Ашкана. Архив

"Манас" аэропортунун кызматкерлери тамакка жапырт ууланды. Чоо-жайы

309
(жаңыланган 08:58 24.07.2019)
Ашкананын ашпозчулары биринчи ирет өз рецепти менен кукси жасап берген.

БИШКЕК, 23-июл. — Sputnik. "Манас" эл аралык аба майданынын 10 кызматкери ууланып, 19-20-июль күндөрү ооруканага түштү. Алардын абалы аэропорттун аймагындагы ашканадан тамактангандан кийин начарлай баштаган. Бул туурасында Санитардык-эпидемиологиялык көзөмөл департаментинин директору Төлө Исаков билдирди.

Учурда сегиз адам Республикалык жугуштуу оорулар ооруканасында жатат, экөө алгачкы жардам алып кеткен.

"Бейтаптардын ашканадан даярдалган куксиден ууланганы белгилүү болду. Ашпозчулар өзүнүн рецепти менен биринчи ирет кукси жасап, аны иштебеген муздаткычка салып койгон. Анан ысыкта туруп калган тамакты аэропорттун кызматкерлерине беришкен. Ашкананын ичин текшере келгенде санитардык нормалардын бири да сакталбаганы аныкталды", — деди Исаков.

Ошондой эле ал ашкана санитардык абалын жакшыртканга чейин жабылып, жетекчилерине 5500 сом айып пул салынганын кошумчалады.

Аба майдандын маалымат катчысы Алия Курбанова кызматкерлер ууланган ашкананы жеке тараптар ижарага алып иштетерин билдирди.

"Биздин аймакта үч ашкана жана бир нече кафе бар. Кызматкерлер өзү каалаган жерден тамактанат. Уулануу түшкү тамактануу учурунда болуптур", — деди маалымат катчы.

Мындан сырткары, ал Санэпидем көзөмөл департаментинин чыгарган корутундусунан кийин ашканага чара көрүлөрүн кошумчалады.

309
Белгилер:
тамак, ашкана, оорукана, уулануу, "Манас" эл аралык аэропорту
Тема боюнча
Токмоктогу тойдо уулангандардын саны 174кө жетти. Негизги себеби аныкталды
Өрттөнгөн унаа. Архивдик сүрөт

Ташкентте 19 жаштагы кыз үйлөнбөй койгон жигитинин машинасын өрттөп салды

96
(жаңыланган 19:13 20.09.2020)
Тергөө учурунда сүйүшкөн жаштар чынында эле бир нече убакыт кыз-жигит болуп сүйлөшүп жүрүшкөнү аныкталган.

БИШКЕК, 20-сен. — Sputnik. Ташкенттин Үчтепа районунда үйлөнүүгө макул болбой койгон жигиттин автоунаасын сүйгөн кызы өрттөп жиберди. Бул туурасында Sputnik Өзбекстан агенттиги укук коргоо органдарына таянуу менен билдирди.

Маалыматка ылайык, кечээ, 19-сентябрда, райондук милиция бөлүмүнө Ситора Г. аттуу 19 жаштагы кыз Lacetti Jentra үлгүсүндөгү автоунааны өрттөп жибергени туурасында билдирүү түшкөн.

Посмотреть эту публикацию в Instagram

Публикация от IIBB / ГУВД (@iibb_uz)

Аталган машина кыздын сүйгөнү Асилбек Н. аттуу 23 жаштагы жигитке таандык болгон.

Жашоону эмнеден баштоону билбей турам. Күйөөсү башкага кетип калган келиндин каты

Тергөө учурунда жаштар чынында эле бир нече убакыт кыз-жигит болуп сүйлөшүп жүрүшкөнү аныкталган.

"Жигит кызга үйлөнүүгө убада берген, бирок кийинчерээк сөзүнө турбай кетип калган. Буга ызаланган кыз анын машинасынын ичи-тышына бензин чачып өрттөп жибирген", — деп айтышкан милициядан.

Учурда жагдайдын чоо-жайы териштирилип жатат.

96
Белгилер:
убада, өрт, машина, жигит, кыз, Ташкент
Тема боюнча
Кыз талашкан. Бир жигитти алтоолоп сабаган Оштогу окуянын чоо-жайы
Өзбекстандын вице-премьери Уктам Барноев. Архивдик сүрөт

COVID жуктуруп алган Өзбекстандын вице-премьери каза болду

183
(жаңыланган 16:21 20.09.2020)
Маркум 57 жашта болчу, өкмөттө өлкөнүн агрардык жана азык-түлүк тармагын тескеген жетекчилик кызматта иштеп келген.

БИШКЕК, 20-сен. — Sputnik. Өзбекстандын вице-премьери Уктам Барноев коронавирустан каза болду. Бул туурасында Sputnik Өзбекстан агенттиги жазды. 

Маалыматты Бухара облусунун акмимчилиги тасыктаганы айтылат.

Барноев 57 жашта болчу, өкмөттө өлкөнүн агрардык жана азык-түлүк тармагын тескеп келген.

Вице-премьер июль айынын соңунда COVID-19 жуктуруп алганы аныкталып, ошондон бери жеке менчик клиникада дарыланып жаткан.

Өзбекстанда карантин жумшартылгандан бери COVID жуктургандар көбөйдү

Айрым тастыкталбаган маалыматка караганда, Барноев өлүмүнүн алдында Германиянын ооруканаларына да барып дарыланган.

19-сентябрь күнү кечинде алынган расмий маалымат боюнча, Өзбекстанда коронавируска чалдыккандардын саны 50 872 адамга жетти. Анын ичинен 47 121 адам айыгып чыкты. Ал эми оорунун кесепетинен 425 адам каза болду.

183
Белгилер:
оору, өлүм, коронавирус, премьер-министр, Өзбекстан
Тема:
Дүйнөгө жайылган коронавирус
Тема боюнча
Нурсултан Назарбаевдин небереси Айсултан каза болду
Өлгөндөр миллионго жетип... БУУ COVID көзөмөлдөн чыгып бара жатканын айтты
Аэропорттогу жүргүнчүлөр. Архивдик сүрөт

Россияга барчу кыргызстандыктар үчүн чектөөлөрдүн баары алынды

0
(жаңыланган 22:33 20.09.2020)
Пандемиядан улам дээрлик бардык мамлекеттер чек арасын жаап, байланыш чектелген. Эпидемиологиялык абал турукташа баштагандан бери каттамдар жанданууда.

БИШКЕК, 20-сен. — Sputnik. 21-сентябрдан тарта Россияга барууну каалаган кыргызстандыктар үчүн бардык чектөөлөр алына турганын КРдин РФтеги элчилиги кабарлады.

Маалыматта эки өлкөнүн ортосундагы туруктуу авиакаттам жандангандыктан аба жолдору ачылганы айтылат.

Эми кыргызстандыктар Казакстанга учак менен гана бара алышат

"Азырынча рейс жумасына эки ирет "Аэрофлот" жана "Авиа Траффик" компаниялары аркылуу аткарылып турмакчы", — деп жазылат кабарда.

Мындан тышкары, Россияга барчу чет өлкөлүктөр коронавирус жок экенин тастыктаган ПЦР-тестинин жыйынтыгын көрсөтүшү шарт. Тестти жүргүнчү Россиянын аймагына кирген күнгө чейинки үч күндүн аралыгында тапшырышы зарыл.

0
Белгилер:
тест, коронавирус, элчилик, авиакаттам, Кыргызстан, Россия
Тема боюнча
Жалал-Абад шаарындагы айрым чектөөлөр алынмай болду
Премьер-министр Россияга болгон авиакаттамдарга чектөөлөр алынарын айтты