Суучул. Архивдик сүрөт

Чаткал дарыясына түшүп кеткен жаран Өзбекстандын аймагынан изделүүдө

234
(жаңыланган 11:52 23.07.2019)
ӨКМдин куткаруучулары Кыргызстандын башка аймактарынан да сууга чөгүп кеткен жарандардын сөөгүн алып чыгып, укук коргоо органдарына тапшырып беришкен.

БИШКЕК, 23-июл. — Sputnik. 19-июлда саат 20:30дар чамасында Ак-Таш айыл аймагындагы Чаткал дарыясына 21 жаштагы жигит түшүп кеткендиги тууралуу маалымат түшкөн. Бул тууралуу ӨКМдин маалымат кызматы билдирди.

Окуя болгон жерден 800 метрден кийин дарыя Өзбекстандын аймагына кирип кеткендиктен издөө иштерине коңшу өлкөнүн куткаруучулары да тартылууда.

"22-июль күнү Өзбекстандын алты куткаруучусу Ташкент облусуна караштуу Бостанлык районунун Бурчмулла айылынан өткөн дарыянын жээгинде издөө иштерин жүргүзүшкөн. Натыйжа болгон эмес", — деп айтылат маалыматта.

Издөө иштери бүгүн да улантылат.

Андан сырткары, Өзгөчө кырдаалдар министрлиги Сокулук районундагы Ак-Ордо-3 конушунда жайгашкан көлмөгө 42 жаштагы киши чөгүп кеткенин билдирди. Анын сөөгү куткаруучулар тарабынан суудан чыгарылып, милиция кызматкерлерине өткөрүп берилген.

Ошондой эле ӨКМ куткаруучулары Токмок шаарындагы 3-кичи районунун жанында жайгашкан көлмөдөн 30-35 жаштагы азиат түспөлүндөгү эркек кишинин сөөгүн издеп таап, укук коргоо органдарынын өкүлдөрүнө тапшырган. Учурда маркумдун аты-жөнү такталууда.

234
Белгилер:
Токмок, Өзбекстан, Чаткал, куткаруу, ӨКМ, чөгүп кетүү
Тема боюнча
Кыргызстанда жыл башынан бери 40 киши сууга чөктү. ӨКМдин эскертүү видеосу
Алты айга жетпей 20 бала сууга чөккөн... Кырсыктын кантип алдын алабыз?
Медиктер сөөктү алып кетүүдө. Архивдик сүрөт

Коронавирустан бир суткада үч киши каза болду, бири медик

240
(жаңыланган 10:14 03.06.2020)
Каза болгондордун баары эркек кишилер. Көз жумган медицина кызматкери апрель айынан бери пневмония дартына чалдыккандарды дарылап келген.

БИШКЕК, 3-июн. — Sputnik. Өткөн суткада өлкө ичинде коронавирустан үч киши каза болду. Алардын бири медик. Бул тууралуу брифинг учурунда саламаттык сактоо министринин орун басары Нурболот Үсөнбаев билдирди.

“Ош облустук бириктирилген ооруканасында каза болгон бейтаптар 59, 55 жаштагы эркек кишилер. Үчүнчүсү Нарын облустук ооруканасында дарыланып жаткан. Ал 84 жашта болгон”, — деди Үсөнбаев.

Жалпы каза болгондордун саны 20 кишини түздү.

240
Белгилер:
өлүм, Кыргызстан, коронавирус
Тема:
Коронавируска байланыштуу Кыргызстандагы кырдаал
Тема боюнча
Кыргызстанда бүгүн 26 адам коронавирус жуктурганы белгилүү болду
Эркек кызды чачынан тартып жатат. Иллюстративдик сүрөт

1000 сомдун айынан ажал таап... Аялын өлтүргөн эркекке өкүм чыкты

158
Үй-бүлөдөгү чырга эркек кишинин катып койгон акчасынын табылбай калышы себеп болгон. Аял оорукананын жандандыруу бөлүмүндө тогуз күн жатып кайтыш болгон.

БИШКЕК, 3-июн. — Sputnik. Жарандык никедеги аялын өлтүргөн эркек киши 7,5 жылга эркинен ажыратылды. Бул тууралуу Жогорку соттун расмий сайтында жарыяланды.

Өкүмгө ылайык, окуя Чүй облусундагы шаарлардын биринде болгон. Үйгө мас болуп келген айыпталуучу келинчеги менен урушуп, аны катуу сабап койгон. Чыр-чатактын келип чыгышына үй ээсинин дасторкон астына катылган 1000 сомун таппай калганы себеп болгон.

Сот отурумунда шектүү күнөөсүн толук мойнуна алып, төмөндөгүдөй көрсөтмө берген:

"Ал күнү аялым экөөбүздүн тең арактан башыбыз ооруп турган. Мен андан мурда берген акчаны жана короого коюп койгон жезди сурасам жок деп жооп берген. Ачуум келип аны бир жолу эле бетке чаап жатып алгам. Бир аз убакыт өткөндөн кийин таанышым келип 500 сомго кык жүктөшүп койчу дегенинен ошол жакка кеткем. Кайра келсем аялым короодо жатыптыр, байкасам жүрөгүнүн согушу сезилбейт. Дароо дарыгерлерди чакырткам", — деген ал.

Баш мээси катуу жабыркаган аял оорукананын жандандыруу бөлүмүндө тогуз күн жатып кайтыш болгон.

Сот айыпталуучуну 7,5 жылга эркинен ажыратып, 90 миң сом айып салды.

158
Белгилер:
Өлтүрүү, адам, кылмыш, өкүм, сот, Кыргызстан
Тема боюнча
Балта менен коркутуп аялыма арак алдырайын дегем... Марттагы соттук өкүмдөр
Интернеттен жигит болуп таанышып, жолукканда кызды бычактаган аялга өкүм чыкты
Суу каптаган жол. Архив

Сел жүрүшү мүмкүн. ӨКМ шашылыш билдирүү таратты

0
Дарыяларда суунун деңгээли көтөрүлүшү күтүлүп жатканы айтылган. Андыктан бул учурда адамдардын өзгөчө этият болушу керектиги эскертилди.

БИШКЕК, 3-июн. — Sputnik. Бүгүн жана эртең тоолуу, ошондой эле тоо этектериндеги райондордо күндүн ысышынан улам сел жүрүшү мүмкүн. Бул маалыматты Кыргызгидромет таратты.

"2020-жылдын 3-4-июнуна чейин республиканын тоолуу жана тоо этектериндеги райондорунда өзгөрүлмөлүү аба ырайына жана күндүн ысышына байланыштуу сел жүрүшү мүмкүн, дарыяларда суунун деңгээли көтөрүлүшү күтүлөт" , — деп айтылган маалыматта.

Мындан улам тиешелүү тараптар жарандарды этият болууга чакырды.

0
Белгилер:
суу ташкыны, дарыя, сел, аба ырайы, шашылыш билдирүү, ӨКМ
Тема боюнча
Сууга түшөрдө баланын жанынан карыш жылбаңыз! ӨКМдин ата-энелерге эскертүүсү