БИШКЕК, 18-июл. — Sputnik. Кечээ Сокулук районунун Күн-Туу айылындагы "Быстроток" каналына 62 жаштагы аял чөгүп кетти. Бул тууралуу ӨКМдин маалымат кызматы билдирди.
Аялдын каналга түшүп кеткени боюнча маалымат 17-июлда түшөрү менен куткаруучулар окуя болгон жерге барышкан.
"Издөө иштерине төрт куткаруучу тартылып, саат 12:33тө аялдын сөөгү табылган", — деп айтылат маалыматта.
Куткаруучулар маркумду ИИМ кызматкерлерине өткөрүп берген.
