Lexus унаасы. Архив

Милицияга баш бербей качкан жол тандабастын окуясы... Унаа ичинде эмне болгон? Сүрөт

1549
(жаңыланган 10:27 29.07.2019)
Текшере келгенде 22 жаштагы айдоочу мас болуп, жанында автоунаасынын документтери, айдоочулук күбөлүгү жок болуп чыккан.

БИШКЕК, 27-июл. — Sputnik. Жалал-Абадда автоинспекторлордон качкан Lexus RX300 унаасынын айдоочусу кармалды. Бул туурасында Жол кыймылынын коопсуздугун көзөмөлдөө башкы башкармалыгынын маалымат кызматынан кабарлашты.

  • Задержание водителя Lexus с ружьем и ножом
    Жалал-Абадда автоинспекторлордон качкан Lexus RX300 унаасынын айдоочусу кармалды
    © Фото / пресс-служба ГУОБДД МВД
  • Задержание водителя Lexus с ружьем и ножом
    Автоунааны кароо учурунда салондун ичинен Иж-76100 сайлуу мылтык жана колго жасалган кырдуу бычак табылганы айтылат.
    © Фото / пресс-служба ГУОБДД МВД
1 / 2
© Фото / пресс-служба ГУОБДД МВД
Жалал-Абадда автоинспекторлордон качкан Lexus RX300 унаасынын айдоочусу кармалды

Окуя 26-июль күнү кечки саат сегиздерде болгон. Анда Жалал-Абад ЖКККББнын кызматкерлери Бишкек-Ош унаа жолунан саатына ылдамдыгын 90-95 чакырымга жеткирип (ченем 60 чакырым) айдаган Lexus Rx-300 автоунаасын токтотууга аракет кылышканда, айдоочусу баш ийбей, сапарын улап кеткен.

Автоунаанын айдоочусу шек жараткандыктан кызматкерлер ошол эле замат кийинки күзөт посттогуларга кабар беришкен. Анткен менен жолтандабас кийинки тоскон автоинспекторлорду да тоготпой, жогорку ылдамдыкта өтүп кеткен.

Андан кийинки постто турган жол коопсуздугунун кызматкерлери Бишкек-Ош унаа жолунун 482-чакырымында токтотууга аракет кылган. Анда айдоочу автокөлүгү менен артка бурулуп кетүүнү көздөп, жолдун сол тарабында токтоп турган Mercedes-Benz үлгүсүндөгү жүк ташуучу унааны сүзүп алган.

Ошол замат Lexus Rx-300 унаасынын айдоочусу менен жүргүнчүлөрү ар тарапка качып жөнөшкөн.

Жол коопсуздугун көзөмөлдөө кызматкерлери тарабынан айдоочу кармалып, Ноокен районунун 22 жаштагы тургуну Ю. Э. экендиги аныкталган. Автоунааны кароо учурунда салондун ичинен Иж-76100 сайлуу мылтык жана колго жасалган кырдуу бычак табылганы айтылат. Текшере келгенде 22 жаштагы айдоочу мас болуп, жанында автоунаасынын документтери, айдоочулук күбөлүгү жок болуп чыккан.

Иш Ноокен РИИБдин ыкчам-тергөө тобуна өткөрүлүп берилип, аталган факты Кылмыш жана жоруктардын бирдиктүү реестрине катталган. Автоунаа айып короого токтотулган.

1549
Белгилер:
бычак, курал, унаа, ЖКККББ, Жалал-Абад
Тема боюнча
Мас милиционер кызматтык куралын жоготуп алганбы? Чүй облустук милициянын жообу
Кыргыз-казак чек арасынын жанынан катылган курал табылды. Сүрөт

Жалал-Абад: эки киши дарыкананы тоногон учур видеого түшүп калган

95
(жаңыланган 22:54 26.01.2021)
Милициянын маалыматына караганда, дарыканага кирген кишилер кассадан 10,3 миң сом алып кетишкен. Ошондой эле сатуучунун сумкасынан 500 сом жана саатын алышкан.

Жалал-Абад ОИИБнин маалыматына караганда, аталган факты боюнча КР Жазык кодексинин 202-беренесине (“Каракчылык”) ылайык сотко чейинки өндүрүш ачылды.

Шектүү катары ошол эле шаардын 2000-жылы туулган эки жараны кармалды. Маалыматка караганда, алардын жанынан уурдалган нерселер табылып, эки айга камакка алынган.

Шектүүлөрдүн башка кылмыштарга тиешеси бары-жогу текшерилип жатат.

95
Белгилер:
уурулук, дарыкана, Жалал-Абад
Тема боюнча
Бишкекте кылмыштуу топтун "Карышкыр" каймана аты бар мүчөсү кармалды
Бишкекте каракчылыкка шектүү кармалып, үйүнөн курал табылды. Видео

Жетекчиси хан сарайлардын ээси. 4 ай маяна албаган жолчулар митингге чыкты. Видео

574
(жаңыланган 18:32 26.01.2021)
Төрт-беш айдан бери маяна ала албай жүргөн жолчулар Транспорт жана жолдор министрлигинин алдына митингге чыгышты. Алар суроо-талабын жетекчиликке жеткирүү үчүн ар кайсы облустан чогулуп келишкен.

Жолчулар сентябрдан бери айлык толук төлөнбөй 2000-3000 сомдон гана берилип жатканына нааразы. Маселени аймактагы жетекчилер чече албагандыктан министрликке келүүгө аргасыз болгонун айтышты.

Нарындын Ат-Башы районунда жол тазалап иштеген Жаңыбай Кенжебаев декабрдан бери айлыгын ала элек.

"Контордо иштегендер бизден мурда, ай сайын өз убагында алат. Алар жайкысын көлөкөдө, кышкысын жылуу кеңседе отурушат. Ал эми биз аба ырайынын ысык-суугуна карабай иштейбиз. Анан калса минтип маянабызды кечиктирип, аз-аздан берип коюп кыйнап жатышат. Акыры айлабыз кеткенде ушул жерге келдик. Мугалим, медик, милиционерлердин айлыгы көтөрүлдү, бирок негизги жумушту аткарган жолчулардыкы жогорулаган жок", — деди Кенжебаев.

Дагы бир жолчу Мырзабек Данияров күн жааганда түнкү саат 4:00дө эле жумушка чыгарын, кээде эки суткалап жолго кум чачып, күнү-түнү тазалап турушарын айтат.

Ал эми Нарын шаарында иштеген Жаныбек Асаналиев төрт айдан бери маяна ала элегин айтты.

"Ай сайын 2000, 3000, 5000 сомдон берип коёт. Эмгек өргүүгө чыккандар ага төлөнчү акчасын ала элек. Мына январь бүтүп калды. Сентябрь, октябрь, ноябрь, декабрь - төрт ай болуп жатат. Ошол төрт айдан бери айлык ала элекпиз", — деди Асаналиев.

Чогулгандардын алдына Жол чарба департаментинин директорунун орун басары Жумаш Сооданбаев чыкты. Ал январдын айлыгы толук төлөнөрүн, ал эми февралда мурдагы карыздары кошулуп берилерин убадалады. Маянанын кечигүүсүн пандемияда министрликтин бюджети кыскартылганы менен түшүндүрдү.

Ал арада УКМК Жол чарба департаментинин директору Шабданбек Иманкуловду "мыйзамсыз байыган" деп кармады. Аткаминер төрт хан сарайга, Бишкектен 20 батирге, кымбат баалуу автоунааларга жана көптөгөн бодо малга ээлик кылары айтылды.

574
Белгилер:
кечигүү, төлөө, маяна, Жол чарба департаменти
Тема боюнча
Иш таштаган маршрутка айдоочулары. Үч компанияга эскертүү берилди
Бишкектеги маршрутка айдоочулары күнүнө канча акча табат? Видео
13 млн. сом коромжу болгон. Шектүү катары Эсеп палатасынын инспектору кармалды
Рейхстагдын байкоо жеринде кишилер. Архив

Германия Кыргызстандын карызын кечет, бирок бир шарты бар 

0
(жаңыланган 00:11 27.01.2021)
Өткөн жылы министрлик тышкы карызды жоюп салуу өтүнүчү менен бир нече мамлекетке кайрылган. Бир гана Германия макулдугун берди.

БИШКЕК, 26-янв. — Sputnik. Германия Кыргызстанга 14,9 миллион евро өлчөмүндөгү карызын кечүүгө даяр. Болгону Кыргызстан ал каражатты ипотекалык кредитке жумшашы керек. Бул тууралуу журналисттерге Финансы министрлигинин Мамлекеттик карыздар башкармалыгынын жетекчиси Руслан Татиков билдирди.

Анын айтымында, өткөн жылы министрлик тышкы карызды жоюп салуу өтүнүчү менен бир нече мамлекетке кайрылган. Бир гана Германия буга макул болду.

Руководитель Управления государственным долгом при Министерстве финансов Руслан Татиков во время беседы на радио
© Sputnik / Асель Сыдыкова
Финансы министрлигинин Мамлекеттик карыздар башкармалыгынын жетекчиси Руслан Татиков
"Жалгыз Германия карызды жоюу боюнча макулдугун берди. Документке кол коюла элек, бирок сүйлөшүүлөр болду”, — деди Татиков.

Ал кошумчалагандай, бул каражат эми Мамлекеттик ипотекалык компанияга жумшалат деп күтүлүп жатат.

0
Белгилер:
Руслан Татиков, Тышкы карыз, Германия, Кыргызстан
Тема боюнча
Кыргызстан карыз төлөөнүн эң жогорку чегине качан жетет? Расмий жооп