Бишкектин экс-мэри Нариман Түлеевдин архивдик сүрөтү

Жер тилкеси боюнча козголгон жаңы иште Нариман Түлеевдин аты аталууда

233
(жаңыланган 10:16 01.08.2019)
Мыйзамсыз иштер 2009-жылы Нариман Түлеев Бишкек шаарынын мэри болуп турган учурда болгон.

БИШКЕК, 31-июл. — Sputnik. Бишкек мэриясынын кызматкерлери экс-мэр Нариман Түлеевдин жакын кишилерине (аффилированные лица) мыйзамсыз түрдө жер тилкесин берген деп айыпталууда. Бул тууралуу Башкы прокуратуранын маалымат кызматы билдирди.

Факты Кылмыш жана жоруктардын бирдиктүү реестрине Кылмыш-жаза кодексинин 320-беренеси ("Кыянаттык менен пайдалануу") боюнча каттоого алынган.

"Бишкек мэриясында иштегендер кызмат абалынан кыянаттык менен пайдаланып, пайда көрүү максатында жер мыйзамдарын бузуп, Түлеевдин жакын адамдарына жер тилкесин берген. Бул иштер 2009-жылы Нариман Түлеев Бишкек шаарынын мэри болуп турган учурда болгон. Ала-Арча-3 конушунан 650 чарчы метр жер жеке турак жай куруу үчүн бөлүнгөн", — деп айтылат маалыматта.

Башкы прокуратурадан кабарлашкандай, аталган факты боюнча сотко чейинки териштирүү иштери башталды. Мэриянын канча кызматкери шектелип жатканы боюнча кошумча маалымат берилмекчи. Материалдардын баары УКМКнын Бишкек шаары боюнча башкармалыгына өткөрүлдү.

233
Белгилер:
мыйзамсыз ишкердик, жер тилкеси, Нариман Түлеев, Бишкек, Кыргызстан
Тема боюнча
Мамлекетке 380 млн. сомдук жер тилкелери кайтарылды
Агрардык университеттин 24 сотых жери эмнеге талашка түштү? Чоо-жайы
Учуп-конуу тилкеси жарабай калды. Исфананын аэропорту ремонтко жабылды
Турак жайдагы батирде таштандылар. Архив

Бишкектик аялдын эки бөлмөлүү батиринен беш тонна таштанды чыкты. Видео

39
(жаңыланган 16:33 23.10.2020)
"Тазалык" ишканасынын кызматкерлери айтылган жерге барып, батирдин ичи таштандыга толуп калганын көрүшкөн. Ал жакта ажаткана жок болгондуктан аял үйүн ажаткана катары колдоно берген.

БИШКЕК, 23-окт. — Sputnik. Бишкек шаарынын тургуну Токтоналиев көчөсүндө жайгашкан эки бөлмөлүү үйүн таштандыга толтуруп салган. Бул тууралуу мэриянын маалымат кызматы кабарлады.

Билдирмеге ылайык, эки бөлмөгө болжол менен беш тонна таштанды үйүлүп калган.

"Шаар тургундары коңшусуна нааразы болуп мэрияга кайрылып, анын үйүнөн чыккан жагымсыз жыт башка батирлер менен подъездге чейин жетип жатканын айтышкан. Антисанитариядан улам таракан, курт-кумурскалар көбөйүп кеткен. Ал эми кошуна аял эшигин ачпай, эч ким менен сүйлөшпөй койгон", — деп жазылган билдирмеде.

Маалым болгондой, "Тазалык" ишканасынын кызматкерлери айтылган жерге барып, батирдин ичи таштандыга толуп калганын көрүшкөн. Батирде ажаткана жок болгондуктан аял үйүн ажаткана катары колдоно берген.

"Азыр таштандыларды алып чыгып жатышат. Үйдү толугу менен тазалаш үчүн 10 рейс жасаш керек. Жеринде милиция кызматкерлери да иштөөдө", — деп айтылат маалыматта.

Дайверлер Ысык-Көлдүн түбүнөн бир тоннадан ашык таштанды алып чыгышты. Сүрөт

Мэриянын маалымат кызматы билдиргендей, эки жыл мурда ушул эле батирден бир нече тонна таштанды чыгарылган.

39
Белгилер:
тазалоо, ажаткана, таштанды, батир, Бишкек мэриясы
Тема боюнча
Митингчилер коргонуш үчүн таштанды челектерди өрттөшкөн. Аянтта тартылган видео
Бишкекте жаңы конуштун тургундары мектептин жанына таштанды үйүп салышкан
 Ош шаарынан Honda Fit үлгүсүндөгү автоунааны уурдап кеткен жаран Токтогул районунан кармалды.

Оштон автоунаа айдай качкан жаранды Токтогулдун инспектору кууп жүрүп кармады

30
(жаңыланган 16:33 23.10.2020)
Уурдалган машина менен Бишкекти көздөй бараткан жаран эки посттон токтобой өтүп кеткенде артынан куугун түшкөн.

БИШКЕК, 23-окт. — Sputnik. Ош шаарынан Honda Fit үлгүсүндөгү автоунааны уурдап кеткен жаран Токтогул районунан кармалды. Бул тууралуу Жалал-Абад облустук Жол кыймылы коопсуздугун камсыздоо башкармалыгынын өкүлү Айбек Сатыбалдиев Sputnik Кыргызстанга билдирди.

Анын айтымында, Ош шаардык милициясына 30 жаштагы тургун Манас-Ата кичи районунан машинасы уурдалганын айтып кайрылган.

  • Ош шаарынан Honda Fit үлгүсүндөгү автоунааны уурдап кеткен жаран Токтогул районунан кармалды.
    © Фото / Зульфия Тургунова
  • Ош шаардык милициясына 30 жаштагы тургун Манас-Ата кичи районунан машинасы уурдалганын айтып кайрылган.
    © Фото / Зульфия Тургунова
1 / 2
© Фото / Зульфия Тургунова
Ош шаарынан Honda Fit үлгүсүндөгү автоунааны уурдап кеткен жаран Токтогул районунан кармалды.
"Кара-Көл шаары менен Токтогул районунун аралыгында кызмат өтөп жаткан инспекторлор аталган унааны Бишкекти көздөй бара жатканда тоскон, бирок айдоочу баш ийбей качып кеткен. Мындан улам кийинки постто турган инспекторлор жолго тосмо коюп токтотууга аракет кылышкан. Андан да буйтап өтүп Токтогулдун Арал айылына кирип кеткен. Анын артынан кууп барганда автоунааны таштап, өзү талаага качып жөнөгөн", — деп айтылат маалыматта.

Бишкекте унаадан акча, баалуу буюм уурдаган шектүүлөр кармалды. Видео

Бирок көп узабай ал кармалып, Токтогул райондук милиция бөлүмүнө жеткирилген. Учурда иликтөө иштери жүрүп жатат. Кылмышка шектүү Ош облусунун Кара-Суу районунун тургуну экендиги аныкталды.

30
Белгилер:
Токтогул району, инспектор, кармоо, Машина, уурдоо, кылмыш
Тема боюнча
Кара-Көлдө май ташыган унаадан адамдын сөөгү табылып, шектүү аял кармалды
Луис Татонун DusitD2 отелиндеги теракт аттуу сүрөтү

Стенин атындагы сынак ишин жыйынтыктап, быйылкы жеңүүчүлөрдү атады

0
(жаңыланган 16:26 23.10.2020)
"Россия сегодня" эл аралык маалымат агенттиги негиздеген Андрей Стенин атындагы эл аралык фотожурналистика сынагынын максаты — жаш фотографтарды колдоо, фотожурналистиканын көйгөйлөрүнө коомчулуктун көңүлүн буруу.

МОСКВА, 23-окт. — "Россия сегодня" медиатобунун маалымат кызматы. Андрей Стенин атындагы эл аралык фотожурналистика сынагынын жыйынтыгы чыгып, баш байгеге испан фотографы Луис Тато ээ болду.

Мыктыны тандоо сынактын уюштуруучусу болгон "Россия сегодня" медиатобунун мультимедиалык маалымат борборунун аянтчасында онлайн форматта өткөн.

Тато мындай сыйга "DusitD2 отелиндеги теракт" деген эмгеги үчүн татыган. Эскерте кетсек, каргашалуу окуя 2019-жылдын январында Найробидеги мейманканада болгон.

Луис Тато Стенин атындагы сынактын бир канча жолку лауреаты.

"Мен бул эл аралык сынактан үч ирет байгелүү болдум, жыл сайын кайра заявка бере берем. Анткени бул өзүмө жасалган чакырык, кесипкөйлүктү жогорулатууга мүмкүнчүлүк. Конкурска иш даярдоо, эрежеге ылайыктап заявка тапшыруу, жыйынтыгын күтүү, соңунда эл аралык калыстар тобунун баасын алуу — укмуштуудай тажрыйба. Андрей Стениндин фотосынагы жөндөмүңдү арттырып, иши жогору бааланган кесиптештерден эргүү алууга мыкты шарт түзөт. Дал ушул үйрөнүү, кесипкөйлүктү жогорулатуу мүмкүнчүлүгү мени жыл сайын конкурска катышууга түрткү болот", — деди Луис Тато.

Көргөнгө татыйт! Стенин атындагы сынактагы эң мыкты эмгектер

Конкурста 2020-жылдын лауреаттарын да атады. Бардык жеңүүчүлөрдүн ишине жогорку баа берилди. Жаш фотожурналисттер эмгеги аркылуу бүгүнкү күндүн эң талуу көйгөйүн козгоп, социалдык жана саясий кагылышуулардан тарта экологияга чейин кайрылышкан. Алардын айтымында, дал ушул чагылдырылган сулуулуктагы гумандуулуктун эбегейсиз күчү ааламды сактап калууга өбөлгө болот.

"Башкы жаңылыктар" номинациясында биринчи орунду Улуу Британиянын көз карандысыз фотожурналисти Линзи Биллинг Филиппиндеги баңгизатка каршы күрөшүү боюнча ири кампаниянын курмандыгы түшүрүлгөн "Көмүлгөн акыйкат" аттуу эмгеги менен ээледи. Ал байгелүү орунду Борбордук Америка, Гаити, Африкадан чыккан мигранттардын узак жолу көрсөтүлгөн "Түштүк чек ара" деген эмгекти жараткан француз Жофрэ Риймар менен бөлүштү. 

Линзи Биллингтин "Көмүлгөн акыйкат" аттуу эмгеги

Калькутталык репортер Сумит Саньянын "Чектеги жашоо" аттуу сүрөтү Мусуни аралынын жашоочулары тууралуу. Дал ушул эмгек "Менин планетам" номинациясында жеңүүчү болду. Бул серияда россиялык Сергей Паршуковдун "Жоголуп бараткан дүйнөнүн борбору" аттуу чыгармасы да белгиленди. 

Сумит Саньянын "Чектеги жашоо" аттуу сүрөтү

Спорт багытында түркиялык фотограф Шебнем Кошкун өзгөчөлөнүп, фридрайвер Сахика Эркумендин өлкөнүн түштүгүндө жайгашкан Гилиндире үңкүрүндө машыгып жатканын тарткан. Бул жаатта жеңиш россиялык журналист Павел Волковго кичине кезинде артиллериялык снаряддан чыккан өрттөн аман калган Алексей Талайдын тарыхы камтылган эмгеги үчүн ыйгарылды

Түркиялык фотограф Шебнем Кошкундун суу астындагы сүрөтү

Лауреаттардын толук тизмеси stenincontest.ru/stenincontest.com. сайтында жайгаштырылган.

Маалыматта атайын байгелерге да татыгандар болуп, "Башкы жаңылыктар", "Менин планетам" жана "Портрет. Биздин замандын баатыры" номинациялары боюнча аныкталды. Буга Бириккен шанхай медиа тобу, "Чайна Дейли" гезитинин интернет-порталы, Жалпы аравиялык Аль-Маядин маалымат холдинги жана дүйнөдөгү ири гуманитардык уюмдардын бири болгон Кызыл чырым эл аралык комитети өнөктөш болду.

Sputnik Кыргызстандын фотокабарчысына эл аралык сынакта сыйлык тапшырылды

Конкурс тууралуу

"Россия сегодня" эл аралык маалымат агенттиги негиздеп, Россиянын ЮНЕСКО иштери боюнча комиссиянын колдоосу менен өтүп келген Андрей Стенин атындагы эл аралык фотожурналистика сынагынын максаты — жаш фотографтарды колдоо, бүгүнкү күндөгү фотожурналистиканын көйгөйлөрүнө коомчулуктун көңүлүн буруу. Бул таланттуу, сезимтал, алдыга умтулган жаш фотографтар үчүн мыкты аянтча.

Быйыл башкы маалыматтык өнөктөш Вести.Ru порталы, "Россия-Культура" телеканалы болду. Ал эми Sputnik маалымат агенттиги жана радиосу, Askanews маалымат агенттиги, Independent Media медиахолдинги, Notimex маалымат агенттиги, ANA маалымат агенттиги, RT телеканалы жана порталы, Shanghai United Media Group (SUMG), China Daily гезитинин интернет-порталы,  The Paper интернет-порталы, Al Mayadeen медиатүйүнү, Prensa Latina,  News1 маалымат агенттиктери, DBW интернет-порталы, Brasil247 жаңылыктар порталы маалыматтык колдоо көрсөттү. Мындан тышкары, "National Geographic Россия" журналы, Russian Photo, Photo-study.ru порталдары, "Академия фотографии" фотомектеби, YOung JOurnalists маалымат порталы, Нью-Делинин фотожурналистика клубу,  Enfoque Visual, LF Magazine журналдары тармактык өнөктөш болушту.

0
Белгилер:
жеңүүчү, сынак, фотограф, Андрей Стенин
Тема боюнча
Илим менен техникага кызыгасызбы? Кыздар үчүн сынак жарыяланды