БИШКЕК, 12-июл. — Sputnik. Ысык-Көлгө бараткан Volkswagen Golf автоунаасы Токмок шаарына жакын жерден кишини коюп кеткен. Бул тууралуу Чүй облустук ЖКККББнын маалымат кызматы билдирди.
Жол кырсыгы 12-июлда түнкү саат 01:00дөр чамасында болгон. Жашы 40-45тер чамасындагы азиат тектүү киши кырсык болгон жерден каза болгон, учурда анын тек-жайы такталууда.
Аталган факты Кылмыштар менен жоруктардын бирдиктүү реестрине катталып, автоунаа айып короого токтотулду. Материалдар тергөө бөлүмүнө берилип, тийиштүү экспертизалар дайындалды.
