Ооруканадагы жаш бала. Архивдик сүрөт

Кыйнап арак ичирген 6 жаштагы бала чарчап калды. Дарыгердин түшүндүрмөсү

5813
(жаңыланган 11:38 22.07.2019)
Анын өлүмүнүн себеби сот-медициналык экспертизадан кийин толук белгилүү болот.

БИШКЕК, 20-июл. — Sputnik. Арактан ууланып ооруканага түшкөн алты жаштагы бала чарчап калды. Бул тууралуу Жайыл райондук ооруканасынын директору Болот Майканаев билдирди.

Анын айтымында, бала катуу уулангандыктан организминен зыяндуу заттарды чыгаруу кыйын болгон.

"Тестиер 12-июль күнү саат 15.45те Тез жардам кызматы аркылуу ооруканага алынып келген. Биз аны сактап калууга болгон аракетибизди жумшадык. Бүгүн, 20-июлда, саат 16.05тер чамасында жандандыруу бөлүмүндө чарчап калды. Анын өлүмүнүн себеби сот-медициналык экспертизадан кийин толук белгилүү болот", — деди Майканаев.

Ал ошондой эле баланын ата-энеси анын абалын сурап бир да жолу келбегенин кошумчалады.

Эске сала кетсек, буга чейин дарыгерлер Жайыл РИИБине кайрылып, тестиер бала аракка ууланып ооруканага алынып келингенин билдиришкен. Ыкчам-тергөө тобу окуя болгон жерге дароо барып, жабыркаган бөбөк 2012-жылы туулган П.Ю. аттуу бала экенин аныктаган. Андан соң милиция кызматкерлери анын 30 жаштагы энесин суракка алган.

Бала 12-июль күнү ооруканага арактан ууланып түшкөн. Укук коргоо кызматкерлерине тестиердин апасы 60 жаштагы жаран менен бирге жашап, 11-июлда түндө өзүнүн курбусу менен үйдө арак ичкенин айткан. Андан соң ал жерге курбусунун жолдошу келип кожойкени сабап жиберген. Келин ал жактан качып кетип, үйгө түн ортосунда келген. Анын айтымында, ошол маалда уулунун уктап жатканын көрүп өзү да жатып алган. Эртең менен турганда баланын абалы начар экенин көрүп дарыгерлерге кайрылган.

Окуянын башка катышуучулары да көрсөтмө беришкен. Алар кийин үй ээсинин А.П. аттуу 31 жаштагы уулу келип, алар менен чогуу арак ичкенин айтышкан. Арак жок калганда түндө дүкөнгө барып, андан ары башка үйдө ичишкен. Алты жаштагы бала аларды ээрчип келип, курсагы ачканын айткан. А.П. аттуу жаран анын колуна помидор карматып, күч менен эки стакан арак ичирип, тестиерди башка чапкан. Бала кайра үйгө кетип калган.
Милициядагылар азырынча кимдер камакка алынгандыгын кабарлай элек.

5813
Белгилер:
уулануу, оорукана, бала, Кыргызстан
Тема боюнча
Атасынан өч алам деген. Ноокенде 7 жашар баланы өлтүргөн киши өмүр бою кесилди
Алты жаштагы балага кыйнап арак бергендер боюнча тергөө башталды
Кытайдагы полиция кызматкери. Архивдик сүрөт

30 жыл полициядан качып жүргөн кишини эч ким издеген эмес. Кытайдагы окуя

55
(жаңыланган 11:08 24.10.2020)
Эч кандай кылмышка шектелбегендигин билген 52 жаштагы киши ыйлап жиберген. Ал жашырынып жүргөндө ата-энеси өтүп кеткени айтылды.

БИШКЕК, 24-окт. — Sputnik. Китайлык Чжоу полициядан 30 жылга жакын жашырынып жүрүп, бирок чыдабай калып, колго түшүп берүү үчүн келгенде ага эч ким издөө салбагандыгы белгилүү болгон. Бул тууралуу Global Times басылмасы жазды.

Чжоу 1990-жылы топтошкон мушташка катышкан. Эртеси окуя болгон жерге келгенде полициянын токтоп турган автоунаасын көрүп, ошол бойдон из жашырган.

Абактагы наркобарон кызга айланып... Кылмышкердин кармалгандагы видеосу

"Окуядан 30 жыл өткөн соң 52 жаштагы киши полицияга өзү келип, аны кайсы күнөө кылганы үчүн издегендигин тактоону чечкен. Полиция маалыматтар топтомун ачып, аны издөө салгандардын арасынан, дегеле ал катышкан кылмышты тапкан эмес. Муну уккан киши ыйлап жиберген. Чжоу жашырынып жүргөн жылдары ата-энеси кайтыш болуп кеткен", — деп жазган басылма.

30 жыл ичинде качкын шахта менен кыш заводдо иштеп, ыргытылган өнөр жай таштандыларын чогултуп, тапшырып жанын багып келген.

55
Белгилер:
издөө, качуу, полиция, мушташ, Кытай
Тема боюнча
Жалаа менен 35 жыл абакта отурган АКШлык аялга үч млн. доллар берилди
Коронавирустан улам каза болгон бейтап. Архивдик сүрөт

COVID: Кыргызстанда соңку суткада төрт киши көз жумду

41
(жаңыланган 11:08 24.10.2020)
Кыргызстанда бир нече күндөн бери коронавирустан каза болгондордун саны үзүлбөй жатат. Соңку суткада 556 кишинин инфекция жуктуруп алгандыгы маалым болду.

БИШКЕК, 24-окт. — Sputnik. Кыргызстанда дагы төрт киши коронавирустан каза тапкандыгын Республикалык штаб билдирди.

COVID-19 илдетинен жана пневмониядан каза болгондордун жаңы учурлары:

  • Чүй облусу – 1;
  • Бишкек – 1;
  • Ош облусу – 1;
  • Баткен облусу – 1.

Коронавирус Кыргызстанды каптагандан тарта жалпысынан 1 130 адам көз жумду.

41
Белгилер:
статистика, өлүм, коронавирус, Кыргызстан
Тема:
Кыргызстандагы коронавирус жуктуруп алгандар
Тема боюнча
Коронавирустун белгилери байкалса кайда кайрылуу керек? Телефондор
Манас аэропортундагы учак. Архивдик сүрөт

Кыргызстандыктар чет өлкөлөргө кантип чыга алат. Жаңы эрежелер

31
(жаңыланган 11:32 24.10.2020)
Пандемияга байланыштуу өлкөдөн чыгууга дагы деле айрым чектөөлөр бар. Төмөндө кыргызстандыктар үчүн жаңы эрежелерди топтодук.

БИШКЕК, 24-окт. — Sputnik. Учурда Кыргызстандын жарандары чет өлкөлөргө кантип чыга аларын Мамлекеттик чек ара кызматынын расмий өкүлү Гүлмира Бөрүбаева айтып берди.

Кайсы гана өлкө болбосун ар бир киши акыркы 72 саат ичинде коронавируска ПЦР-тест тапшырып, анын терс жыйынтыгы менен гана чыгууга мүмкүнчүлүк алат.

Кыргызстан сыртка чыгууга эч кандай чектөө койбогону менен башка мамлекеттер эпидемиологиялык абалга байланыштуу чет элдик жарандарга кирүү шарттарын өзгөртүп койгон.

"Манас" аэропортунун жетекчиси: Жапаровдун уруксатын алдым, жумушту улантам

Россия

Аптасына бир иреттен "Аэрофлот" жана "Авиатрафик" авиакомпаниялары каттам аткарууда. Бул учурда каалаган кыргызстандык учуп кете алат.

Россияга кетүүнүн экинчи жолу — атайын уюштурулуп жаткан чартердик каттамдар. Алар менен төмөндөгүдөй кырдаалдарда кетсе болот:

  • Россиянын жараны болгон жакын тууганы (аялы/күйөөсү, балдары, ата-энеси) болсо;
  • медициналык кызматка муктаж болуп жатса (кабыл алуучу тараптын чакыруусу керек);
  • кандайдыр бир мамлекеттик программага катышып жатса;
  • Россияда туруктуу жашоого уруксаты болсо.

Казакстан

Коңшу өлкөгө аба каттамы аркылуу бара аласыз, бирок автоунаа менен кирүүгө баарына эле уруксат бериле бербейт. Анткен менен төмөнкү категорияга кирген жарандар өтө алат:

  • Казакстандын жараны болгон жакын тууганы (аялы/күйөөсү, балдары, ата-энеси) болсо;
  • медициналык кызматка муктаж болуп жатса (кабыл алуучу тараптын чакыруусу керек);
  • кандайдыр бир мамлекеттик программага катышып жатса;
  • Казакстанда туруктуу жашоого уруксаты болсо.

Кыргыз-казак чек арасында автоунаа менен өткөрүүчү беш пункт иштейт. Чүй облусунда "Ак-Тилек", "Чалдыбар", "Кең-Булуң", Таласта "Чоң-Капка", Ысык-Көлдө "Каркыра".

Кыргызстандан Тажикстанга кантип кетсе болот. Шарттары

Өзбекстан

Өзбекстанга Кыргызстан жарандары учак менен да, автоунаа менен дагы чектөөсүз кирип чыга алат.

Кыргыз жарандары коңшу өлкөгө "Достук", "Кызыл-Кыя", "Кадамжай", "Маданият" жана "Баймак" өткөрүү пункттары аркылуу өтсө болот.

Транспорт "Достук", "Кызыл-Кыя" жана "Кадамжай" өткөрүү пункттары аркылуу гана кире алат.

Тажикстан

Ушул тапта кыргыз-тажик чек арасындагы өткөрүү пункттары кыргыз жарандары менен автотранспорттор үчүн жабык. Коңшу өлкөгө Тажикстандын жарандары жана жүк ташуучу унаалардын айдоочулары гана өтө алат.

"Кызыл-Бел" жана "Кайрагач" өткөрүү пункттары иштеп жатат.

Кытай

Кытайга учуп баруу азырынча мүмкүн эмес. Автотранспорт "Эркечтам" жана "Торугарт" өткөрүү пункттары аркылуу гана өтүп жатат. Ошондо дагы жүк ташуучу автолордун айдоочуларына гана уруксат берилген.

Түркия

Бул өлкөгө кыргыз жарандары аба каттамдары аркылуу чектөөсүз кире алат.

Өлкөгө сырттан киргендер кайрадан текшерилет, анализ тапшырат. Жаңы алгоритм

Кайсы өлкөлөрдүн жарандары Кыргызстанга кирип чыга алат:

  • Россия
  • Грузия
  • Азербайжан
  • Армения
  • Беларусь
  • Казакстан
  • Түркмөнстан
  • Бельгия
  • Австрия
  • Улуу Британия
  • Германия
  • Ирландия
  • Исландия
  • Италия
  • Латвия
  • Литва
  • Лихтенштейн
  • Люксембург
  • Португалия
  • Түркия
  • Швейцария
  • Швеция
  • Катар
  • БАЭ
  • Кытай
  • Малайзия
  • Түштүк Корея
  • Пакистан
  • Словения
  • Кувейт
  • Япония
  • Өзбекстан
  • Венгрия.
31
Белгилер:
чектөө, эреже, пандемия, чек ара, Кыргызстан
Тема боюнча
Казакстан мындан ары ПЦР-тести жок эч кимди киргизбейт