Сейф. Архивдик сүрөт

Салык кызматы ишкерлер жашырып койгон 251 миң сомду тапты

319
Салыкчылар Бишкекте үч күндүк рейд жүргүзгөн.

БИШКЕК, 11-авг. — Sputnik. Мамлекеттик салык кызматы Бишкек шаарында үч күндүк рейд жүргүзүп, салыктан качкан 19 субъектини тапты. Бул туурасында аталган ведомствонун маалымат кызматы билдирди.

Салыктык контролдун натыйжасында бильярд клубунда, мончо, сауна, сулуулук салону, унаа жуучу жайларда, алмаштыруу бюролордо жана стоматологияда кызмат көрсөткөн бир катар субъектилердин салык мыйзамын бузгандыгы аныкталды.

"68 субъекти текшерүүгө алынып, анын 19унда 250,8 миң сомго ар кандай салык мыйзамы бузулганы аныкталган. Анын ичинде милдеттүү патенттин жоктугу жана төмөндөтүлгөнү белгилүү болду. Ошондой эле ишкерлик чөйрөсүндө эмгектенген 49 жалданма кызматкердин патенти жок болуп чыкты", — деп айтылат маалыматта.

Ушул сыяктуу рейддик иш-чаралар жалпы республика боюнча туруктуу негизде жүргүзүлүп жатканы белгиленет.

319
Белгилер:
патент, ишкер, текшерүү, мыйзам бузуулар, рейд
Тема боюнча
Жашырып коюшкан. Салык кызматы текшерүүдөн кийин 7,7 млрд. сом тапты
Кармалган киши кишенчен. Архив

Бука сатып берем деген. Ошто элди 1,5 млн. сомго алдап кеткен адам кармалды

58
(жаңыланган 13:55 27.11.2020)
Элди алдап жүргөн адам Аравандын Кайрагач-Арык айылынын 38 жаштагы тургуну болуп чыкты. Учурда ал Араван РИИБинин убактылуу кармоочу жайында.

БИШКЕК, 27-ноя. — Sputnik. Ош облусунун Араван районунда жашоочулардан ири өлчөмдөгү акча алып, бербей качып жүргөн адам кармалды. Бул тууралуу Ош облустук ички иштер башкармалыгынын маалымат катчысы Жеңиш Аширбаев билдирди.

Анын айтымында, милицияга Ош облусунун жана Ош шаарынын жети тургуну арыз менен кайрылган. Алар Аравандын К.Г. аттуу тургуну багылган букаларын сатып, акчасын берем деп алдап, качып жүргөнүн билдиришкен.

Жалпы келтирилген чыгым 1 миллион 558 миң 800 сомду түзгөн.

"Аталган арыз боюнча ыкчам-иликтөө иштери жүрүп, жыйынтыгында Аравандын Кайрагач-Арык айылынын 38 жаштагы К.Г. аттуу тургуну кармалды. Ал Ош облусунда адамдардын ишеничине кирип, алдамчылык менен алектенип жүргөн", — деди Ашырбаев.

Колго түшүрүлгөн киши Араван РИИБинин убактылуу кармоочу жайына киргизилген. Азыркы учурда тергөө амалдары жүргүзүлүп жатканы айтылды.

58
Белгилер:
милиция, арыз, мал, алдамчылык, Араван району, Ош
Тема боюнча
Ошто тепкичтен автоунаа менен чыккан адам мурдагы милиционер экени такталды. Видео
 Президенттин Жогорку Кеңештеги өкүлү, президенттик аппараттын жетекчисинин орун басары рангындагы Курманбек Дыйканбаев. Архивдик сүрөт

Президенттин ЖКдагы өкүлү Курманбек Дыйканбаев эки айга камалды

60
(жаңыланган 13:01 27.11.2020)
Дыйканбаев парламенттик шайлоо маалында мамлекеттик ишкананын жетекчисин коркутуп, андан 7 миллион сом алган деп айыпталууда.

БИШКЕК, 27-ноя. — Sputnik. Президенттин Жогорку Кеңештеги өкүлү, президенттик аппараттын жетекчисинин орун басары рангындагы Курманбек Дыйканбаев эки айга УКМКнын тергөө абагына киргизилди. Бул тууралуу Биринчи май райондук сотунун маалымат кызматы кабарлады.

Дыйканбаевдин баш коргоо чарасы кечээ, 26-ноябрда, аталган сотто тандалган. Ага ылайык, кийинки жылдын 24-январына чейин тергөө абагына киргизүү чечими кабыл алынган болчу.

Курманбек Дыйканбаев кызматтык абалынан кыянаттык менен пайдалануу беренеси менен айыпталууда. УКМКнын билдиришинче, ал октябрдагы парламенттик шайлоо өнөктүгү маалында стратегиялык маанидеги мамлекеттик ишкананын башчысын бир партиянын кызыкчылыгы үчүн 7 миллион сом берүүгө мажбурлаган. Эгер баш тарта турган болсо, кызматтан кетирерин айтып коркутканы тергөөдө аныкталган.

60
Белгилер:
тергөө абагы, тергөө, сот, Курманбек Дыйканбаев
Тема боюнча
Соцфонддун төрагасы Медер Ирсалиев эки айга тергөө абагына камалды
Диего Марадонанын таблодогу сүрөтү. Архив

Өз тажиямда эмне дээр элем... Марадонанын эски видеосу желдей тарады

0
(жаңыланган 16:39 27.11.2020)
Диего Марадонанын каза болгону тууралуу кабар 25-ноябрда айтылган. XX кылымдын мыкты футболчуларынын бири жүрөк кемтигинен каза болду.

БИШКЕК, 27-ноя. — Sputnik. Соцтармакта Диего Марадонанын өзүнүн акыркы сапарга узоо зыйнатында эмне деп айткысы келмектиги боюнча суроого жооп берген видеосу вирустай тарап жатат.

"Чемпионаттын" маалыматына караганда, бул 2005-жылы аргентиналык теле берүүгө чыккан La noche del 10 берүүсүнүн үзүндүсү.

"Өзүмдүн акыркы сапарга узаган зыйнатымда эмне деп айткым келер эле... Футбол ойногонума рахмат. Бул спорт мага кубаныч жана эркиндик берди. Асманды колуңа кармап тургандай эле сезим. Топко дагы рахмат. Табытыма "топко рахмат" деп жазып койгула", — деген Марадона.

Видео Bolavip Facebook аккаунтуна жарыяланды.

Диего Марадонанын каза болгону тууралуу кабар 25-ноябрда тараган. XX кылымдын мыкты футболчуларынын бири жүрөк кемтигинен каза болгон.

0
Белгилер:
футболчу, топ, Диего Марадона
Тема боюнча
Футбол, бокс, кокаин. КР калысына рахмат айткан Марадона тууралуу фактылар