Кой-Таш айылындыгы башаламандык. Архив

УКМК Кыргызстанда башаламандык болот деп аудио тараткан аялды тапты

907
Чагымчыл видеону тараткан адам чекисттердин түшүндүрүү иштеринен кийин кыргызстандыктардан кечирим сураган.

 

БИШКЕК, 21-авг. — Sputnik. УКМК WhatsApp мессенджери жана социалдык тармак аркылуу "Кыргызстанда башаламандык даярдалып жатат" деген билдирүүлөрдү тараткан адамды тапты. Бул туурасында атайын кызматтан билдиришти.

УКМКнын кызматкерлери чагымчыл аудиону жаздырып, тараткан аял менен маектешкен.

"Ыкчам издөө иш-чараларынын жүрүшүндө 2019-жылдын 25-августунан 13-сентябрь айларында массалык башаламандык боло тургандыгы жөнүндө социалдык тармактарга билдирүү тараткан Ю.П. аттуу Кыргызстандын жараны аныкталды. Ал ар кандай ушактарга ишенип аудио кайрылуу жаздырып жакын туугандарына эскертүү иретинде жиберген билдирүүсү тарап кеткенин айтты. Профилактикалык маектин жүрүшүндө ал өкүнүп, туура эмес иш кылганын мойнуна алды. Ошондой эле ал кыргызстандыктардан кечирим сурады", — деп айтылат маалыматта.

Буга чейин Ички иштер министрлиги билип туруп жалган маалымат тараткандар өлкө мыйзамдарына ылайык кылмыш жоопкерчилигине тартыларын эске салган. 

907
Белгилер:
башаламандык, Кыргызстан, социалдык тармак, УКМК
Өрт өчүрүү жана алдын алуу башкармалыгынын башчысынын орун басары майор Азиз Бейшекеев

Бейшекеев: өлкөдө жыл башынан бери 828 өрт кырсыгы катталды

8
(жаңыланган 13:07 04.06.2020)
Өрт өчүрүү жана алдын алуу башкармалыгынын башчысынын орун басары майор Азиз Бейшекеев үстүбүздөгү жылдын беш айында катталган өрт кырсыктарынын саны былтыркыга салыштырмалуу 30,6 пайызга азайганын айтты.
Бейшекеев: өлкөдө жыл башынан бери 828 өрт кырсыгы катталды

Өлкө ичинде жыл башынан бери 828 өрт кырсыгы катталды. Бул тууралуу Азиз Бейшекеев Sputnik Кыргызстан радиосуна маек куруп жатып билдирди.

Анын айтымында, былтыр 2019-жылдын январь айынан май айына чейин республика боюнча 1193 өрт кырсыгы болгон.

"Быйыл өрт кырсыктарынын басымдуу бөлүгү Ош жана Чүй облустары менен Бишкек шаарында катталды. Башкы себептери — электр шаймандарынын бузулушу, аны туура эмес колдонуу, от жакчу мештерди туура эмес эксплуатациялоо жана отко этиятсыз мамиле кылуу. Бирок былтыркыга салыштырмалуу 30,6 пайызга кыскарды. Тактап айтканда, быйыл жыл башынан бери 828 учур болсо, былтыр беш ай аралыгында 1193 өрт кырсыгы катталган. Мындай статистика өрт өчүрүүчүлөр үчүн көңүл кубантарлык көрүнүш жана чоң жетишкендик. Эми азыркы тапта жай келип, күн да катуу ысый баштады. Бул мезгилде ачык аянттарда өрт чыгуу тобокелчилиги жогору болот. Мындан улам бардык жарандарды ачык аянттардагы чөптөрдү байма-бай сугарууга жана өрт коопсуздугун сактоого чакырам. Ошондой эле ар бир үйдө өрт өчүрүүчү зарыл каражаттар — суу менен кумдун топтому жана жазы кездеме болушу талапка ылайык", — деди Бейшекеев.

Ал ошондой эле бардык коомдук жайларда өрт коопсуздугу боюнча түшүндүрүү иштери жүрүп жатканын кошумчалады.

8
Белгилер:
статистика, кырсык, өрт, ӨКМ
Тема боюнча
Бейшекеев: эреже боюнча газ баллон имараттын сыртында болушу керек
ЖК депутаты Айсулуу Мамашова

Мамашова: сот ажатканада 13 жаштагы кызды зордуктаган баланы актап жиберди

275
(жаңыланган 12:27 04.06.2020)
Депутаттын айтымында, сот шектүүнү актап, кайра жабырлануучу кыздын апасына шектүүгө моралдык чыгым төлөп беришин милдеттендирген.

БИШКЕК, 4-июн. — Sputnik. Бишкектеги соода борборлорунун биринин ажатканасында 13 жаштагы кызды зордуктоого шектелген 22 жаштагы жигитти сот актап жиберди. Бул туурасында депутат Айсулуу Мамашова парламенттин жыйынында билдирди.

Анын айтымында, бул ишти Биринчи Май райондук сотунун судьясы Айбек Эрнис уулу карап, "кыз зордукталган эмес" деген чечим чыгарып, шектүүнү жазадан бошоткон. Аны менен катар эле жабырлануучу кыздын апасына шектүүгө моралдык чыгым төлөп беришин милдеттендирген. Мындан улам алар райондук соттун чечимине нааразы болуп, шаардык сотко кайрылып, андан да утулуп калган. Учурда Жогорку сотко даттанып жатышат.

"Жакында эле Балдарды коргоо күнүн белгилеп, куттуктадык. Бирок мага Bishkek Park соода борборунун ажатканасында зордукталган 13 жаштагы кыздын энеси менен адвокаты кайрылды. Далилдери бар экенине, экспертизанын корутундусу чыкканына карабай, көпчүлүккө белгилүү судья Айбек Эрнис уулу (экс-депутат Өмүрбек Текебаевдин ишин караган) шектүү баланы актап жиберди. Ал жаш балдар лагеринде иштеп жүрчү экен. Тилекке каршы, анын башка кыздарды да зордуктаганы боюнча күбөлөр айткан. Бирок бүгүнкүгө чейин ал эркиндикте жүрөт. Себеби анын органдарда иштеген туугандары бар экен. Мындай адамдар түрмөдө отурушу керек болчу", — деди Мамашова.

Ошондой эле депутат кыздын апасына төлөөгө милдеттендирилген моралдык чыгымдын суммасын шектүү тарап өзү аныктамай болгонун билдирди.

"Судья Эрнис Айбек уулуна аябай нааразымын, уят деген болуш керек да, жаш кыздын тагдырын ойлобойбу. Жогорку сотко барганда калыс карап беришин суранам. Прокурорлор дагы жаш кыздын кызыкчылыгын коргой албай жатат", — деп кайрылды депутат.

Эл өкүлүнүн айтымында, окуя 2016-жылы болгон, сот иштери ошондон бери уланып жатат.

275
Белгилер:
баш тартуу, сот, зордуктоо, депутат, Айсулуу Мамашова
Тема боюнча
Ноокенде 10 жаштагы кызды зордуктады делген адамга сот чечим чыгарды
Бала бакча. Архив

Бала бакча кызматкерлери COVID вирусуна анализ тапшырат

0
(жаңыланган 15:06 04.06.2020)
Бишкекте 87 муниципалдык, 13 ведомстволук жана 218 жеке менчик бала бакча бар. Алардын 5-июндан тарта иштей баштаары күтүлүүдө.

БИШКЕК, 4-июн. — Sputnik. Бишкектеги мамлекеттик жана менчик бала бакчалардын тарбиячылары толугу менен COVID-19 вирусуна анализ тапшырат. Бул тууралуу брифинг учурунда калаанын вице-мэри Татьяна Кузнецова билдирди.

Эске салсак, Кыргызстанда мектепке чейинки билим берүү мекемелери 5-июндан тарта иштей баштайт.

Анын айтымында, мэриянын сунушун Республикалык штаб колдоп, кызматкерлерди массалык түрдө скрининг кылууга макул болду.

Кузнецова билдиргендей, бала бакча жетекчилиги тез арада кызматкерлеринин тизмесин райондук акимчиликтерге бериши зарыл.

"Ар бир ата-эне балдарын коопсуз жакка жиберип жатканына ишениши керек. Ата-энелердин өзүнөн дагы үйдө тазалыкты сактап, балдарга маска алып беришин өтүнөбүз. Өзгөчө кырдаал учурунда гигиенаны сактап, бет кап кийип, аралыкты кармоо менен бири-бирибизге жардам берели", — деди вице-мэр.

Маалыматка караганда, эпидемияга каршы ыкчам комиссия төмөндөгү документтерди иштеп чыкты:

  • мектепке чейинки билим берүү жайларынын иштөөсү боюнча убактылуу регламент;
  • бала бакчага барган ата-энелердин анкетасы;
  • баланын ден соолугуна кам көрүү боюнча ата-энелерди милдеттендирме кагазы.

Убактылуу регламентте баланы эртең менен бакчага кабыл алуу, жеке гигиенасына кам көрүү үчүн шарттарды түзүп берүү, балдардын бир жерге топтолушуна жол бербөө, аралыкты сактатуу маселелери каралган. Ошондой эле бала бакча кызматкерлери маал-маалы менен бөлмөдөрдү тазалап, дезинфекциялап турууга милдеттүү.

Бишкекте 87 муниципалдык, 13 ведомстволук жана 218 жеке менчик бала бакча бар.

0
Белгилер:
коронавирус, эреже, гигиена, бала бакча, Бишкек
Тема:
Коронавируска байланыштуу Кыргызстандагы кырдаал
Тема боюнча
15-июндан тарта тышкы каттамдар жанданат. Кайсы компаниялар учууга макулдук берди
Жээнбеков: коронавирус инфекциясы аймактардагы көйгөйлөрдү ачыкка чыгарды
Бишкекте санитардык эреже бузгандар 1,2 миллион сомдук айыпка жыгылды