Сот. Архивдик сүрөт

Баткен прокурорунун өлүмү: шектүүнү үч кылмышка айыпталган судья соттоп жатат

487
(жаңыланган 10:06 07.08.2019)
Прокурордун өлүмүнө шектелип кармалган жалгыз айыпкердин ишин карап жаткан сотко беш жолу ишенбөөчүлүк көрсөтүлдү. Анын буга чейин адилетсиз өкүм чыгарганы да белгилүү болду.

БИШКЕК, 6-авг. — Sputnik. Баткен облусунун прокурору Анарбай Мамажакыповдун өлүмүнө айыпталган Мелис Калыковдун ишин мурда үч ирет адилетсиз өкүм чыгарып, кылмыш иши козголгон судья карап жатат. Бул туурасында соттолуучунун эжеси Дарика Калыкова билдирди.

Анын айтымында, ишти Ош шаардык сотунун судьясы Жолборс Кудаяров карап жатат. Айыпталуучунун жактоочусу судьяга беш жолу ишенбөөчүлүк көрсөтүп, жараянга төрагалык кылуудан баш тартууну суранышкан. Бирок прокурор да, сот да коюлган дооматты канааттандырган эмес. Судьянын ишенимден чыгышына мурда үч жолу ага карата кылмыш ишинин козголгону негизги себеп болгон.

"Судья Жолборс Кудаяровдун кылмыш иштерин тастыктоого жардам сурап баткендик депутаттарга кайрылганбыз. Алар Башкы прокуратурага сурам жиберип, үч ишке айыпталганын билип беришти. Катка башкы прокурордун биринчи орун басары Нурлан Дарданов жооп берген", — деди Калыкова.

Ошондой эле ал судья айыпталуучунун дооматтарын эске албай жатканын, ал эми 5-августта болгон отурумда айыпталуучу Калыковдун өзүн, жактоочусун, тарапташтарын жана журналисттерди сот залынан чыгарып салганын билдирди.

Башкы прокуратуранын маалымат кызматы чынында эле депутаттын сурамына Дарданов жооп бергенин ырастады.

Прокуратура судья Кудаяр Жолборсов төмөндөгүдөй адилетсиз өкүмдөрдү чыгарганын аныктаган:

— Башкы прокуратура тарабынан Жолборс Кудаяровго кызмат абалынан кыянаттык менен пайдаланды деп кылмыш иши козголгон. Тактап айтканда, ал 2014-жылдын 23-сентярында Ош шаарындагы үйдүн документтерин мыйзамсыз деп таап, сот адилеттигине жатпаган чечим кабыл алган. Бул боюнча УКМКнын Ош шаардык жана Ош облустук бөлүмү тарабынан тергөө жүргүзүлүп, 2018-жылдын 26-ноябрында иш өндүрүштөн токтотулган.

Бирок чечим Ош облустук прокуратурасы тарабынан көзөмөл иретинде окулуп, 2019-жылдын 19-мартында УКМКнын токтому жокко чыгарылган. Учурда бул кылмыш ишти ИИМдин Түштүк аймагы боюнча тергөө кызматы иликтеп жатат.

— 2015-жылдын 9-июлунда судья Жолборс Кудаяровго Ош шаарынын тургунуна ижарага берилген жер тилкени менчик деп таап, сот адилеттигине жатпаган өкүм чыгарганы үчүн кылмыш иши козголгон.

Бул ишти тергөө үчүн УКМКнын Ош шаардык жана Ош облустук тергөө бөлүмүнө 2018-жылдын 18-майында тапшырылган. Анын натыйжасында 24-октябрда иш өндүрүштөн токтотулган. Деген менен прокуратура тергөөнүн жыйынтыгына макул болгон эмес.

Чечим Ош облустук прокуратурасы тарабынан көзөмөл иретинде окулуп, 2019-жылдын 18-мартында токтом жокко чыгарылган. Учурда бул ишти ИИМдин Түштүк аймагы боюнча тергөө кызматы териштирип жатат.

— 2018-жылдын 18-декабрында Ош шаардык соттун судьясы Жолборс Кудаяровго жана Ош облусунун соттору Абдрасул Шамшиев, Назымбек Матраимов жана Мамасалы Токтомушевдерге карата Башкы прокуратура тарабынан кылмыш иши козголгон.

2016-жылдын 30-июнунда Тажикстандын жараны Ош шаарынын аймагында гашиш баңгизатын сатып жатканда кармалган. Тергөө аяктаган соң иш сотко өтүп, 2016-жылдын 30-декабрында судья Кудаяров тергөөдө коюлган беренелерди өзгөртүп, башка мамлекеттин жараны экенине карабай КРдин мунапыс мыйзамын колдонуп, камактагы мөөнөтүн кыскартып, айыпкердин абактан чыгып кетишине жол берген.

2017-жылдын 28-июнунда Жогорку сот тарабынан чечимдери бузулуп, кылмыш ишин башка курамда кароо үчүн Ош шаардык сотуна жиберилген. Бирок Тажикстандын жараны Кыргызстандын аймагынан чыгып кеткенине байланыштуу ал 13 жылга сыртынан соттолгон.

Бул соттук чечимге карата Ош облустук прокуратурасы тарабынан 2019-жылдын 19-январында Жогорку сотуна сунуш келтирилип, учурда каралууда. Ал эми кылмыш иши боюнча тергөө амалдары жүрүп жатат.

Прокурордун сырдуу өлүмү

Баткен облусунун прокурору Анарбай Мамажакыпов былтыр эки орун басары, эки бөлүм башчысы, Баткен районунун прокурору, анын арак заводунда иштеген досу жана Баткен мэриясынын капиталдык курулуш башкармалыгынын жетекчиси Мелис Калыков менен аңчылыкка чыгып киши колдуу болгон. Анын сөөгү 2018-жылы 18-ноябрга караган түнү Төрт-Көл суу сактагычына жакын жердеги жолдон табылган. Кылмышка бирден-бир шектүү болуп Мелис Калыков кармалган. Милициянын маалыматы боюнча, ал Мамажакыповду мергенчилик курал менен атып, андан соң кылмышын жашыруу максатында денесин өрттөп салган.

Деген менен шектүүнүн да, маркумдун да туугандары тергөө иштерине нааразы болуп келген. Алар ошол күнү аңчылыкка чогуу чыккан прокурорлордун да камалышын талап кылышууда. Мамажакыповдун иниси агасынын өлүмүн аңчылыкка чогуу чыккан прокурорлор эле уюштурушу мүмкүн деп шек санаган.

487
Белгилер:
кылмыш иши, өкүм, прокурор, Анарбай Мамажакыпов, сот, Баткен
Тема:
Прокурор Анарбай Мамажакыповдун өлүмү (17)
Тема боюнча
Мамажакыповдун өлүмү. Чогуу жүргөн прокурорлор кылмыш маалында кайда болгон
Маркум Мамажакыповдун туугандары: башка прокурорлордун аялдары да бир нерсе билген
Тоолуу Карабахтагы талкаланган үй жана автоунаа

Карабахтагы абал: "алоолонгон" маалымат согушунун ачуу үнү

47
(жаңыланган 23:18 01.10.2020)
Согушта контрпропаганда адатта душмандын ындынын өчүрүү (деморализациялоо) үчүн анын жоготууларын көбүртүп-жабыртып, өз ийгиликтерин күчөтүп көрсөтүү ыкмасы менен пайдаланылат.

Ошентсе да Азербайжан жана Армениянын Тоолуу Карабахтагы куралдуу тиреши мурункусунан кабарлардын ушунчалык көптүгү, анан да жарыяланар замат дээрлик дароо экинчи тараптын төгүндөөсү чыкканы менен айырмаланат. Бул эл аралык байкоочуларга кырдаалды талдоону кыйындатууда, Баку менен Еревандын кандай гана расмий билдирүүсү болбосун шек жаратпай койбойт. Аскерий баяндамачы Александр Хроленко бул сапар жаңжалдын алкагында "алоолонгон" маалымат согушуна сереп салды.

Согуштук аракеттер тутанган сентябрь ичиндеги бир нече күнүндө эле шектүү сандар, фактылар, бүдөмүк эпизоддор өтө көп болуп кетти. Мисалга, Армениянын Коргоо министрлигинин маалыматы боюнча, 49 азербайжандык учкучсуз учак атып түшүрүлүп, бирок бир гана аппараттын сыныктарынын сүрөттөрү жарыяланган.

Путин, Трамп жана Макрон Карабах боюнча билдирүү даярдашты

Өз кезегинде Азербайжандын Коргоо министрлиги армениялык 18 учкучсуз аппарат атып түшүрүлүп, 80 танк жана ички курамдын бүтүндөй полку (эки миңдин тегерегиндеги киши) жок кылынганын маалымдаган.

Армения жана Азербайжан таанылбаган Тоолуу Карабах Республикасынын аймагындагы согуштук-саясий олку-солкулуктун өткөн он жылдыгында болгону 20 чакты учкучсуз аппаратынан айрылышкан.

Фронт боюнча позициясы бир топ чакырымга созулган армян полкун ыкчам жок кылуу үчүн жапырт жабыркатуучу курал талап кылынат. Ал ортодо Армениянын Коргоо министрлиги 790 азербайжан жоокери жок кылынгандыгы боюнча кабарлады.

Эгер ушундай жоготууларга дуушар болгондору анык болсо, анда мындай ыргак менен эки армия тең кышка жетпейт. Эске салсак, мобилизациялоого дейре Азербайжандын 65 миңден 125 миңге чейинки жоокери болгон. Армения жана таанылбаган Тоолуу Карабахтын 65 миңге чейинки аскер кызматкери бар.

Карабахтагы абал жана учкучсуздарды пайдалануунун "сириялык" тажрыйбасы

Су-25 чабуулчусуна каршы F-16 истребители

Армениянын Коргоо министрлиги 29-сентябрда түрк Аскердик аба күчтөрүнүн F-16 истребители азербайжандык Гянжа аэродромунан абага көтөрүлүп, Варденис районунда армениялык Су-25 штурмовигин атып түшүргөн.

Учкуч майор Валерий Данелин набыт болгон. Учактын сыныктарынын сүрөттөрү жарыяланган, бирок андан кырсыктын себептерин аныкташ татаал. Армениянын аскердик мекемеси согуштук аракеттерге түркиялык күчтөрдүн катышынын дагы толук далилдерин көрсөтүүнү убада кылууда.

Азербайжан жана Түркия ал сокку туурасында маалыматты четке кагууда. Баку согуштук авиацияны пайдаланбагандыгын айтууда. Президенттин жардамчысы Хикмет Гажиевдин маалыматына таянсак, армениялык эки Су-25 тоого барып урунган. Армения жана башка мамлекеттерде аба шарттарынан улам көрүнбөгөн учурларда мындай кырсыктар болуп келет.

Учак техникалык жактан эскилиги жетип же армениялык абадан коргонуу каражаттарынан капыстан тийген октон кулаган болушу да ыктымал. Эгер армениялык Су-25 душман тарабынан атып түшүрүлсө, республиканын Коргоо министрлигинин адистери түркиялык F-16 истребителинин учушун кантип көрүштү? Эмнеге жок дегенде Гянжада жайгашкан аэродромго сокку менен жооп кайтарган эмес? Булардын баары түкшүмөл ойлорго түртөт.

Тоолуу Карабах: дүйнө бул чатакка кандай карап, ким отко май чачып жатат. Видео

Армениянын премьер-министри Никол Пашинян 30-сентябрдагы журналисттер менен жолугушуусунда Азербайжанга (жана F-16га) каршы Су-30СМ жана ОТРК "Искандер" истребителдерин колдонуу мүмкүнчүлүгү жөнүндө түз жооп берүүдөн качты.

Россия жана дүйнөлүк коомчулуктун көп өлкөлөрү Баку менен Ереванды окту тезинен токтотууга чакырууда. РФ президенти Владимир Путин 29-сентябрда армениялык премьер-министр Никол Пашинян менен болгон сүйлөшүүсүндө жаңжал чыккан аймактагы согуштук аракеттерге тынчсызданганын билдирип, куралдуу тирешти токтотуу керектигине басым жасады. Зарыл болсо РФ президенти Владимир Путин азербайжандык кесиптеши Ильхам Алиев менен да сүйлөшмөкчү.

47
Белгилер:
Аскер, курал-жарак, Россия, Азербайжан, Армения, Тоолуу Карабах
Тема:
Тоолуу Карабахтагы жаңжал
Тема боюнча
Тоолуу Карабах: дүйнө бул чатакка кандай карап, ким отко май чачып жатат. Видео
Путин, Трамп жана Макрон Карабах боюнча билдирүү даярдашты

Бишкекте унаадан акча, баалуу буюм уурдаганга шектүүлөр кармалды. Видео

127
(жаңыланган 20:55 01.10.2020)
Укук коргоо органдарынын маалыматына ылайык, шектүүлөр токтотулган унааларды аңдып уурулук кылышкан.

Бишкекте токтотулган унаалардын ичинен акча, баалуу буюмдарды уурдап жүргөн топту милиция колго түшүрдү. Бул тууралуу Ички иштер министрлигинин маалымат кызматы билдирди.

Окуяга байланышкан видео ИИМдин расмий YouTube каналына жарыяланган.

26-сентябрда Ленин райондук милициясына К.Г. аттуу жаран кайрылган. Ал ошол күнү саат 18:00дөр чамасында белгисиз бирөөлөр Ахунбаев жана Шота Руставели көчөлөрүнүн кесилишинде турган Toyota Camry унаасынан баалуу буюмдарды жана акчаны уурдап кеткенин айткан.

“Шектүүлөр унаанын капталдагы терезесин талкалап, салондон 700 доллары бар баштык менен 1 500 доллар турган MacBook буюмун уурдап кетишкен”, — деп айтылат билдирүүдө.

Бир ай мурда да ушуга окшогон уурулук кылмышы катталган.

  • 29-августта шектүүлөр Mercedes-Benz CLS унаасынын капталдагы терезесин талкалап, 500 доллар жана 3 000 сом акчасы бар баштыкты алып кетишкен.
  • 29-сентябрда бул кылмыштарды жасаган деп шектелип, "Шумкар" атайын аскеринин жардамы менен төмөнкү жарандар кармалды:
  • 30 жаштагы Б. А., адам өлтүрүү, уурулук жана тоноо кылмышы менен мурда үч жолу соттолгон. Мындан сырткары, ал абактан качканы үчүн издөөдө экени аныкталган;
  • 28 жаштагы М. Э. буга чейин уурулук боюнча эки жолу соттолгон;
  • 27 жаштагы Э. уулу А. буга чейин уурулук боюнча эки жолу соттолгон;
  • 25 жаштагы Ж. Ш. уурулук боюнча мурда эки жолу соттолгон.

Кыз зордуктап, баңгизат үчүн соттолгон. ИИМ элдик кыймылбыз дегендерди кармады

“Кармалгандар жогоруда айтылган эки кылмышка тең катыштыгы бар экени тастыкталды. Кармоо учурунда шектүүлөрдүн баары баңги зат чегип алган абалда болгон. Алардын 5-кичи райондо ижарага алып жашап жаткан батири тинтүүгө алынып, мыйзамсыз баңги заттар сакталганы аныкталды. Үч литрлик банкаларга жана желим бөтөлкөлөргө сакталган кара куурай жыты бар зат табылган. Алардын салмагы 4 килограмм 280 граммды түзөт”, — деп айтылат милициянын билдирүүсүндө.

Кармалгандар ушул сыяктуу дагы башка кылмыштарга тиешеси бар же жок экендиги боюнча иликтөө уланууда.

ИИМдин Криминалдык милиция кызматы кармалгандар боюнча кандайдыр бир маалымат билген же алардан жабыр тарткан жарандарга кайрылып, (0312) 26-62-61 телефон номери аркылуу милицияга билдирип коюуну өтүнөт.

127
Белгилер:
Кыргызстан, Бишкек, тоноо, кылмыш, кармоо
Тема боюнча
Ишкерди карактады деген шектүүнү спецназ кафеден кармады. Бишкектеги видео
Тышкы иштер министри Чыңгыз Айдарбеков

Айдарбеков Улуу жана Кичи Памирдеги кыргыздар боюнча афган кесиптеши менен сүйлөштү

0
Боордошторго байланышкан долбоорлордон тышкары эки аткаминер инфратүзүмдүк долбоорлорду жана региондук интеграцияларды мындан ары өнүктүрүүнүн көрүнүштөрү тууралуу пикир алмашышкан.

БИШКЕК, 1-окт. — Sputnik. Тышкы иштер министри Чыңгыз Айдарбеков афганистандык кесиптеши Мохаммад Ханиф Атмар менен видеобайланыш аркылуу сүйлөшкөнүн ТИМдин маалымат кызматы билдирди.

Сүйлөшүүнүн жүрүшүндө кыргыз-афган мамилелеринин күн тартибинин актуалдуу маселелери, анын ичинде Улуу жана Кичи Памирдеги афган кыргыздарын колдоо боюнча долбоорлор талкууланды. Андан тышкары, тараптар инфратүзүмдүк долбоорлорду жана региондук интеграцияларды мындан ары өнүктүрүүнүн көрүнүштөрү тууралуу пикир алмашышты.

ТИМ: Вандык кыргыздар Түркиядагы Кыргызстандын элчисине ыраазычылык билдирди

Айдарбеков 2020-жылдын сентябрында Доха шаарында башталган элдешүү процессин колдой турганын, ошондой эле Афганистанда тынчтыктын орношу үчүн жана бүтүндөй региондук коопсуздукту бекемдөө максатында ал процесстин ишке ашарына үмүт артарын билдирди.

0
Белгилер:
мамиле, Афганистан, Чыңгыз Айдарбеков, Памир кыргыздары
Тема боюнча
Бутумду кучактап "кыргызга салам айт" деп ыйлаган кандаш. Афганчылардын баяны