Ысык-Көл. Архив

Ысык-Көлдө бир күндө төрт киши чөгүп кетти

505
Каргашанын баары 10-августта болгон.

БИШКЕК, 11-авг. — Sputnik. Көлгө бир күндө төрт киши чөгүп кетти. Бул тууралуу Ысык-Көл райондук милициясынан кабарлашты.

Ага ылайык, окуя 10-августта болгон.

Бостери айылында жайгашкан пляждагы сууга жаш бала чөгүп кеткени тууралуу билдирүү саат 13:45те келип түшкөн. Кырсык болгон жерге келген куткаруучулар 12 жаштагы бала чөгүп кеткенин аныкташкан. Бир туугандары менен Бишкектен 10-август күнү эс алганы келгени белгилүү болгон.

Кийинки окуя Чолпон-Ата шаарындагы "Шаардык" эс алуу жайында болгон. Саат 14:15те милицияга кабар келген. Бишкек шаарынын 33 жаштагы тургуну менен 19 жаштагы тургуну көлгө түшүп жатканда толкун болуп, 33 жаштагы жаран жээкке чыкканга үлгүрүп, экинчиси үлгүрбөй калган.

"Окуя болгон жерге келген куткаруучулар көлдөн 19 жаштагы жарандын сөөгүн жарым сааттан соң таап алып чыгышкан. Учурда соттук-медициналык экспертиза дайындалды", — деп айтылат маалыматта.

Үчүнчү кырсык Кош-Көл айылында жайгашкан "Ак-Жол" эс алуу жайы менен "Дордой" эс алуу жайынын ортосунда болгон. 35 жаштагы киши сууга чөгүп кеткен. Ал Бишкектен 37 жаштагы аял менен чогуу эс алганы келген.

Төртүнчү каргаша кечки саат 16:00дөр чамасында "Бостери" пансионатында болгон. Маркум 30 жашта жана Талас облусунун Кара-Буура районунун тургуну экени аныкталган. Алдын ала маалымат боюнча, ал өзү жалгыз эле эс алганы келген.

505
Белгилер:
чөгүп кетүү, Ысык-Көл
Тема боюнча
Түшүүгө тыюу салынат! Чүйдөгү айрым көлмөлөргө белги коюла баштады
Рулду кармаган айдоочу. Архивдик сүрөт

Бишкекте кафеге кирип кеткен жолтандабастын айдоочусу изделүүдө

116
(жаңыланган 23:50 07.07.2020)
Веселая жана Салиева көчөлөрүнүн кесилишинде жолтандабас кафенин ичине кирип кеткен видео жарыяланган.

БИШКЕК, 7-июл. — Sputnik. Борбор калаада дубалды сүзүп, кафеге кирип кеткен жолтандабастын айдоочусу изделүүдө. Бул тууралуу Милициянын кайгуул кызматынан кабарлашты.

Эске салсак, бүгүн саат 15:45терде Веселая жана Салиева көчөлөрүнүн кесилишинде автоунаа кафенин ичине кирип кеткен видео жарыяланган. Алдын ала маалымат боюнча, автоунааны кыз башкарып бараткан.

Ылдамдыгы жүрөк түшүрөт! Жалал-Абадда кафени күү менен келип сүзгөн жолтандабастын видеосу

"Кырсык катталган жерден автоунаа айдоочусу из жашырып кеткен. Буга байланыштуу милициянын кайгуул кызматынын өздүк курамына багыттама берилип, издөө бөлүмүнө айдоочуну табуу тапшырылды", — деп айтылат билдирүүдө.

Кайгуул кызматы из жашырып кеткен айдоочу жоопкерчиликке тартыларын эскертти.

116
Белгилер:
кырсык, милиция, издөө, айдоочу, кафе, Бишкек
Тема боюнча
Бишкекте жөө адамды автоунаа коюп кетип, каза болуп калды
Комада жаткан ырчы Асел Кадырбекова көзүн ачып, эсине келе баштады
Ооруканадагы бейтап. Архивдик сүрөт

34 жашта эле... "Манас" аэропортунун мурдагы вице-президенти көз жумду

514
(жаңыланган 22:18 07.07.2020)
Илим Карыпбековдун айтымында, аэропорттун мурдагы аткаруучу директору Даир Токобаев пневмонияга кабылган. Ал 34 жашта болчу.

БИШКЕК, 7-июл. — Sputnik. "Манас" эл аралык аэропортунун мурдагы вице-президенти Даир Токобаев каза болду. Бул тууралуу анын мурдагы кесиптеши Илим Карыпбеков соцтармак аркылуу кабарлады.

Анын айтымында, Токобаев пневмонияга кабылган. Ал 34 жашта болчу.

Абалы кескин начарлап кеткен. Чыныбай Турсунбеков реанимацияда үзүлгөн

"Даир боорукер, акылдуу, өз ишин мыкты билген кесипкөй адам эле. Артында балдары калды. Ал пневмонияга кабылган. Абдан өкүнүчтүү, абдан! Жакындарына терең кайгыруу менен көңүл айтам", — деп жазган Карыпбеков.

Илим Карыпбеков өзү "Манас" эл аралык аэропортунда 2014-2015-жылдары аткаруучу директор болуп иштеген.

514
Белгилер:
пневмония, Кыргызстан
Тема:
Кыргызстандыктарды кыйнаган пневмония
Тема боюнча
Депутат Чыныбай Турсунбековдун сөөгү бүгүн жерге берилет
Алмамбет Шыкмаматовдун жубайы Жанара Турдакунова пневмониядан каза болду