Чүй облустук ИИББ башчысы Самат Курманкуловдун архивдик сүрөтү

Башына таш тийген Чүй ОИИББ башчысы Курманкулов эсине келе элек

303
(жаңыланган 11:50 10.08.2019)
Министрликтен Курманкулов күнү-түнү тажрыйбалуу дарыгерлер Сабырбек Жумабеков менен Миталип Мамытовдун көзөмөлүндө экендигин белгилешти.

БИШКЕК, 10-авг. — Sputnik. Мурдагы президент Алмазбек Атамбаевди кармоо учурунда жаракат алган Чүй облустук ИИББ башчысы Самат Курманкуловдун абалы оор бойдон калууда. Бул туурасында Саламаттыкты сактоо министрлигинин маалымат кызматынан кабарлашты.

Эске сала кетсек, Курманкулов 7-августта мурдагы президент Алмазбек Атамбаевди кармоо учурунда башына таш тийип, баш сөөгү жабыркап, мээси чайкалган. Ага Бишкектеги Травматология жана ортопедия илим изилдөө борборунда эки ирет операция жасалган

"Учурда анын абалы дагы деле оор. Жандандыруу бөлүмүндө, комада жатат. Жасалма дем алдыруу аппаратына туташтырылган", — деп айтылат маалыматта.

Министрликтен Курманкулов күнү-түнү тажрыйбалуу дарыгерлер Сабырбек Жумабеков менен Миталип Мамытовдун көзөмөлүндө экендигин белгилешти. Ошондой эле керектүү дарылануудан өтүп, дары-дармек менен камсыздалганын кошумчалашты.

Белгилей кетсек, 7-8-август күндөрү күч түзүмдөрү Алмазбек Атамбаевди Кой-Таш айылындагы үйүнөн алып кетүү үчүн атайын операция жүргүзгөн. Мурунку президенттин тарапташтары катуу каршылык көрсөтүп, ок атылган. Мунун кесепетинен спецназдын бир жоокери каза таап, 100гө чукул киши ар кандай жаракат алган.

Натыйжада Атамбаев жана анын жакын адамдары кармалды. Мындан сырткары, спецназ аскерлерин барымтага алган жана Бишкек шаарында массалык башаламандык уюштурууга шектелгендер колго түшүрүлүп, айрымдары күбө катары суракка чакырылууда.

303
Белгилер:
жаракат, таш, операция, милиция, Самат Курманкулов, Чүй ОИИББ, Кой-Таш
Тема:
Атамбаевдин Кой-Таштагы үйүндөгү атайын операция (180)
Тема боюнча
Атамбаевдин Кой-Таштагы үйү талап-тонолдубу? Милиция маалымат таратты
Кой-Таштагы жаалданган элдин ичинен уулун таппай... Жүрөк тилген видеорепортаж
Туристтик альянс: Кой-Таштагы окуядан кийин көлгө келүүдөн баш тарткандар арбыды
Чүй облусунда дайынсыз жоголгон 36 жаштагы Айгүл Жангирова

Чүйдө үч айдан бери дайынсыз болуп жаткан аял изделүүдө. Сүрөт

22
(жаңыланган 11:03 23.09.2020)
Аял 3-июнда Токмок шаарындагы үйүнөн чыккан бойдон кайтып келген эмес. Милиция сүрөттөрүн, өзгөчө белгилерин таратып, издеп жатат.

БИШКЕК, 23-сен. — Sputnik. Чүй облусунда дайынсыз жоголгон 36 жаштагы Айгүл Жангирова изделип жатат. Бул тууралуу облустук милиция кабарлады.

Жангирова  3-июнда Токмок шаарындагы үйүнөн чыккан бойдон кайтып келген эмес. Анын кайда экенин белгисиз.

Кыргызстандан АКШга барган аялдын табышмактуу жоголушу. Сот шектүү күйөөсүн актады

"Бою 160-165 сантиметр, чачы кара, кой көз. Сары түстүү көйнөк жана штапель шымчан, бутунда ак түстөгү илме бут кийим болгон", — деп айылат маалыматта.

Милиция Жангирова тууралуу көргөн-билгендер, маалымат уккандар болсо төмөнкү телефондорго: (0312) 60-73-63, (0709) 07-21-56, (0551) 10-27-53 билдирип коюуну өтүнөт.

22
Белгилер:
милиция, Чүй облусу, издөө, дайынсыздар
Тема боюнча
Үйүнөн автоунаа айдап чыккан 30 жаштагы жигит дайынсыз жоголду. Сүрөт
Үч жашар уулу менен дайынсыз болгон келинди милиция издеп жатат
Жол кырсыгынан жабыркаган унаа. Архив

Нарында Toyota менен Honda Stepwgn кагышып, үч адам каза тапты

79
(жаңыланган 09:49 23.09.2020)
Көз жумгандардан сырткары беш киши жабыркаган. Жаракат алгандардын арасында бир жана үч жаштагы балдар бар.

БИШКЕК, 23-сен. — Sputnik. Кечээ кечке жуук Нарын районундагы Эмгекчил айыл аймагынын жанынан Toyota Avensis менен Honda Stepwgn автоунаалары кагышып, үч адам каза болду. Бул туурасында ӨКМден кабарлашты.

Маалыматта 58 жана 38 жаштагы эки аял жана 44 жаштагы эркек кишинин ошол жерден жан бергени айтылган.

Алардан сырткары беш киши жабыркаган. Жаракат алгандардын арасында бир жана үч жаштагы балдар бар.

Жабыла чуркап сууруп чыгышты. Өрттөнгөн унаадагы кишилерди куткарган видео

Кырсык болгон жерге ӨКМдин куткаруучулары жана өрт өчүрүүчү бир бригада, Тез жардам барган.

Куткаруучулар маркумдардын сөөгүн кагышкан автоунаалардан чыгарып, Тез жардам кызматкерлерине өткөрүп беришкен. Жабыркаган адамдар облустук ооруканага, каза болгондордун сөөгү Нарын райондук ооруканасынын өлүк сактоочу жайына жеткирилген.

79
Белгилер:
өлүм, жол кырсык, Нарын облусу
Тема:
2020-жылдын башынан бери Кыргызстанда болгон жол кырсыктар
Тема боюнча
Оштогу автокырсыктан 10 киши жабыркады
Бишкек мэри Азиз Суракматов. Архивдик сүрөт

Тыңгылыктуу санариптеше албай жатабыз! Суракматов бир жетекчини кызматтан алды

0
(жаңыланган 11:26 23.09.2020)
Мэриянын маалымат кызматынан кабарлашкандай, Суракматов шаардык кызматтардын санариптешүүсү ойдогудай жүрбөй жатканына нааразы болгон.

БИШКЕК, 23-сен. — Sputnik. Бишкек мэри Азиз Суракматов ишмердүүлүгүнө нааразы болгон соң Шаар чарбачылыгы департаментинин жетекчиси Нурлан Касымов ээлеген кызматынан бошотулду. Бул тууралуу муниципалитеттен билдиришти.

Мэриянын маалымат кызматынан кабарлашкандай, Суракматов шаардык кызматтардын санариптешүүсү ойдогудай жүрбөй жатканына нааразы болгон.

Бишкектин вице-мэри Мирлан Амантуров кызматтан бошотулду

"Бишкекте эмдигиче бир дагы бирдиктүү санариптик продукт жок. Тургундардын кызматтарды пайдалануусунда көйгөйлөр көп. Ал эми муниципалдык кызматтарды пайдалануу "өзүнчө эле азап", — деген  Суракматов Шаар чарбачылыгы департаментинин жетекчиси Нурлан Касымовго кызматтан кетүүсүн сунуштаган.

Мындан улам Касымов  ээлеген кызматынан бошотулуп, жетекчинин убактылуу милдетин аткаруучу болуп орун басары Максат Шеримбаев дайындалды.

0
Белгилер:
көйгөй, санариптешүү, мэрия, Азиз Суракматов, Бишкек
Тема боюнча
Алдыда оор сыноо күтүп турат, чыдамдуу бололу. Суракматов шаардыктарга кайрылды
Бишкек мэриясы эреже бузган кафе-ресторан ээлерин жоопко тартат