Бишкектин экс-мэри Нариман Түлеевдин архивдик сүрөтү

Жер тилкеси боюнча козголгон жаңы иште Нариман Түлеевдин аты аталууда

236
(жаңыланган 10:16 01.08.2019)
Мыйзамсыз иштер 2009-жылы Нариман Түлеев Бишкек шаарынын мэри болуп турган учурда болгон.

БИШКЕК, 31-июл. — Sputnik. Бишкек мэриясынын кызматкерлери экс-мэр Нариман Түлеевдин жакын кишилерине (аффилированные лица) мыйзамсыз түрдө жер тилкесин берген деп айыпталууда. Бул тууралуу Башкы прокуратуранын маалымат кызматы билдирди.

Факты Кылмыш жана жоруктардын бирдиктүү реестрине Кылмыш-жаза кодексинин 320-беренеси ("Кыянаттык менен пайдалануу") боюнча каттоого алынган.

"Бишкек мэриясында иштегендер кызмат абалынан кыянаттык менен пайдаланып, пайда көрүү максатында жер мыйзамдарын бузуп, Түлеевдин жакын адамдарына жер тилкесин берген. Бул иштер 2009-жылы Нариман Түлеев Бишкек шаарынын мэри болуп турган учурда болгон. Ала-Арча-3 конушунан 650 чарчы метр жер жеке турак жай куруу үчүн бөлүнгөн", — деп айтылат маалыматта.

Башкы прокуратурадан кабарлашкандай, аталган факты боюнча сотко чейинки териштирүү иштери башталды. Мэриянын канча кызматкери шектелип жатканы боюнча кошумча маалымат берилмекчи. Материалдардын баары УКМКнын Бишкек шаары боюнча башкармалыгына өткөрүлдү.

236
Белгилер:
Кыргызстан, Бишкек, Нариман Түлеев, жер тилкеси, мыйзамсыз ишкердик
Тема боюнча
Мамлекетке 380 млн. сомдук жер тилкелери кайтарылды
Агрардык университеттин 24 сотых жери эмнеге талашка түштү? Чоо-жайы
Учуп-конуу тилкеси жарабай калды. Исфананын аэропорту ремонтко жабылды
Милиция кызматкер. Архив

Энелеш эжесин өлтүргөн деп 16 жаштагы улан шектелүүдө. Кара-Кулжадагы окуя

141
(жаңыланган 16:45 21.09.2021)
Милициянын айтымында, шектелип жаткан иниси эжесин өлтүргөнүн жашыруу максатында аны мал сарайга асып койгон.

БИШКЕК, 21-сен. — Sputnik. Ош облусунун Кара-Кулжа районундагы Көк-Арт аймагындагы жайлоодо иниси энелеш эжесин өлтүрүп, бирок өзүнүн жанын өзү кыйгандай кылып мал сарайга алып барып асып койгону аныкталды. Бул тууралуу Ош облустук милициясынан кабарлады.

Алгач Көк-Арт айылынын тургуну 27 жаштагы аялдын Бото-Мойнок жайлоосунда мал сарайда асынып каза болуп калганын участкалык милиционер билдирген. Аталган окуя Кылмыш жана жоруктардын бирдиктүү реестрине катталып, Жазык кодексинин 136-беренесинин ("Өзүн-өзү өлтүрүүгө жеткирүү") 1-бөлүмү менен сотко чейинки өндүрүш иши ачылып, соттук медициналык экспертиза дайындалган. Тергөө амалдарынын жүрүшүндө Кара-Кулжа РИИБдин кызматкерлери ыкчам иш-чараларды жүргүзүп, маркум киши колдуу болгонун аныктаган.

Кара-Кулжа РИИБинин кызматкерлери шектүү катары Алайкуу айыл аймагынын 16 жаштагы К.И. аттуу тургунун кармап, ал убактылуу кармоочу жайга киргизилген.

"Ыкчам-тергөө иштеринин жүрүшүндө кылмышка шектүү маркумду муунтуп өлтүрүп, кылмышын жашыруу максатында сөөктү өзүнүн жанын өзү кыйгандай кылып асып койгондугу белгилүү болгон. Кылмышка шектүү менен жабырлануучунун атасы башка, энеси бир бир туугандар болгон. Сөз талашып уруша кетип, аягы ушундай өкүнүч менен аяктаган", — деп билдирген милиция.

Шектүүнүн бөгөт коюу чарасын тандоо үчүн Кара-Кулжа райондук сотунун судьясына өтүнүч келтирилип, эки айга камалган.

Милициядан учурда тергөө иштери жүрүп жатканын кабарлады.

141
Белгилер:
Кыргызстан, Кара-Кулжа, кылмыш, Өлтүрүү, милиция
Тема боюнча
Айзаданын өлүмү боюнча милиционерлердин иши токтотулдубу? Прокуратуранын жообу
Бишкекте инисин бычактап өлтүргөн өспүрүмгө соттун чечими чыкты
Бишкекте катуу сабалган келин эсине келбей ооруканада көз жумду
Ноокат районунда милиция кызматкерлери мыйзамсыз сакталган курал жана ок-дары тапты

Ноокаттын жашоочусунун үйүнөн курал жана ок-дары табылды. Сүрөт

118
(жаңыланган 16:20 21.09.2021)
Ош облустук милициясы мыйзамсыз сакталган куралдарды, жарылуучу заттарды милицияга өз ыктыяры менен тапшыргандар кылмыш жоопкерчилигинен бошотуларын эскертти.

БИШКЕК, 21-сен. — Sputnik. Ноокат районунда милиция кызматкерлери мыйзамсыз сакталган курал жана ок-дары тапты. Бул тууралуу Ош облустук ички иштер башкармалыгынын маалымат кызматы билдирди.

  • Патроны обнаруженные в дома жителя Ноокатского района Ошской области
    Ноокат районунда милиция кызматкерлери мыйзамсыз сакталган курал жана ок-дары тапты
    © Фото / пресс-служба УВД города Ош
  • Патроны обнаруженные в дома жителя Ноокатского района Ошской области
    Ноокат районунун 39 жаштагы М.Б. аттуу тургундун үйүн тинтүүгө алган учурда мыйзамсыз сакталган найы кесилип жасалган ИЖ-18 мылтыгы, Калашников автоматынын 9, Макаров тапанчасынын сегиз огу алынган.
    © Фото / пресс-служба УВД города Ош
1 / 2
© Фото / пресс-служба УВД города Ош
Ноокат районунда милиция кызматкерлери мыйзамсыз сакталган курал жана ок-дары тапты
"Ноокат районунун 39 жаштагы М.Б. аттуу тургундун үйүн тинтүүгө алган учурда мыйзамсыз сакталган ИЖ-18 мылтыгы, Калашников автоматынын 9, Макаров тапанчасынын сегиз огу алынган. Андан сырткары, Ноокат районунун башка бир тургунунун үйүнөн бир револьвер алынды", — деп айтылат билдирүүдө.

Ош облустук ИИБи мыйзамсыз сактап жүргөн куралдарын, жарылуучу заттарды милицияга өз ыктыяры менен тапшыргандар кылмыш жоопкерчилигинен бошотуларын эскертти.

118
Белгилер:
Ноокат, курал-жарак, ок-дары, тапанча, милиция
Тема боюнча
УКМК кылмыштуу топтор каткан автоматты ок-дарысы менен тапты
Президент Садыр Жапаров встретился с председателем Сената Олий Мажлиса Узбекистана Танзилой Нарбаевой, прибывшей в страну с официальным визитом. 21 сентября 2021 года

Садыр Жапаров Өзбекстан парламентинин төрайымы менен жолукту

0
(жаңыланган 22:23 21.09.2021)
Тараптар парламент аралык жана регионалдык эки тараптуу кызматташуунун актуалдуу маселелери боюнча пикир алмашышты.

БИШКЕК, 21-сен. — Sputnik. Президент Садыр Жапаров Өзбекстандын Олий Мажлисинин Сенатынын төрайымы Танзила Нарбаева менен жолукту. Бул туурасында мамлекет башчынын маалымат кызматы билдирди.

Тараптар парламент аралык жана регионалдык эки тараптуу кызматташуунун актуалдуу маселелери боюнча пикир алмашышты.

Мамлекет башчы Өзбекстандын парламентине парламент аралык жана регионалдык кызматташтыкты өнүктүрүүгө, ошондой эле үстүбүздөгү жылдын мартында президент Шавкат Мирзиёев менен сүйлөшүүлөрдүн жүрүшүндө жетишилген макулдашууларды ишке ашырууга ар тараптуу көмөгү үчүн ыраазычылык билдирген.

"Олий Мажлис сенатынын төрайымы Кыргызстанда Садыр Жапаровдун бардык тармактарда жүргүзүп жаткан реформаларынын натыйжасында болгон жакшы өзгөрүүлөрдү белгиледи. Ошондой эле Өзбекстандын президенти Шавкат Мирзиёевдин жалпы кыргыз элине чын дилден бакубатчылык тилеген каалоосун жеткирди. Өзбекстандын парламенти Жапаровдун Ташкентке болгон мамлекеттик сапарынын жүрүшүндө жетишилген макулдашуулардын ишке ашуусуна ар тараптуу көмөк көрсөтөрүнө ишендирди", — деп айтылат маалыматта.

Жолугушуу соңунда Жапаров кесиптеши Мирзиёевге жылуу салам айтууну өтүнүп, ошондой эле боордош өзбек элине тынчтык, бакубатчылык жана мындан аркы гүлдөп өнүгүүнү каалаган.

0
Белгилер:
Өзбекстан, Садыр Жапаров, жолугушуу, Танзила Нарбаева