Тез жардам автоунаасы. Архивдик сүрөт

Казакстандагы жол кырсыгынан көз жумган КР жарандарынын саны бешке жетти. Сүрөт

914
(жаңыланган 14:15 02.08.2019)
Каза болгон беш кишиден сырткары дагы үч адам жандандыруу бөлүмүндө экендиги айтылды.

БИШКЕК, 2-авг. — Sputnik. Казакстандын Кызыл-Ордо облусунда Мersedes үлгүсүндөгү жүк ташуучу унаа менен жеңил автокөлүк кагышкан кырсыкта мерт болгон кыргызстандыктардын саны бешке жетти. Бул тууралуу Sputnik маалымат агенттигине Нур-Султан шаарындагы Кыргызстандын элчилиги тастыктап берди.

Эске сала кетсек, буга чейин кырсыктан эки кыргызстандык каза тапкан

Посмотреть эту публикацию в Instagram

Публикация от ZELLO QYZYLORDA | КЫЗЫЛОРДА (@zello_qyzylorda)

"Каргаша "Самара — Шымкент" унаа жолунун 1645-чакырымында болгон. Төрт эркек киши жана бир аял каза болду, дагы үчөө Кармакшин райондук ооруканасынын жандандыруу бөлүмүндө жатат. Алматыдагы Кыргызстандын башкы консулдугунун кызматкерлери Кызыл-Ордо облустук полициясынын тергөө департаменти менен тыгыз иштешип жатат", — деп билдиришти элчиликтен.

Sputnik Казакстан билдиргендей, Мersedes үлгүсүндөгү жүк ташуучу унаасы "Оазис" туристтик комплексинен чыгып бара жатып, Кыргызстандын сегиз жараны бара жаткан Тоуота унаасын өткөрбөй койгону айтылат. Жүк ташуучу унаанын рулунда Казакстандын жараны болгон, ал жабыркаган эмес.

"Окуя болгон жерде облустук көп профилдүү оорукананын Тез жардам кызматынын үч бригадасы иш алып барган. Ооруканага кошумча реаниматолог, нейрохирург жана травматологдорду жиберишти", — деген Казакстандын Саламаттыкты сактоо министрлигинин облустагы башкармалыгынын жетекчисинин орун басары Олжас Искаков.

Аталган факт боюнча Мersedes үлгүсүндөгү жүк ташуучу унаанын айдоочусуна кылмыш иши козголгон.

"Бүгүнкү күнү оор жүк ташуучу унаанын айдоочусуна кылмыш иши козголду. Алдын ала маалымат боюнча, ал жол эрежесин бузган. Башкача айтканда, жеңил унаага жол бошоткон эмес. Эгер анын күнөөсү далилденсе, беш жылдан он жылга чейин эркинен ажыратылышы ыктымал", — деп Кызыл-Ордо облустук полициясынын тергөө башкармалыгынын жетекчисинин милдетин аткаруучу Амиржан Утегенов түшүндүрмө берген.

Ал ортодо элчиликтен Кыргызстандын ӨКМи сөөктөрдү мекенге алып келүү үчүн транспорт каражатын бөлүп бергенин кошумчалашты.

914
Белгилер:
өлүм, жол кырсык, кыргызстандыктар, Казакстан
Тема боюнча
Кызыл жаян болгон мотоциклчи. Бишкектеги жол кырсыктын видеосу
Бишкекте жол жээгинде токтоп турган машинаны чоң бутак басып калды. Сүрөт
Депутат Чыныбай Турсунбеков

Депутаттар ЖКнын экс-спикери Чыныбай Турсунбековдун каза болгонун айтууда

257
(жаңыланган 01:12 07.07.2020)
Чыныбай Турсунбеков 60 жашта. Буга чейин ал пневмония оорусуна чалдыгып ооруканада жатканы айтылган.

БИШКЕК, 7-июл. — Sputnik. Жогорку Кеңештин депутаты Чыныбай Турсунбеков каза болду  деген маалыматтарды бир катар ЖМКлар, ЖКнын бир нече депутаттары социалдык тармакка жазышты. Ал эми ЖКнын маалымат кызматынын жетекчиси Ибраим Нуракун уулу  журналисттер жана башкаларды сабырдуулукка чакырып, маалыматтын тастыктала электигин айтты.

“Чыныбай Акунович... Бейиштен орун берсин. Жакындарына көңүл айтам. Дагы бир мыкты инсан арабыздан кетти..., — деп жазды депутат Кожобек Рыспаев.

Эльвира Сурабалдиева жана Дастан Бекешев да социалдык тармакта көңүл айтты.

"Ата Мекен" партиясынын лидери Өмүрбек Текебаевдин айтымында, Турсунбеков Бишкектеги Улуттук госпиталдын тез жардам терапия бөлүмүндө көз жумган.

Чыныбай Турсунбеков 57 жашта! Белгилүү саясий ишмер тууралуу 9 факты

Турсунбеков буга чейин пневмония оорусуна чалдыгып, абалы оор экенин айрым ЖМКлар жазышкан.

"Депутат жакынкы күндөрү өпкөнү жасалма дем алдыруучу аппаратынан чыгып, үйүнөн дарыланууга уруксат берилиши күтүлүүдө. Жалпы абалы жакшы жана стабилдүү. Алдын ала диагнозу пневмония. Коронавируска карата ПЦР-тести таза чыккан", — деп жазган эле Нуракун уулу.

Чыныбай Турсунбеков 60 жашта эле, Жогорку Кеңештин VI чакырылышынын төрагасы болуп иштеген.

257
Белгилер:
пневмония, өлүм, депутат, Чыныбай Турсунбеков
Тема:
Кыргызстандагы коронавирус жуктуруп алгандар
Тема боюнча
Белгилүү журналист Бүбүкан Досалиева дүйнө салды
Алмамбет Шыкмаматовдун жубайы Жанара Турдакунова пневмониядан каза болду
Баткен облусунда Исфана — Сулюкта жолунда тоолор. Архив

Сүлүктүдө жер көчүп, автоунаа жолун тосуп калды. Видео

91
(жаңыланган 23:33 06.07.2020)
Жолду тазалоо үчүн бир жүктөгүч, эки самосвал тартылып, бир тараптуу ачылган. Тазалоо иши эртең дагы улантылат.

БИШКЕК, 6-июл. — Sputnik. Баткен облусунун Сүлүктү шаарында жер көчүп, автоунаа каттаган чоң жолду тосуп калды. Бул тууралуу Өзгөчө кырдаалдар министрлигинин маалымат кызматы кабарлады.

Билдирмеге караганда, бүгүн саат 17:40 чамасында Кызыл-Бел тилкесинде болжол менен 1000 метр куб жер сүрүлүп, жолду бөгөп салган. Жабыркаган адамдар жок.

Бир үй-бүлөдөн эле... Сүлүктү шахтасындагы төрт кишинин өлүмүнүн чоо-жайы

Жолду тазалоо үчүн Кытайдын жол куруучу компаниясынан бир жүктөгүч, эки самосвал тартылып, бир тараптуу ачылган. Кеч киргендигине байланыштуу саат 20:20да тазалоо иш-чаралары убактылуу токтотулган. Иштин эртең дагы улантылары айтылат.

91
Белгилер:
тазалоо, жол тосуу, автоунаа, Жер көчкү
Тема боюнча
Адам өмүрүн эмес, сөөгүн сактап калган учурлар болот. Куткаруучунун маеги
Жыл башынан бери 35 адам сууга чөктү. Өкмөт коңгуроо кагууда