Камакка алынган жаран. Архивдик сүрөт

Уулуна дары алам деп... Сот дарыкананы карактаган токмоктуктун өкүмүн өзгөрттү

377
(жаңыланган 13:12 02.08.2019)
Буга чейин Токмок шаардык соту кишини карактоого айыптап беш жылга эркинен ажыратуу менен 70 миң сомдук айып салуу өкүмүн чыгарган.

БИШКЕК, 2-авг. — Sputnik. Чүй облустук соту Токмоктогу дарыкананы карактаган кишиге берилген жазаны өзгөрттү. Бул туурасында соттолуучунун адвокаты Бакытбек Автандил уулу билдирди.

Анын айтымында, шаардык сот тарабынан берилген жаза эки эсеге кыскартылган.

"Чүй облустук соту Токмоктун тургунун эки жарым жылга кесип, 50 миң сомдук айыпка жыкты. Иш мында да мурункудай эле "Карактоо" беренеси боюнча каралып, бирок кылмыш иши башка пунктка өзгөртүлдү", — деп айтылат маалыматта.

Өкүмгө нааразы болгон адвокат эми Жогорку сотко кайрылып, өкүмдү жумшартуу боюнча даттана турганын белгиледи. Айыпкердин жактоочусу ишти Жазык кодексинин 201-беренесинин биринчи пункту менен кароону суранган. Эгер ал пункт менен каралганда, соттолуучу алты айга кесилмек.

Баласына дары алам деп камалган ата

Эске сала кетсек, "Токмоктогу дарыканалардын бирин карактап, 25 миң сом алып чыгып кетти" делген 33 жаштагы Замирбек Кожокановду Токмок шаардык соту 14-майда беш жылга эркинен ажыратып, мамлекетке 70 миң сом төлөмөр кылган

Шектүү көрсөтмөсүндө баласы ооруп, акчасы жок болгондуктан курткасын күрөөгө коюп, сатуучудан дары берүүнү өтүнгөнүн айткан. Бирок дарыканачы баш тарткандан кийин чыгып кетип, бир аздан соң кайтып келип кассадагы акчаны карактап кеткенин билдирген.

Мындай чечим социалдык тармакта ар кыл пикирлерди пайда кылып, көбү чыккан өкүмгө нааразы болгон.

Чуулуу ишти юристтер колго алган. Адвокаттар ал атанын ишин бекер эле коргоп берүүгө белсенип, иш кайра Чүй облусунун сотунда каралган.

Укук коргоочулар менен юристтердин бир жааты "сот чечими катаал чыгып калды" десе, экинчилери "мыйзам чегинде болду" деген пикирде эле.

Камакка алынган Кожоканов келинчеги менен Токмок шаарынын четинде батирде жашап, курулушта, жеке ишканаларда иштеп келген. Анын кичинекей эки кызы жана бир уулу бар.

Sputnik Кыргызстан Токмок шаарына барып, акчаны уурдай качкан жигиттин энеси менен сүйлөшүп, иштин чоо-жайын билип кайткан.

377
Белгилер:
адвокат, жаза, айып, дарыкана, Токмок, Жогорку сот
Тема боюнча
Токмокто баласына дары алам деп кесилген кишиге чыккан өкүм туурабы? 6 юристтин ою
Токмокто дарыканадан акча уурдай качкан жигиттин соту жылдырылды. Себеби
Жарылган дөңгөлөк. Архив

Дөңгөлөк жарылганда асманга топтой ыргыган киши. Бишкекте тартылган видео

791
(жаңыланган 16:45 24.09.2020)
Мээси чайкалып, сөөктөрү сынып кеткен жабырлануучу Бишкек илим изилдөө травматология жана ортопедия борборуна жаткырылды.

БИШКЕК, 24-сен. — Sputnik. Бишкектеги автоунааларды техникалык жактан тейлөө станцияларынын биринин кызматкери дөңгөлөктүн жарылып кетишинен улам катуу жабыркады.

Окуя болгон учурдагы видео "Короче" Telegram-каналына жүктөлдү. Кадрларда көрүнүп тургандай, жүк жашуучу автоунаанын дөңгөлөгүн оңдоп жатканын көрүүгө болот. Бир маалда ал жарылып кетип, жумушчу кадимкидей ыргып кетет.

Медиктер бул  маалыматты тастыкташты. Окуя бүгүн саат 11:00дө айланма жол тараптагы  Ак-Жар жаңы конушу жакта болгон. Жабырлануучунун мээси чайкалып, сөөктөрү сынып кеткен. Учурда ал Бишкек илим изилдөө травматология жана ортопедия борборуна жаткырылды.

791
Белгилер:
оорукана, жарылуу, жумушчу, дөңгөлөк, Бишкек
Тема боюнча
Индия: премьердин туулган күнүндө 100 шар жарылып кетип, адамдар жабыркады
Унаанын жанында турган адам. Архив

Бишкекте багаждан коляска чыгарып жаткан кишини унаа коюп кетип көз жумду

431
(жаңыланган 15:22 24.09.2020)
40 жаштагы жаран окуя болгон жерден жан берген. Милициянын кайгуул кызматы кырсыктын чоо-жайын аныктап жатат.

БИШКЕК, 24-сен. — Sputnik. Бишкекте унаасынын багажынан балдар коляскасын алып жаткан кишини унаа коюп кетти. Ал ошол жерден көз жумган. Бул тууралуу милициядан билдиришти.

Кырсык кечээ түнкү саат 02:00дө Фучик көчөсүндө болгон. KIA Spectra унаасы 40 жаштагы кишини сүзгөн.

Учурда тергөө амалдары жүрүүдө.

431
Белгилер:
Бишкек, өлүм, жол кырсык, унаа
Тема:
2020-жылдын башынан бери Кыргызстанда болгон жол кырсыктар
Тема боюнча
Нарында Toyota менен Honda Stepwgn кагышып, үч адам каза тапты
Жабыла чуркап сууруп чыгышты. Өрттөнгөн унаадагы кишилерди куткарган видео
Манас эл аралык аэрпорту. Архив

Француз компаниясы өлкөдөгү ири аэропортторду оңдоп-түзөөгө кызыкдар

0
(жаңыланган 23:26 24.09.2020)
Өлкөнүн Тышкы иштер министрлиги француз компаниялары Кыргызстанда ишке ашырып жаткан жана пландаган долбоорлору жөнүндө айтып берди.

БИШКЕК, 24-сен. — Sputnik. Франциянын Aеroports de Paris жана TAV Airports аэропортторунун эл аралык операторлору "Манас" жана "Ош" аэропортторун реконструкциялоо боюнча долбоорлорго катышууга даяр. Бул тууралуу ТИМдин маалымат кызматы кабарлады.

Ага ылайык, тышкы иштер министри Чыңгыз Айдарбеков Франциянын КРдеги элчиси Микаэль Ру менен анын дипломатиялык миссиясынын аякташына байланыштуу видеоконференция өткөргөн.

Тараптар акыркы жылдардагы кыргыз-француз кызматташтыгынын жана соода-экономикалык байланышынын өнүккөнүн талкуулашкан.

"Атап айтканда, Aеroports de Paris жана TAV Airports Париж аэропортторунун эл аралык операторлору "Манас" жана "Ош" аэропортторун реконструкциялоо боюнча долбоорлорго катышууга даяр. Ал эми GE Hydro France компаниясы Ат-Башы жана Токтогул ГЭСтерин реконструкциялоо жана калыбына келтирүү боюнча долбоорлорду ишке ашырып жатат. Flowbird компаниясы паркинг системаларды эсептегичтерди орнотуу боюнча долбоорду ишке ашырууну пландаштырууда, ошондой эле EGIS компаниясы Ош — Баткен — Исфана автоунаа жолун реконструкциялоо долбоорун ишке ашырды. Бир катар башка инфратүзүмдүк долбоорлорду ишке ашыруу күтүлүүдө. Ошондой эле быйыл Бишкекте Novotel франциялык мейманкана тармагын ачуу пландалууда", — деп айтылат маалыматта.

Кытай өрт өчүргөн 100 автоунаа бермекчи. Айдарбеков кесиптеши Ван И менен жолукту

Министр Айдарбеков жемиштүү эмгеги үчүн Руга ыраазычылык билдирип, ТИМдин Ардак грамотасы менен сыйлады.

0
Белгилер:
аэропорт, экономика, элчи, ТИМ, Франция, Кыргызстан
Тема боюнча
Жээнбеков Кыргызстандын БУУнун Коопсуздук кеңешине өкүл болууга умтулганын эскертти