Туткунга алынган аскер. Архивдик сүрөт

Депутат Мадеминов: Кой-Ташта туткунга алынган аскерлер бошотулду

820
(жаңыланган 16:49 08.08.2019)
Алты аскер Атамбаевдин үйүнүн ичинде туткунда кармалып турган болчу.

БИШКЕК, 8-авг. — Sputnik. Жогорку Кеңештин кезексиз жыйынында депутат Мурадил Мадеминов Кой-Ташта туткунга алынган спецназ аскерлери бошотулганын билдирди.

Кечээ, 7-августта, мурдагы президент Алмазбек Атамбаевди кармап келүү үчүн атайын даярдыктагы аскерлер Кой-Таштагы үйүн басып киришкен. Ошол учурда Атамбаевдин тарапташтары 6 аскерди барымтага алып коё бербей жатканы кабарланган.

"Биз азыр эле сүйлөштүк, аскерлер аман-эсен Атамбаевдин үйүнөн чыгып кетишти", — деп УКМК башчысына кайрылды Мадеминов.

Эскерте кетсек, 7-августта УКМК Алмазбек Атамбаевди кармоо операциясын ишке ашырууга аракет кылып, атайын даярдыктагы бөлүмдүн жоокерлери Кой-Таштагы үйүн басып кирген. Натыйжада эл менен кагылышуу болуп, операция ишке ашпай калган. Атышуудан 50дөн ашык киши жабыркап, спецназдын бир жоокери каза тапкан.

820
Белгилер:
Күч түзүмдөрү, Алмазбек Атамбаев, жардам, депутат
Тема:
Атамбаевдин Кой-Таштагы үйүндөгү атайын операция (176)
Тема боюнча
УКМК төрагасы: жоокерлерге ок чыгарууга уруксат бербегениме өкүнөм
Курал менде гана бар болчу! Атамбаевдин эл алдына чыккан видеосу