Кылмыш иши папкасы. Архивдик сүрөт

Курсан Асановдун адвокатынын үстүнөн үчүнчү арыз түштү

304
(жаңыланган 11:56 03.09.2019)
Жактоочу дагы бир алдамчылык иш боюнча айыпталып жатат.

БИШКЕК, 2-сен. — Sputnik. Ички иштер министринин мурдагы орун басары Курсан Асановдун адвокаты Икрамидин Айткуловдун үстүнөн дагы бир арыз түштү. Бул тууралуу Бишкек ШИИБдин маалымат кызматы билдирди.

24-августта М.А. аттуу жаран милицияга кайрылып, жактоочунун өзүнө, жубайы Раушан Айткуловага жана баласына доо койгон.

Милициянын версиясы боюнча, бул үй-бүлө 2016-жылы алдамчылык жолу менен тургундун ишенимине кирип, 11 миң 678 доллар алган.

"Икрамидин Айткуловдун үй-бүлөсү бир айлык мөөнөткө карыз алган. Белгиленген убакыт өткөндөн кийин үй ээси 2017-жылы июнь айында үч айлык мөөнөткө деп келишим түзгөн. Бирок Айткулов милдетин аткарган эмес", — деп айтылат маалыматта.

Эске салсак, Айткулов 22-августта Бишкек ШИИБге сурак бергенден кийин кармалып, баш коргоо чарасы тандалган соң үй камагына чыгарылган. Буга Н.Д. аттуу жарандын "алдоо жолу менен 5 500 доллар акчамды алып алды" деп бир жыл мурун жазган арызы негиз болгон

Андан кийин Айткуловго дагы бир айып тагылган. Анда доогер 2014-жылы Айткуловдун баласы 31 миң доллар карыз алып бербей жатканын айткан. Кийин карызды кайтаруу милдетин атасы мойнуна алып келишим түзгөн. Бирок акчаны бербей жүргөнү айтылат.

Белгилей кетсек, Айткулов акыркы учурда ИИМдин мурдагы орун басары Курсан Асановдун жактоочусу болуп жүргөн. Ал президентке, премьер-министрге кайрылып, Асановдун ишин иликтөө бүткөнгө чейин ички иштер министри Кашкар Жунушалиевди ээлеген кызматынан четтетүүнү суранган

304
Белгилер:
Икрамидин Айткулов, арыз, милиция, Бишкек
Тема боюнча
31 миң долларга алдаган. Адвокат Икрамидин Айткуловго дагы бир айып тагылды
Жунушалиевдин кызыкчылыгы бар. Курсан Асановдун адвокаты президентке кайрылды
Сейфтеги акча. Архивдик сүрөт

Финпол бюджетке 6 млн. сом зыян келтирди делген салыкчыны кармады

31
(жаңыланган 12:22 23.09.2020)
Мыйзамсыз патент бергенинин айынан ЕАЭБден ташып келинген товарларга салык төлөнбөй калганы айтылат.

БИШКЕК, 23-сен. — Sputnik. Салык кызматынын Бишкек шаарына караштуу Ленин райондук башкармалыгынын бөлүм башчысы бюджетке алты миллион сом зыян келтирген деп кармалды. Бул туурасында Экономикалык кылмыштарга каршы күрөшүү кызматы кабарлады.

Билдирмеге караганда, О.А. аттуу бөлүм башчы салык органынын башка кызматкерлери менен жең ичинен сүйлөшүп, бир жаранга мыйзамсыз негизде патент берген. Бирок ал жаран анын атына патент берилгенин билген эмес.

"Ошол патент менен ЕАЭБ өлкөлөрүнөн элге керектелүүчү товарлар ташып келинип, бирок салык төлөнбөй жүргөн. Мунун кесепетинен бюджетке болжол менен алты миллион сом түшпөй калган", — дешти Финполдон.

УКМК Бишкек менен Чүйдө ири салык төлөөчүлөрдү тескеген жетекчини кармады

Кармалган О.А. аттуу салыкчы 21-сентябрда Бишкек ШИИБдин убактылуу кармоочу жайына киргизилген. Бүгүн Биринчи май райондук сотунда баш коргоо чарасы тандалат.

31
Белгилер:
финансы полициясы, патент, салык
Тема боюнча
Кара-Суу райондук сотунун төрагасы пара алып жатып кармалды. Сүрөт
Экс-министр Космосбек Чолпонбаев кармалды
Кичинекей бала. Иллюстративдик сүрөт

Ош: бала аман-эсен табылды. Бөбөктү каналга түшүп кетти дешкен

116
(жаңыланган 11:46 23.09.2020)
Баланы издөө иштерине ӨКМдин Ош шаардык куткаруу кызматынын өкүлдөрү тартылган. Бөбөк ата-энесине аман-эсен өткөрүп берилген.

БИШКЕК, 23-сен. — Sputnik. Ош облусунун Кара-Суу районунда сууга түшүп кетти деген төрт жаштагы бала аман-эсен табылды. Бул тууралуу ӨКМдин маалымат кызматы кабарлады.

Билдирмеге ылайык, 22-сентябрь күнү саат 17:46лар чамасында 112 кызматына Жаңы-Учар айылындагы Кайырма каналына кичине бала түшүп кеткени тууралуу маалымат келип түшкөн.

Милиционерлер жоголуп кеткен 6 жаштагы Чыңгызды тапты. Сүрөт

Издөө иштерине ӨКМдин Ош шаардык куткаруу кызматынын өкүлдөрү тартылып, баланы табышкан. Бөбөк ата-энесине аман-эсен өткөрүлүп берилген. ӨКМ анын абалы жакшы экенин кошумчалады.

116
Белгилер:
издөө, Суу, куткаруу, бала, ӨКМ
Тема боюнча
Чүйдө үч айдан бери дайынсыз болуп жаткан аял изделүүдө. Сүрөт
Айлана-чөйрөнү коргоонун мыкты кызматкери, эколог Айгүл Ырсалиева

Ырсалиева: экологиялык көйгөйлөр экономикалык чыгымдарга туш кылат

0
Айлана-чөйрөнү коргоонун мыкты кызматкери, эколог Айгүл Ырсалиева өлкөдө көчкү түшүү коркунучундагы миңден ашуун тоо бар экендигин айтты.
Ырсалиева: экологиялык көйгөйлөр экономикалык чыгымдарга туш кылат

Жер кыртышынын нымдалышуусу, оор жүк ташыган автоунаалардын каттоосу сейсмикалык термелүүлөргө алып келет. Бул тууралуу Айгүл Ырсалиева Sputnik Кыргызстан радиосуна маек берип жатып билдирди.

Анын айтымында, экологияга көңүл бурулбаса ал эбегейсиз экономикалык чыгымдарды жаратат.

Кара-Кечеде көчкү түшкөн аймакка убактылуу жол салынды

"Жакында Кара-Кече — Дыйкан жолуна абдан чоң өлчөмдөгү көчкү түшүп, 600 метр аралыктагы жолду тосуп калды. Буга жамгыр, кардын көп жаашынан улам жер кыртышынын нымдалышы, оор габариттүү жүк ташуучу автоунаалардын каттоосу сейсмикалык термелүүлөргө алып келүүдө. Ошондой эле кен казуу иштери дагы өз таасирин тийгизбей койбойт. Негизи эле Кыргызстандын 90 пайыздан ашуун аймагы тоолуу жер болуп саналат. Бизде миңден ашуун жер көчкү түшүшү мүмкүн деген жерлер бар. Мындай кырсык кайталанбашы үчүн тийиштүү органдар даярдыкта болуусу шарт. Учурда өлкөдө экономикалык көйгөлөргө көбүрөөк басым жасалып, экологияга анчейин маани берилбей келет. А чынында экологияга аяр мамиле кылышыбыз керек. Себеби ушул сыяктуу жаратылыш кырсыктары түз жана кыйыр түрүндө эбегейсиз экономикалык чыгымдарга туш кылат", — деди Ырсалиева.

Эколог көмүр казуу иштерин дагы тийиштүү талаптарды сактоо менен жүргүзүү зарылдыгын кошумчалады.

0
Белгилер:
кырсык, көчкү, экология
Тема боюнча
38 адам жер алдында калган. Жер көчкүгө күбө болгон өзгөндүк Калдыбаевдин маеги