Бишкекте башаламандык. Архивдик сүрөт

Бишкекте башаламандык уюштурду деп беш киши камакка алынды

473
(жаңыланган 21:50 10.08.2019)
9-августка караган түнү милиция кызматкерлери борбор калаанын чок ортосунда ызы-чуу салгандарды кубалаган.

БИШКЕК, 10-авг. — Sputnik. Биринчи Май райондук соту борбордо башаламандык уюштурду деген беш адамдын баш коргоо чарасын тандады.

Бүгүн, 10-августта, сот аларды 9-октябарга чейин тергөө абагына киргизди. Камакка алынгандар Кылмыш-жаза кодексинин 266-беренеси ("Бейбаштык") боюнча айыпталууда.

Белгилей кетсек, мурунку президент Алмазбек Атамбаевди кармоо операциясы 7-августта башталып, максатына жеткен эмес. УКМКнын атайын даярдыктагы бөлүмүнүн аскерлерине Атамбаевдин тарапташтары катуу каршылык көрсөтүп, ок атылган. Натыйжада спецназдын бир жоокери каза таап, 100дөн ашуун киши жаракат алган.

Атамбаев 8-август күнү кечинде сүйлөшүүлөрдөн кийин милиция кызматкерлерине багынып берген. Биринчи Май райондук соту анын баш коргоо чарасын тандап, 26-августка чейин камакта калтырды.

9-августка караган түнү борбор калаанын чок ортосуна чогулган 1500дөй адам башаламандык кылгысы келген. Алар бир нече ирет Жогорку Кеңешке, соода борборлоруна жана дүкөндөргө кирүүгө аракет кылышкан. Мындан тышкары, жолдорду тосуп, элдин тынчын алып, жай тургундар менен журналисттерге тоскоолдук жараткан. Натыйжада милиция 40 кишини кармаган.

473
Белгилер:
сот, башаламандык, камак, Бишкек
Тема:
Атамбаевдин Кой-Таштагы үйүндөгү атайын операция (176)
Тема боюнча
Ташка алып, жаалданган эл. Көк-Жарда жол бууган милициянын сүрүлүп чыккан видеосу
Фарид Ниязов эки айга камакка алынды

Милициянын Кочкор-Атада кылмыштуу топтун 11 мүчөсүн кармаган видеосу

334
(жаңыланган 15:07 26.05.2020)
Жалал-Абад облустук ИИБдин жана Ноокен райондук милициясынын Уюшкан кылмыштуулукка каршы күрөшүү бөлүмү УКМКнын аймактык кызматкерлери менен биргеликте Кочкор-Ата шаарындагы кафелердин биринен уюшкан кылмыштуу топтун 11 мүчөсүн кармаган.

Бул туурасында Жалал-Абад ОИИБдин маалымат кызматы кабарлады.

Маалыматта алардын Ноокен районунун Кочкор-Ата шаарында криминалдык чөйрөдөгү "авторитеттердин" жыйынына чогулган учурда колго түшүрүлгөнү айтылат.

Алардын ичинен эки адамдын үстүнөн 19-мартта башка жарандан арыз түшкөн. Арызданган киши опузалап акча талап кылуу фактысы болгонун айтып, чара көрүүнү суранып кайрылган. Ал иш боюнча топтолгон материал Жалал-Абад ОИИБдин Кылмыш жана жоруктардын бирдиктүү реестрине катталып, Жазык кодексинин 203-беренесинин негизинде ("Опузалап талап кылуу") сотко чейинки өндүрүш иши башталган.

Иликтөө иштери алардын ким экендигин тактап чыккан. Бири Базар-Коргон районунун 26 жаштагы Ж. у М. аттуу тургуну экени, анын мурда бир нече ирет соттолгону аныкталган. Буга кошумча, кылмыштуу топтун ишин колдоп, аталган аймакта "положенец" болуп шайлангандыгы такталган.

Экинчиси, З.И. да аталган райондун жашоочусу болуп чыккан.

"Аталган кылмыш иши боюнча шектүү Ж. у М. өзүнүн жүргөн жерин жашырып, жашаган жерин өзгөртүп тергөөгө келбей, тоскоолдук жаратып качып жүргөн", — деп айтылат маалыматта.

Орган кызматкерлери аларды өздөрүнүн тобунун жыйынына келгенде колго түшүрүүнү чечкен.

Кочкор-Ата шаарындагы Ош — Бишкек автожолунун боюнда жайгашкан ашканалардын биринде аталган жыйын учурунда Ж. у М. жана З.И. кармалган. Алар менен кошо ошол жыйынга келген ыкчам кызыкчылык жараткан 9 (тогуз) атуул Жалал-Абад облустук милициясына жеткирилип, аты-жөнү такталып, манжа издери алынып, түшүндүрүү жана алдын алуу иштери жүргүзүлүп кайра коё берилген.

Маалыматта алардын да мурда соттолуп, учурда уюшкан кылмыштуу топтун активдүү мүчөлөрү катарында ИИМдин каттоосунда тургандар экени айтылды. Кармалгандардын эң улуусу 56, кичүүсү 25 жашта болуп чыкты.

Ал эми жогорудагы айтылган эки шектүү жаран кармалган ошол эле күнү, 22-майда, Жалал-Абад шаардык милициясынын убактылуу кармоо жайына киргизилген.

Бирок эки күн өтпөй Жалал-Абад шаардык сотунун тергөө судьясы аларды үй камагына чыгарып жиберген.

"24-май күнү Жазык кодексинин 203-беренесинин ("Опузалап талап кылуу") негизинде тергелип жаткан шектүүлөр Жалал-Абад шаардык сотунун тергөө судьясы тарабынан үй камагына чыгарылган", — деп айтылат маалыматта.

Учурда аталган сотко чейинки өндүрүш ишинин алкагында тергөө иштери улантылып жатканы белгиленди.

334
Белгилер:
тергөө, кармоо, опузалоо, топ, киберкылмыштуулук, Жалал-Абад, Кыргызстан
Тема боюнча
ИИМ: кыргызстандыктар менен бирге Европага героин ташыган чет элдиктер кармалды
Көлбаевдин кылмыштуу тобундагы "Чач" кармалды. Видео
Казакстандын жол кызматынын полиция кызматкерлери. Архив

Алматы: блокпостту сүзгөн айдоочу полициянын мурдагы кызматкери болуп чыкты

86
(жаңыланган 11:42 26.05.2020)
Блокпостту сүзгөн айдоочу алты жыл полицияда иштеп, начар кызмат өтөгөндүктөн, жумушунан кол жууганы маалым болду.

БИШКЕК, 26-май — Sputnik. Казакстандын Алматы шаарында жүрөк үшүн алган жол кырсыгына себепчи болгон айдоочу мурдагы полиция кызматкери экени аныкталды. Бул тууралуу Sputnik Казакстан агенттигинин Telegram каналы маалымдады.

Эске салсак, кечээ, 25-майда, 26 жаштагы айдоочу (буга чейин 28 жаш деп айтылган) блокпостту сүзүп, анын кесепетинен эки полиция кызматкери көз жуумп, үчүнчүсү оор абалда ооруканага түшкөн. Полициянын айтымында, ал мас болгон.

"Блокпостту сүзгөн мас айдоочу алты жыл полицияда иштеп, начар кызмат өтөгөндүктөн, жумушунан кол жууган. Ага төрт жолу дисциплинардык чара көрүлгөн. Кылмышка шектүү 15 жылдан 20 жылга чейин эркинен ажыратылат же өмүр бою абакка кесилет",— деп айтылат маалыматта.

Каза болгон автоинспектордун бири, 42 жаштагы Жарас Жангазиевдин артында эки кызы калды. Ал ички иштер органдарында 20 жылдай кызмат өтөгөн.

Кырсыктын курмандыгы болгон экинчи жаран, полициянын сержанты Дастан Абдыканов 26 гана жашта  болгон. Төрт жыл ички иштер органдарында кызмат өтөгөн. Анын үй-бүлөлүү экени, бир ай мурда эле кыздуу болгону айтылды.

86
Белгилер:
кырсык, полиция, айдоочу, блокпост, Алматы, Казакстан
Тема боюнча
Ош—Бишкек жолундагы автокырсык: каза тапкан айдоочу бир үйдүн жалгыз уулу болгон
Жогорку Кеңештин депутаты Жанар Акаев. Архив

Прокуратура: Акаев аткарылган иштин жыйынтыгын өзүнө энчилеп алуу ниетинде

0
(жаңыланган 18:20 26.05.2020)
Башкы прокуратурадан Жанар Акаевдин  радио жыштыктарды калыбына келтирүүнүн мыйзамдуу иштерине эч кандай тиешеси жок деген билдирүү таратты.

БИШКЕК, 26-май — Sputnik. Жогорку Кеңештин депутаты Жанар Акаев укук коргоо органдарынын коррупцияга каршы жасаган иштеринин жыйынтыгын өзүнө ыйгарып алууну көздөп жатат. Бул тууралуу Башкы прокуратуранын маалымат кызматынан кабарлашты.

Мекеме эл өкүлүнүн берген маегине реакция кылган. Депутат 20-майда ЖКнын жалпы жыйынында "Скай Мобайл" жоопкерчилиги чектелген коомуна 200 мегагерц радио жыштыкты берген Мамлекеттик байланыш агенттигинин буйруктары жокко чыгарылып, мамлекетке беш миллион сом төлөй тургандыгын билдирген.

"Жанар Акаевдин мындай билдирүүлөрү чындыкка дал келбейт. Буга чейин кабарлангандай, Мамлекеттик байланыш агенттигинин, УКМКнын жогорку кызматтагы айрым адамдары жеке компания менен ич ара сүйлөшүп алып коррупцияга аралашкандыгы боюнча факты 2020-жылдын 7-апрелинде эле катталган", — деп жазылган мекеменин маалыматында.

Башкы прокуратура мыйзам бузууну жоюу сунушун 20-апрелде эле, башкача айтканда, депутат Жанар Акаевдин билдирүүсүнөн бир ай мурун киргизген. Жыйынтыгында радио жыштыктын технологиялык колдонушун өзгөртүү боюнча лицензияны кайра каттоого аракет кылынган мыйзамсыз буйруктар 24-апрелде жокко чыгарылган.

"Жанар Акаев жыштыкты мыйзамдуу кайтарып алуу, Мамлекеттик байланыш агенттигинин айрым мыйзамсыз чечимдерин жокко чыгарууга эч тиешеси жок. Ал укук коргоо органдарынын ишинин жыйынтыгын өзүнө энчилеп алгысы бар. Учурда тергөө мамлекетке келтирилген материалдык зыяндын көлөмүн эсептеп, аны казынага кайтарып алуу аракеттерин көрүп жатат. Депутат Акаевди өзүнүн билдирүүлөрүндө так сүйлөп, коомчулукка туура маалымат берүүгө чакырабыз", — деп жазылган маалыматта.

Буга чейин эл өкүлү Жанар Акаев парламентте азыркы өкмөт мамлекеттик жыштыктарды сатуудан бюджетке 5 миллиард сом зыян келтиргенин айтып, ага премьер-министрдин тиешеси бар экендигин билдирген.

Ал эми өкмөт башчы Мухаммедкалый Абылгазиев билдирүү негизсиз деп жооп берген.

Эске сала кетсек, Байланыш боюнча мамлекеттик агенттиктин мурдагы директору Наталья Черногубова уюлдук оператордун бири жана Маалыматтык технологиялар комитетинин кызматкерлери менен тымызын сүйлөшүү жүргүзгөн деген шек менен 12-майда кармалган.

0
Белгилер:
Жанар Акаев, прокуратура, жыштык, Кыргызстан
Тема боюнча
БШК Масалиевди депутаттык мандатынан ажыратты
Финпол Кубанычбек Жумалиевге тиешелүү мүлктү иликтеп чыкканын айтты