кадырбеков
Өкмөттүн Чүй облусундагы өкүлчүлүгүнүн аппарат жетекчиси Молдакун Абдылдаев

2019-жылы 30-июнда саат 9.30дар чамасында Жайыл районунун Кызыл-Ой менен Кожомкул айылынын ортосунда авто кырсык болгон. Анда өкмөттүн Чүй облусундагы өкүлчүлүгүнүн аппарат жетекчиси Молдакун Абдылдаев үй-бүлө мүчөлөрү (жубайы, уулу, небереси жана айдоочусу) менен Көкөмерен суусуна түшүп кеткен. Эки күндөн кийин Абдылдаев менен айдоочусунун сөөгү табылган. Кийин куткаруучулар суудан небереси менен жубайынын сөөгүн алып чыгышты. Учурда маркум аткаминердин уулунун сөөгү изделүүдө.

Экс-министр Малабаев бараткан жол тандабас тоодон кулап...

Последствия ДТП с бывшим министром транспорта КР Аргынбеком Малабаевым
© Фото / пресс-служба УОБДД Чуйской области
Мурдагы министр Аргынбек Малабаев ичинде бараткан Toyota Land Cruiser үлгүсүндөгү автоунаа тоодон кулаган

2019-жылы 27-январда мурдагы транспорт жана коммуникация министри Аргынбек Малабаев жакындары менен Сокулуктун "Белогорка" капчыгайына аңчылыкка чыккан. Анда Toyota Land Cruiser үлгүсүндөгү унаа тоонун кыры менен бара жатып, ылдыйды көздөй тоголонуп кеткен. Мунун кесепетинен бир адам каза болуп, үчөө жаракат алган. Кырсыктаган Малабаев реанимацияга түшүп, үч кабыргасы сынып, мээси чайкалганы айтылган.

Жусупали Исаев

Экс-депутат Жогорку Кенеша от фракции СДПК Жусупали Исаев во время заседания
© Фото / пресс-служба Жогорку Кенеша
Жогорку Кеңештин мурдагы депутаты Жусупали Исаев жол кырсыктан каза болгон

2018-жылы 18-февралда Баткендеги Ош — Исфана жолунда болгон жол кырсыктан мурдагы депутат Жусупали Исаев каза болгон. Маалыматка ылайык, мурдагы эл өкүлүнүн автоунаасы жол четинде бузулуп турган КамАЗга урунган.

Энесинен айрылган депутат Нодирбек Каримов

Депутат ЖК КР от партии СДПК Нодирбек Каримов
© Sputnik / Табылды Кадырбеков
Жогорку Кеңештин депутаты Нодирбек Каримов жол кырсыктан энесин жоготкон

2018-жылы 21-октябрда ЖКнын депутаты Нодирбек Каримов Бишкек - Ош жолунда автокырсыкка кабылып, автоунаада уулу менен кошо кетип бара жаткан энеси каза болгон.

Темир Жумакадыров

Последствия ДТП на трассе Бишкек — Кара-Балта, где погиб вице-премьер-министр КР по силовому блоку Темир Джумакадыров
© фото очевидца, отправленное по Whats App-каналу
Маркум вице-премьер Темир Жумакадыров бараткан Land Cruiser автоунаасы жол кырсыгына кабылган

2017-жылы 7-октябрда саат 7.30дар чамасында Чүй облусундагы Москва районуна караштуу Садовое айылында Land Cruiser үлгүсүндөгү жол тандабас менен жүк ташуучу автоунаа кагышып, вице-премьер Темир Жумакадыров көз жумган. Кырсык болгон жерде вице-премьер менен чогуу кетип бараткан жардамчысы менен айдоочусу мүрт кеткен.

Тайырбек Сарпашевдин талкаланган кызматтык автоунаасы

Первый вице-премьер-министр Тайырбек Сарпашев на заседании республиканского штаба по созданию Единого государственного реестра населения (ЕГРН) с биометрическими данными граждан
© Пресс-служба правительства / Сабыр Аильчиев
Мамлекеттик каттоо кызматынын мурдагы төрагасы Тайырбек Сарпашев

2015-жылы 14-июлда ошол учурдагы биринчи вице-премьер-министр Тайырбек Сарпашевдин Land Cruiser V8 үлгүсүндөгү кызматтык автоунаасы жол кырсыкка кабылган. Сарпашев 13-июлда Баткенге учуп, андан кийин автоунаа менен Баткен — Ош — Жалал-Абад маршруту менен келиши керек болчу. Анын айдоочусу Сарпашевди түштүктөн тосуп алыш үчүн кетип баратып, 14-июлда Таш-Көмүр шаарын аралап өткөн Бишкек – Ош жолунда рулду башкара албай, автоунаа ала салып кеткен. Биринчи вице-премьердин айдоочусу түрдүү жаракаттарды алып, Таш-Көмүр шаарындагы ооруканада беш күндөй дарыланып, үйүнө чыккан.

Депутаттын уулу Мээримбек Нурдинов

Экс-депутат ЖК Надира Нарматова во время интервью Sputnik Кыргызстан
© Sputnik / Жоомарт Ураимов
Жогорку Кеңештин мурдагы депутаты Надира Нарматова

Жогорку Кеңештин мурдагы депутаты Надира Нарматованын 1984-жылы туулган баласы Мээримбек Нурдинов 2013-жылы 21-июлда Чычкан капчыгайында болгон жол кырсыктан каза тапкан. ӨКМдин берген маалыматы боюнча, Toyota Camry автоунаасы Оштон келе жатып Volvo үлгүсүндөгү жүк ташуучу автоунаа менен кагышкан.

Иса Өмүркуловдун баласы

Депутат Жогорку Кенеша Иса Омуркулов
© Фото / пресс-служба ЖК
Жогорку Кеңештин депутаты Иса Өмүркулов

2011-жылдын август айында Бишкектин чыга беришиндеги айланма жолдо (Дунларов көпүрөсү) кырсык болуп, үч киши көз жумган. Трагедияга ошол учурда шаар мэри болуп турган Иса Өмүркуловдун баласы Азамат Өмүркулов күнөөлүү деп табылган. ЖМКлардын жазганы боюнча, ал катуу ылдамдык менен баратып каршы тилкеге чыгып кеткен. Ошол эле жылы ноябрь айында жабырлануучу тарап арызынан баш тартканы үчүн иш токтотулган. Бирок Азмат Өмүркулов жазасын алышы керектигин айтып, тосмо арыз жазган. Сот отуруму бир нече жолу жылдырылган. Ошентип сот Азамат Өмүркуловду шарттуу түрдө жети жылга эркинен ажыраткан.

Насирдин Исанов

Насирдин Исанов — государственный деятель и первый премьер-министр Кыргызстана, академик Инженерной академии СССР
предоставлено Марией Исановой
Кыргызстандагы алгачкы өкмөт башчы Насирдин Исанов

1990-жылы президенттикке ат салышып, Аскар Акаевге утулуп калган Насирдин Исанов 1991-жылдын 21-январында эгемендүү Кыргызстандын алгачкы өкмөт башчысы болуп дайындалган. Андан көп өтпөй эле, премьер-министрдин "Волга" унаасы Ош — Жалал-Абад жолунда кырсыкка кабылып, каза болуптур деген суук кабар тараган. Тергөөнүн расмий берген маалыматы боюнча, Исанов бара жаткан унааны ЗИЛ-130 үлгүсүндөгү жүк ташуучу унаа коюп кеткен. Окуядан бир гана Насирдин Исановдун каза болушу көптөгөн бүдөмүк ойлорду жараткан.

Анарбек Бакаев

1996-жылы 21-октябрда Кыргызстандын улуттук коопсуздук боюнча министри Анарбек Бакаев бара жаткан Volkswagen Passat кызматтык унаасы "Манас" аэропортунун жолунда кырсыкка кабылган. Анда да министрдин унаасын ЗИЛ жүк ташуучу машинасы келип сүзгөн. Окуядан көп өтпөй ЗИЛдин айдоочусу мас абалында болгондугу айтылган. Москвадагы дарыгерлердин жардамы менен да Анарбек Бакаевди сактап калууга мүмкүн болгон эмес.

9623
Белгилер:
Кыргызстан
Тема боюнча
Москвада миллиардердин уулу кыргызстандык таксисттин унаасына урунуп көз жумду. Видео
Видео жазууларды алдык. Тергөөчү Чолпон-Атадагы кырсык боюнча маалымат берди
Хакасияда болгон жол кырсыгы

Эс алам деп... Хакасиядагы жол кырсыгында кыргызстандык жигиттер каза болду

124
(жаңыланган 17:02 12.08.2020)
Nissan Sunny автоунаасынын 24 жаштагы айдоочусу бурулуштан рулду башкара албай калып жолдун жээгине чыгып кеткен. Жыйынтыгында автокөлүк ала салып барып токтогон.

БИШКЕК, 12-авг. — Sputnik. Хакасияда беш кыргызстандык жол кырсыгына кабылып, экөө көз жумду. Бул тууралуу аймак боюнча Жол кыймылы коопсуздугун камсыздоо башкармалыгынын "ВКонтакте" тармагындагы баракчасына жарыяланды.

  • На месте ДТП с кыргызстанцами в Хакасии
    Хакасияда беш кыргызстандык жол кырсыгына кабылып, экөө көз жумду
    © Фото / УГИБДД Хакасии
  • На месте ДТП с кыргызстанцами в Хакасии
    Nissan Sunny автоунаасынын 24 жаштагы айдоочусу бурулуштан рулду башкара албай калып жолдун жээгине чыгып кеткен. Жыйынтыгында автокөлүк ала салып барып токтогон.
    © Фото / УГИБДД Хакасии
1 / 2
© Фото / УГИБДД Хакасии
Хакасияда беш кыргызстандык жол кырсыгына кабылып, экөө көз жумду

Маалыматка караганда, кыргызстандыктар Красноярск крайынан көлгө түшүп, эс алуу үчүн барышкан. Кырсык 11-август күнү саат 13:50дө Ачинск — Ужур — Шира — Троицкое автожолунун 232-чакырымында болгон.

Nissan Sunny автоунаасынын 24 жаштагы айдоочусу бурулуштан рулду башкара албай калып жолдун жээгине чыгып кеткен. Жыйынтыгында автокөлүк ала салып барып токтогон.

"Кесепетинде арткы орундуктагы эки киши көз жумган. Айдоочу менен 24 жана 20 жаштагы эки жигитке медициналык жардам көрсөтүлдү. Бирок алар ооруканага жаткан жок", — деп айтылат кабарда.

Машина талкаланган. Бишкектин четиндеги үрөй учурган кырсыктын видеосу

Кырсыктын чоо-жайы иликтенип жатат.

124
Белгилер:
өлүм, жол кырсык, Хакасия, Россия
Тема боюнча
Бетме-бет сүзүшкөн. Көлдөгү жол кырсыктын чоо-жайы

Бир айдан бери түтөп жатат! Бишкекте карьердеги өрт кантип өчүрүлүүдө. Видео

48
Дээрлик бир айдан бери калаанын түштүк тарабындагы быкшыган карьер өчүрүлбөй жатат. Күйүктүн жыты шаардын түштүк тарабын каптоодо. Sputnik Кыргызстандын кабарчылары жерине барып, шаар бийлиги көйгөйдү кантип чечип жатканын көрүп келди.

Бул көйгөйдү биринчилерден болуп шаар тургундары айтып чыкты. Алардын бири Михаил Дудиндин билдиргенине караганда, сасык жыттан улам айнекти ачып уктоого мүмкүн болбой калган.

"Түн ортосунда киши чыдагыс жыттан улам ойгондум. Ошондон кийин бир нече күн айнектерди ачкан жокпуз. Өрт өчүрүүчүлөр келип, суу чачып кетишет. Бирок бир нече саттан кийин таштанды кайра күйө баштайт", — деди Бишкек тургуну.

Баса, карьер көптөн бери иштетилбей калган. 1990-жылдардын аягында бул жерден топурак алышчу. Кийин, шаардыктардын айтымында, карьерге кайрадан топурак төгүлчү, ал эми өткөн жылдын жайынан бери таштанды ыргытылып жатат. 2020-жылдын жазынан тарта таштандыларды тобу менен алып келип төгө башташкан.

Караңгыдагы алоолонгон жалын. Бишкектеги өрттүн асмандан тартылган видеосу

Отту өчүрүү үчүн кескин чаралар көрүлө баштаганын Октябрь районунун акиминин орун басары Таалайбек Акматбаев айтат.

"Азыр жеринде бульдозер иштеп, таштандыларды көтөрүп жатат. Биз анын алдындагы оттун тутанган жерин табышыбыз керек", — деди ал.

Орун басардын айтымында, жергиликтүү бийлик органдары таштанды ыргыткан адамдарга бир нече жолу айып пул салышкан. Бирок шаардыктар көнгөн адатын токтотушкан эмес.

48
Белгилер:
өрт, таштанды, карьера, Бишкек
Тема боюнча
Бишкектин 11-кичи районундагы быкшыган түтүн токтой элек. Видео
Уйлар. Архив

Ош: күйдүргү чыккан уй эмделбегени үчүн ветеринарлар жазаланды

0
(жаңыланган 18:29 12.08.2020)
Учурда Ош облустук ооруканасында күйдүргүгө шектелип жети киши жатат, ал эми бир адамдан илдет тастыкталган. Оору очогу болгон айыл карантинде.

БИШКЕК, 12-авг. — Sputnik. Кара-Суу районуна караштуу Папан айыл өкмөтүнүн Тогуз-Булак айылында союлган уйдан күйдүргү тараганына байланыштуу эки тарап жазаланды. Бул тууралуу Sputnik агенттигине айыл өкмөттүн башчысы Курманбек Мияшев билдирди.

Анын айтымында, ооруга себепкер болгон уй убагында эмделбегени үчүн Кара-Суу районунун Беш-Мойнок ветеринардык сервисине айып тагылды. Себеби уй ошол жакта багылган, ал эми Тогуз-Булак айылына жай мезгилинде убактылуу алып келинип, малчылар карап жаткан. Ошондой эле аны сойгон кишиге дагы айып салынган.

"Малды убагында эмдеп турушу керек болчу, бирок бул иш аткарылган эмес. Учурда ошол оорулуу уйдун эти чогултулуп, териси, кыгы эпидемиологдордун көрсөтмөсү боюнча көмүлдү. Эки миңден ашуун мал жандык күйдүргү оорусуна каршы эмделди", — деди Мияшев.

Тогузбаева: шарп, кутурма, күйдүргү — адам өмүрү үчүн да кооптуу

Эске сала кетсек, 11-августта Ош шаарынын Кара-Суу районундагы Тогуз-Булак айылында күйдүргүгө шектелгендер болуп жатканы маалымдалган. Ош облустук клиникалык ооруканасы 2-августтан тарта сегиз бейтап түшкөнүн билдирген. Кийинчерээк бир кишиден күйдүргү оорусу лабораториялык жактан тастыкталып, Тогуз-Булак айылы карантинге алынган.

Учурда оорунун очогундагы тургундардын күн сайын дене табы өлчөнүп, медициналык байкоо жүргүзүлүп жатат. Ал эми уйдун этин жеген 288 кишиге ооруну алдын алуу үчүн атайын дары-дармектер берилүүдө.

Ошондой эле илдет чыгышы мүмкүн деген жерлер дезинфекцияланып жатат.

 

0
Белгилер:
уй, эмдөө, оору, ветеринария, күйдүргү, Тогуз-Булак, Кара-Суу району, Ош облусу
Тема боюнча
Оштун Кара-Суусунда сегиз киши күйдүргүгө шектелип ооруканага түштү
Күйдүргү: Кара-Суунун Тогуз-Булак айылына карантин киргизилди