Ак үйдөгү мушташка депутаттар арача түшүп... 90-жылдардагы кылмыштар

Жазылуу
Бишкектин чок ортосунда тонолгон банк, мыкаачылык менен зордукталган чүрпө жана байланышсыз калган мамлекеттик резиденция. Так ушундай кылмыштар 25 жыл мурун август айында болгон.

Sputnik Кыргызстан агенттиги 90-жылдардагы чуулуу окуяларды сунуштайт.

Көнгөн адат калабы?..

Институт судебной медицины в Лионе - Sputnik Кыргызстан
Ата-энеси моргдо жаткан кызын тааный албай... Июлдагы соттук чечимдер
Өзүн президент Аскар Акаевдин күзөт кызматынын башчысынын орун басарымын деп тааныштырган киши буга чейин «Зордуктоо» беренеси боюнча эркинен ажыратылган. Ал боштондукка чыккандан кийин да жөн жүрбөй мамлекеттик ишканалардын биринин босогосун аттайт. Курулуш менен алектенген мекеменин директоруна кирип, өлкө башчынынын кызынын батирин оңдоо керек экендигин айтат. Жетекчиси анын өтүнүчүн дароо эле кабыл алып, ал жерге мыкты куруучуларын жөнөтөт. Шылуун аларды кымбат унаасы менен үйгө алып келип текшерип, анысы ал келгенсип, жумушчулардан акча чогултуп таптырбай кеткен. Кийин аны чекисттер колго түшүрүп, жасалган батир алдамчынын өзүнүкү экендигин аныктаган.

Түнү менен тонолгон банк

Борбор калаадагы "Ысык-Көл инвест банкы" бир нече саат ичинде тонолуп кеткен. Уурулар шаардын чок ортосунда жайгашкан кеңсеге түндө кирип, үч сейфти талкалап, 1 миллион сом жана 35 миң долларды алып кеткен. Банктан ири суммадагы акча уурдалгандыгын милиция кызматкерлери эртеси күнү эртең менен билген. Кылмыш болгон жерде сыранын бош бөтөлкөлөрү, чылымдын калдыктары жана курулушта колдонулган эмеректер табылган. Погончондор ал түнү аталган банкта күзөттө турган 22 жаштагы жигитти да таба албай убара болгон.

Зөөкүр кылмышкер

26 жаштагы жигит жаңы эле темир тор артынан эркиндикке чыгып беш жаштагы кызды уурдап кеткен. Ал кичинекей чүрпөнү эл жок жерге алып барып зордуктаган. Өлүм менен өмүрдүн ортосунда калган чүрпөнү дарыгерлер аман алып калган. Сот зөөкүрдү өлүм жазасына тарткан.

Аткаминерлерди дүрбөлөңгө салган уурулар

Нападение с ножом на беременную женщину в Бад-Кройцнахе - Sputnik Кыргызстан
Адам уурдоо, рейдерлик, оффшор... Ажолордун кылмышка аралашкан балдары
Ал күнү Бишкекте аткаминерлер Казакстан менен Өзбекстандын өкмөт башчыларын тосуп алууга катуу даярданып жаткан. Себеби эртеси борбор калаада премьер-министрлер кеңешинин отуруму болмок. Бирок ал күнү уурулар өкмөттүк байланышты камсыздаган 1200 метрлик жез зымдарды кыйып кеткен. Маанилүү саясий иш-чаранын алдында мамлекеттик резиденцияда отургандар өздөрүн коерго жер таппай калган. Анткени өзгөчө корголгон аймакта телефон байланышы такыр жок болгон.

Ак үйдөгү мушташ

Президенттин мамлекеттик катчысынын орун басары, Курманалиев аттуу мамлекеттик кызматкер өкмөттүн аппарат жетекчиси Керимкуловду тилдеп, 7-кабатта эки аткаминер мушташа кеткен. Алардын ортосундагы чырдын чыгышына мамлекеттик ишканалар себеп болгон делип, Курманалиев шак эле Керимкуловго кол көтөрүп жиберген. Алардын кызыл чеке болгонун Жогорку Кеңештин депутаты да көрүп, арачалаганга жетишип калган. Жабыркаган премьер-министрдин аппарат башчысы ооруканага жатып, укук коргоо органдарына арыз менен кайрылып иш сотко чейин жеткен.

Жаңылыктар түрмөгү
0