Оорукана. Архивдик сүрөт

Бишкекте 4-кабаттан кулап кеткен наристе кыздын абалы айтылды

223
(жаңыланган 14:35 24.07.2019)
Бөбөктүн мээси жабыркап, оң буту сынган. Учурда аны томографияга даярдап жатышат.

БИШКЕК, 24-июл. — Sputnik. Бишкекте төртүнчү кабаттагы үйдүн терезесинен кулап кеткен кичинекей кыз реанимацияда. Бул тууралуу Sputnik Кыргызстан агенттигине Саламаттыкты сактоо министрлигинен айтышты.

Кырсык 23-июль күнү болжол менен саат 18.30дарда Гагарин менен Садырбаев көчөлөрүнүн кесилишиндеги үйдө болгон. Наристенин 2,5 жашта экени маалым болду. Күбөлөрдүн айтымында, бөбөк алгач темир тосмого тийип, андан кийин жерге түшкөн. Коңшулары дарыгерлерди күтпөстөн, кызды ооруканага алып жөнөшкөн.

"Наристенин абалы туруктуу. Мээси жабыркап, оң буту сынып кеткен, эсин жоготкон жок. Учурда дарыгерлердин тыкыр көзөмөлүндө", — дешти министрликтен.

Ушу тапта кызды томографияга даярдап жатышканы белгилүү болду.

223
Белгилер:
реанимация, көп кабаттуу үй, терезе, үй, наристелер, Бишкек
Тема боюнча
Көлдө эки унаа кагышып, бир жаш бала каза тапты
Чүй: суу жээгинде ойноп жаткан эки жашар наристе дайынсыз жоголду

Каракчылыкка шектүүнү Бишкекте спецназ кармады. Видео

176
(жаңыланган 23:09 02.12.2020)
Жабырлануучу аялдын айтымында, белгисиз адамдар үйгө кирип келип андагыларды ур-тепкиге алган. Ал эми жолдошун байлап салып, ири суммадагы акчаны алып кетишкен.

Бишкекте Криминалдык милициянын кызматкерлери спецназ жоокерлери менен биргеликте мыкаачылык менен кол салууга шектелген жаранды кармашты.

Кармоо учурундагы видеону Бишкек ШИИБинин маалымат кызматы жарыялады.

Маалыматка караганда, 8-октябрь күнү "Жер ынтымагы" конушундагы үйлөрдүн бири каракталган. Жабырлануучу аялдын айтымында, белгисиз адамдар үйгө кирип келип андагыларды ур-тепкиге алган. Ал эми жолдошун байлап салып, 5 500 доллар, 150 миң сом жана 60 миң сомдук алтын буюмдарды уурдап кетишкен.

Жазык кодексинин 202-беренесине (“Каракчылык”) ылайык сотко чейинки өндүрүш башталган.

Жыйынтыгында 32 жаштагы шектүү кармалып, убактылуу кармоо жайына киргизилди.

176
Белгилер:
шектүү, каракчылык, милиция, Бишкек
Тема боюнча
Уюшкан кылмыштуу топтун эки мүчөсүн кармаган видео жарыяланды
Кары киши. Архивдик сүрөт

Беш айдан бери дайынсыз. Чүйдө 61 жаштагы киши изделүүдө

21
(жаңыланган 16:28 02.12.2020)
Издөө салынган киши күрөң түстөгү свитер, жеңи кыска көйнөк, көк түстөгү спорттук шым, кара туфли жана башына кара кепка кийип жүргөн.

БИШКЕК, 2-дек. — Sputnik. Чүйдө беш айдан бери 61 жаштагы киши изделүүдө. Бул тууралуу Чүй облустук ички иштер башкармалыгынын маалымат кызматы кабарлады. 

Без вести пропавший Сулайманов Сайдали
© Фото / пресс-служба ОВД Московского района
Жоголуп кеткен 61 жаштагы Москва районунун Беш-Терек айылынын жашоочусу Сайдалы Сулайманов

Ага ылайык, жоголгон Сайдалы Сулайманов Москва районунун Беш-Терек айылында жашачу. Ал үйүнөн 2020-жылдын 15-июнунда чыгып кеткен боюнча кайрылып келген эмес.

Изделип жаткан кишинин бою 170-175 сантиметр, чачын ак баскан, кыска. Көздөрү кара, кашы калың. Ал күрөң түстөгү свитер, жеңи кыска көйнөк, көк түстөгү спорттук шым, кара туфли жана башына кара кепка кийип жүргөн.

Дайынсыз жоголуп жаткан киши тууралуу кандайдыр бир маалымат болсо, Чүй ОИИБ (0312) 43-01-27, (0312) 43-88-85 телефондоруна, ал эми Москва райондук ИИБ (0312) 60-77-27, 0550 22-17-17,0707 54-21-71 номерлерине чалып коюуну өтүндү.

21
Белгилер:
Чүй облусу, милиция, белги, издөө
Тема боюнча
Баткенде жоголгон аял Өзбекстан менен Тажикстандан да изделип жатат. Сүрөт