КСДП желеги. Архивдик сүрөт

КСДП өкүлдөрү Алга Кылычев менен Амантур Жамгырчиев кармалды

375
(жаңыланган 12:06 10.08.2019)
Кой-Таштагы окуя боюнча Атамбаевдин тарапташтары суракка чакырылууда.

БИШКЕК, 10-авг. — Sputnik. УКМК кызматкерлерин барымтага алуу жана массалык башаламандыкты уюштурууга шектелип КСДП штабынын өкүлдөрү Алга Кылычев менен Амантур Жамгырчиев кармалды. Бул туурасында ИИМдин маалымат кызматы кабарлады.

Билдирүүгө ылайык, ИИМдин Тергөө кызматы Кой-Таштагы окуялар боюнча сотко чейинки өндүрүштүн алкагында мурдагы президент Алмазбек Атамбаевдин бир нече тарапташын суракка чакырып жатат. Ал эми Кылычев менен Жамгырчиев Бишкек ШИИБдин убактылуу кармоочу жайына киргизилди.

Белгилей кетсек, кечээ, 9-августта, Кой-Таштагы окуялар боюнча Атамбаевдин үзөңгүлөштөрү — Жогорку Кеңештин депутаттары Ирина Карамушкина, Асел Кодуранова жана экс-депутаттар Равшан Жээнбеков, Мээрбек Мискенбаев суракка чакырылган. КСДП төрагасынын орун басары Фарид Ниязов Бишкек ШИИБдин убактылуу кармоочу жайына киргизилген. Алмазбек Атамбаев болсо 26-августка чейин УКМКнын тергөө абагына камалды.

Ал эми мурдагы президентке таандык "Медиа-Форум" АК жана "Апрель ТВ" телеканалынын мүлкү камакка алынган. Мындан улам аталган телеканал ишин токтотту.

375
Белгилер:
барымта, УКМК, камоо, кармоо, ИИМ
Тема:
Атамбаевдин Кой-Таштагы үйүндөгү атайын операция (176)
Тема боюнча
Атамбаев кайсы берене менен шектелип жатат? Соттун түшүндүрмөсү
Кундуз Жолдубаева бошотулду. Ал кайсы иш боюнча сурак берген?
Атамбаевдин УКМКдагы бет маңдай, капталынан тартылган сүрөтү тарады
Депутат Чыныбай Турсунбеков

Депутаттар ЖКнын экс-спикери Чыныбай Турсунбековдун каза болгонун айтууда

300
(жаңыланган 01:12 07.07.2020)
Чыныбай Турсунбеков 60 жашта. Буга чейин ал пневмония оорусуна чалдыгып ооруканада жатканы айтылган.

БИШКЕК, 7-июл. — Sputnik. Жогорку Кеңештин депутаты Чыныбай Турсунбеков каза болду  деген маалыматтарды бир катар ЖМКлар, ЖКнын бир нече депутаттары социалдык тармакка жазышты. Ал эми ЖКнын маалымат кызматынын жетекчиси Ибраим Нуракун уулу  журналисттер жана башкаларды сабырдуулукка чакырып, маалыматтын тастыктала электигин айтты.

“Чыныбай Акунович... Бейиштен орун берсин. Жакындарына көңүл айтам. Дагы бир мыкты инсан арабыздан кетти..., — деп жазды депутат Кожобек Рыспаев.

Эльвира Сурабалдиева жана Дастан Бекешев да социалдык тармакта көңүл айтты.

"Ата Мекен" партиясынын лидери Өмүрбек Текебаевдин айтымында, Турсунбеков Бишкектеги Улуттук госпиталдын тез жардам терапия бөлүмүндө көз жумган.

Чыныбай Турсунбеков 57 жашта! Белгилүү саясий ишмер тууралуу 9 факты

Турсунбеков буга чейин пневмония оорусуна чалдыгып, абалы оор экенин айрым ЖМКлар жазышкан.

"Депутат жакынкы күндөрү өпкөнү жасалма дем алдыруучу аппаратынан чыгып, үйүнөн дарыланууга уруксат берилиши күтүлүүдө. Жалпы абалы жакшы жана стабилдүү. Алдын ала диагнозу пневмония. Коронавируска карата ПЦР-тести таза чыккан", — деп жазган эле Нуракун уулу.

Чыныбай Турсунбеков 60 жашта эле, Жогорку Кеңештин VI чакырылышынын төрагасы болуп иштеген.

300
Белгилер:
пневмония, өлүм, депутат, Чыныбай Турсунбеков
Тема:
Кыргызстандагы коронавирус жуктуруп алгандар
Тема боюнча
Белгилүү журналист Бүбүкан Досалиева дүйнө салды
Алмамбет Шыкмаматовдун жубайы Жанара Турдакунова пневмониядан каза болду
Баткен облусунда Исфана — Сулюкта жолунда тоолор. Архив

Сүлүктүдө жер көчүп, автоунаа жолун тосуп калды. Видео

95
(жаңыланган 23:33 06.07.2020)
Жолду тазалоо үчүн бир жүктөгүч, эки самосвал тартылып, бир тараптуу ачылган. Тазалоо иши эртең дагы улантылат.

БИШКЕК, 6-июл. — Sputnik. Баткен облусунун Сүлүктү шаарында жер көчүп, автоунаа каттаган чоң жолду тосуп калды. Бул тууралуу Өзгөчө кырдаалдар министрлигинин маалымат кызматы кабарлады.

Билдирмеге караганда, бүгүн саат 17:40 чамасында Кызыл-Бел тилкесинде болжол менен 1000 метр куб жер сүрүлүп, жолду бөгөп салган. Жабыркаган адамдар жок.

Бир үй-бүлөдөн эле... Сүлүктү шахтасындагы төрт кишинин өлүмүнүн чоо-жайы

Жолду тазалоо үчүн Кытайдын жол куруучу компаниясынан бир жүктөгүч, эки самосвал тартылып, бир тараптуу ачылган. Кеч киргендигине байланыштуу саат 20:20да тазалоо иш-чаралары убактылуу токтотулган. Иштин эртең дагы улантылары айтылат.

95
Белгилер:
тазалоо, жол тосуу, автоунаа, Жер көчкү
Тема боюнча
Адам өмүрүн эмес, сөөгүн сактап калган учурлар болот. Куткаруучунун маеги
Жыл башынан бери 35 адам сууга чөктү. Өкмөт коңгуроо кагууда