Чек ара. Архивдик сүрөт

Чек арадагы чыр: абал оор, бирок көзөмөлдө

359
(жаңыланган 11:36 23.07.2019)
Баткен облусунун бийлиги элге түшүндүрүү иштерин жүргүзүп жатат.

БИШКЕК, 23-июл. — Sputnik. Кыргыз-тажик чек арасындагы абал оор, бирок көзөмөлдө экенин Мамлекеттик чек ара кызматынан кабарлашты.

Дүйшөмбү күнү кечинде Ак-Сай (Кыргызстан) менен Ворух (Тажикстан) айылдарынын жашоочуларынын ортосунда чыр чыккан. 

Ворух айылынын тургундары кыштактын кире беришине флагшток коюуну каалашкан. Ал эми ага аксайлыктар каршы чыккан. Кайым айтышуу учурунда тараптардын бири ок чыгарган. Мамлекеттик чек ара кызматынан кабарлашкандай, окту жай тургундар деле чыгарышы ыктымал, анткени мергенчинин мылтыгы атылган.
Өкмөттөгү ишенимдүү кишинин айтымында, эки мамлекеттин бийлик өкүлдөрү аймактын жашоочуларынын арасында түшүндүрүү иштерин жүргүзүп жатат. Окуя болгон жерге өкмөттүн Баткен облусу боюнча өкүлү Акрам Мадумаров келген.

359
Белгилер:
Чыр-чатак, Жаңжал, чек ара, Баткен
Тема:
Кыргыз-тажик чек арасындагы жаңжал (22)
Тема боюнча
Тажикстандын күч түзүмдөрү кармап кеткен баткендик кишиден кабар жок
Жээнбеков менен Рахмон Ворухка барат. Кыргыз-тажик чек арасы талкууланат