Муштум. Архивдик сүрөт

"Рус - красавчик!". Кыргыз жигит уурулар токмоктогон кишини сактап калдыбы? Видео

11182
(жаңыланган 15:49 19.07.2019)
Интернетте катуу талкууга алынган видеонун каарманы адилетсиздикке чыдай албай, сыртка чуркап чыкканын айтып берген.

БИШКЕК, 19-июл. — Sputnik. Интернеттин кыргыз сегментинде "Рус красавчик!" деген аталыштагы видео катуу талкууга алынып жатат.

Анда көрүнүп тургандай, үйдүн короосунда белгисиз үч бала бир кишини ур-тепкиге ала баштайт. Видеонун автору окуяны терезеден тартып жатып, Рус деген бирөөнү кийлигишпе деп суранат. Бир маалда короого үстүндө көйнөгү жок жигит чуркап чыгып, шылуундарды ар кайсы жакка качыра кол салат.

Социалдык тармактардын колдонуучулары окуя Бишкек шаарында болгонун айтып, анын каарманын мактап жатышат.

Ал эми Tengrinews агенттиги окуя Казакстандын Актау шаарында болгонун жазды.

Андагы маалыматка караганда, видеодо 22 жаштагы Руслан Муханбеткалиев болгон. Ал журналисттердин суроосуна жооп берип жатып, жалгыз кишиге кол салуу болгондо үйдө достору менен отурганын айткан.

"Балкон ачык турган эле. Бир маалда сыртта ызы-чуу болуп жаткандай угулду. Карасак бирөөлөр мушташып жатыптыр. Тиги кишиге жардам берип коелу деп алгач досума айттым, бирок кийин өзүм чуркап чыктым. Досум болуп жаткан нерсенин баарын видеого тартып алыптыр", — деген Муханбеткалиев.

Жигит бир кишиге үчөөнүн жабыла калганын жөн карап тура албаганын кошумчалады.

"Чыга калып колдон келгенин жасадым. Өзүм да жаакка жедим, бирок башка кишиге жардам бере алдым. Сабалып жаткан кишинин айтымында, анын жанында акчасы жана телефону бар экен. Кол салгандар ошону тартып алгысы келсе керек", — деди Руслан.

Анын айтымында, ошол күнү кечинде короого байтааныш бирөөлөр келген.

"Өч алганы келди го деп ойлоп, сыртка чыгып ары-бери жакты карап турдум. Бирок эч ким тийишкен жок. Баса, тиги балдардын бирөөсүнүн артынан кууп баратсам, полиция кызматкери чыгып калды. Ага окуяны айтып бергем. Каракчыларды кармап, жоопкерчиликке тартышты деп үмүттөнөм", — деди ал.

Муханбеткалиев мурда айкидо менен алектениптир. Ал эми акыркы кезде брусья жана турникке тартынып жүргөн. Каракчылар менен беттешкен күнү активдүү жашоо образы жардам берди деп ишенет.

Ошондой эле ал автоунаага газ орнотчу жайда катардагы жумушчу экенин, бирок ушундай учурларда адилеттүүлүк үчүн ар дайым колдон келген аракетин кыларын айтып берген.

Мангистау облустук полициясы видеону иликтеп чыкканын, күнөөлүүлөр жоопкерчиликке тартылаарын билдирди.

11182
Белгилер:
полиция, мушташ, уурулук, жардам, жигит, Казакстан
Тема боюнча
Екатеринбургдагы ишкер Камчыбек Каримовго кол салуу учуру видеого түшүп калган
Противогаз кийген ӨКМ кызматкерлери. Архивдик сүрөт

Оштогу күйдүргү: ооруканада канча киши калды

152
(жаңыланган 21:36 14.08.2020)
Кара-Суу районундагы Тогуз-Булак айылында 24-августка чейин 288 киши көзөмөлдө болот. Эпидемияга каршы иш-чаралар уланууда.

БИШКЕК, 14-авг. — Sputnik. Ошто күйдүргүгө шектелип ооруканага түшкөндөрдүн арасынан бирөөндө гана вирус аныкталды. Калган жети киши үйүнө чыгарылды. Бул тууралуу Саламаттык сактоо министрлигинен билдиришти.

"Күйдүргү бир адамдан чыкты, калганы таза экен. 24-августка чейин айылда 288 киши көзөмөлдө болот. Эпидемияга каршы иш-чаралар уланууда”, — деп айтылат билдирүүдө.

Эске сала кетсек, 11-августта Ош шаарынын Кара-Суу районундагы Тогуз-Булак айылында күйдүргүгө шектелгендер болуп жатканы маалымдалган. Ош облустук клиникалык ооруканасы 2-августтан тарта сегиз бейтап түшкөнүн билдирген. Кийинчерээк бир кишиден күйдүргү оорусу лабораториялык жактан тастыкталып, Тогуз-Булак айылы карантинге алынган. 

152
Белгилер:
анализ, вирус, күйдүргү, Ош
Тема боюнча
Ош: күйдүргү чыккан уй эмделбегени үчүн ветеринарлар жазаланды
Муштум. Иллюстративдүү сүрөт

Жатып калган кишини мыкаачылык менен сабады делген киши кармалды

196
Кечээ социалдык тармактарда бир адам эси-учу жок жаткан кишини ур-тепкиге алып, кийин автоунаага түшүп кетип калган видео тараган.

БИШКЕК, 14-авг. — Sputnik. Бишкекте эркек кишини сабап салды деп шектелген жаран кармалды. Бул тууралуу Sputnik агенттигине Милициянын кайгуул кызматы башкармалыгынын маалымат катчысы Байгазы Айтикул уулу билдирди.

Окуя кечээ саат 18:40та Кайыңды жаңы конушунда болгон. 102 кызматына белгисиз жаран бир кишини сабап жаткандыгы тууралуу маалымат түшкөн. Көп өтпөй социалдык тармактарда бирөө эс-учу жок жаткан кишини ур-тепкиге алып, кийин автоунаага түшүп кетип калган видео тараган.

Милициянын маалыматына караганда, сабалган адам тирүү. Ошондой эле ал кол салган кишинин автосун айдай качкан деп шектелүүдө.

Насыя үчүн аялын өлтүрө сабаган зөөкүр. Июлдагы соттук чечимдер

"Ыкчам-иликтөө иштеринин натыйжасында шектүү катары 1986-жылы туулган жаран кармалып, Свердлов районунун тергөө кызматына өткөрүп берилди", — деди Айтикул уулу.

Аталган факт Жазык кодексинин 139-беренесине ("Ден соолукка оор залака тийгизүү") ылайык Кылмыш жана жоруктардын бирдиктүү реестрине каттоого алынды.

196
Белгилер:
видео, автоунаа, кылмыш, эркек, милиция, Бишкек
Тема боюнча
Интерпол аркылуу изделген Түркиянын эки жараны Кыргызстанда кармалды
Спутник V россиялык вакцинасы. Архивдик сүрөт

COVID-19: россиялык вакцинанын каршы көрсөтмөлөрү айтылды

9
(жаңыланган 10:39 15.08.2020)
Алгачкы вакцина жаныбарлар менен адамдарга сыналды. Баарында тең коронавируска иммунитет пайда болгон.

БИШКЕК, 15-авг. — Sputnik. Россиянын Саламаттык сактоо министрлиги коронавирус вакцинасынын каршы көрсөтмөлөрүн атап бергенин "Известия" жазды.

Басылма каттоодон өткөн препараттын инструкциясына таянган.

Каршы көрсөтмөлөрдүн катарында вакцинанын курамындагы айрым компоненттерге сезимталдык, инфекциялык жана инфекциялык эмес дарттар, өнөкөт оорулардын күчөшү бар. Мындан тышкары, кош бойлууларга, бала эмизген келиндерге жана жашы жете электерге эмдөө жасатууга болбойт. Биринчи компоненти сайылгандан кийин адамдын абалы оорлоп кетсе, ага экинчисин саюуга тыюу салынат.

"Спутник V". Россиялык вакцинага 20 өлкө кызыгууда. Видео

Эскерте кетсек, буга чейин РФ президенти Владимир Путин коронавирустук инфекцияга каршы алгачкы вакцина каттоодон өткөнүн жар салган. Препарат Коргоо министрлиги жана Гамалея атындагы илим изилдөө борбору тарабынан адамдын аденовирусунун негизинде жасалып, "Спутник V" деген аталыш алган. Алгач жаныбарлардын бир нече түрүнө, андан соң 76 ыктыярчыга сыналган. Баарында коронавируска каршы иммунитет пайда болуп, вакцина коопсуздугун жана натыйжалуулугун далилдеген. Тестке катышкандардын баары ал-абалы жакшы экенин айтышкан болчу.

9
Белгилер:
анализ, сыноо, көрсөтмө, вакцина, Россия
Тема:
Дүйнөгө жайылган коронавирус
Тема боюнча
Коронавируска каршы вакцина: гениалдуу нерсенин баары жөнөкөй
Каттоодон өткөн россиялык вакцина жапырт колдонууга качан чыгары айтылды