Сабоо. Архивдик сүрөт

Эркектин мыкаачылык менен сабалган видеосу. Шектүүлөрдүн сүрөтү жарыяланды

2436
(жаңыланган 14:03 03.09.2019)
Интернетте тараган тасмадан эки эркек кишинин бир адамды мыкаачылык менен ур-тепкиге алып жатканы көрүнүп турат. Милиция шектүүлөрдүн сүрөтүн жарыялады.

БИШКЕК, 3-сен. — Sputnik. Милиция тарабынан эркек кишини өлтүрүүгө аракет кылды делгендер изделүүдө. Бул тууралуу ШИИБ билдирди. 

Милиция разыскивает подозреваемых в совершении покушения на убийство мужчины
© Фото / пресс-служба ГУВД Бишкека
Милиция эркек кишини өлтүрүүгө аракет кылды делгендер изделүүдө

Мыкаачылык менен сабалып жаткан адамдын видеосу интернетке жарыяланган. Анда эки киши бирөөнү катуу сабап жатканы көрүнүп турат.

2019-жылдын 28-августунда Ленин райондук милициясына Д.М. аттуу аял киши кайрылып, эртең мененки саат 7.00дөрдө Ахунбаев менен Курчатов көчөлөрүнүн кесилишиндеги "Ярмарка" супермаркетинин жанында күйөөсүн сабап, из жашырып кеткендерге карата чара көрүүнү өтүнгөн. Ур-тепкиден жаракат алган 31 жаштагы жабырлануучуну тез жардам Улуттук госпиталга алып кеткен.

Аталган факты Кылмыш-жаза кодексинин 138-беренесинин ("Саламаттыкка оор залака келтирүү") негизинде Кылмыш жана жоруктардын бирдиктүү реестрине каттоого алынып, тиешелүү экспертизалар дайындалган.

Жабырлануучунун бет сөөгү сынып, дене бою көгала болгон. Бул факты дагы "Бейбаштык" беренеси боюнча каттоого алынып, соттук-медициналык экспертизалар дайындалганы айтылды.

Иликтөө учурунда Ленин РИИБдин криминалдык милициясынын кызматкерлери тарабынан кылмышка шектүү делип 34 жаштагы Бапышов Жаныбек Сейитбекович менен 20 жаштагы Сейитбеков Калысбек Сейитбекович табылды.

31-август күнү иш Кылмыш-жаза кодексинин "Адам өлтүрүүгө аракет кылуу" беренесине өзгөртүлүп, шектүүлөрдүн ата-энелерине балдарынын аталган кылмышка тиешеси болушу мүмкүн делген билдирмелер тапшырылган.

Ушу тапта иликтөө иштери уланып, шектүүлөр изделүүдө.

Милиция эгер жогоруда аты аталгандар тууралуу кандайдыр бир маалымат болсо, 102 номерине кабарлап коюуну өтүнөт.

2436
Белгилер:
Бишкек, мыкаачылык, ур-тепки
Тема:
Бишкекте чала жан сабалган кишилер (29)
Тема боюнча
Бүгүн Кара-Балтада эне-бала мыкаачылык менен өлтүрүлдү
Эки кытай жаранын мыкаачылык менен өлтүргөн кыргызстандык Петербургдан кармалды
Сууда ойноп аткан бала. Архивдик сүрөт

Башка айылга кетип калган. Ошто сууга түшүп кетти деген бөбөктүн окуясы

21
(жаңыланган 12:57 23.09.2020)
Буга чейин ӨКМ Ош облусунун Кара-Суу районунда сууга түшүп кетти деген төрт жаштагы баланын аман-эсен табылганын кабарлаган.

БИШКЕК, 23-сен. — Sputnik. Кара-Суу районуна караштуу Жаңы-Учар айылындагы Кайырма каналына түшүп кетти делген төрт жаштагы бала коңшу Жапалак айылынан табылган. Бул тууралуу Sputnik Кыргызстан агенттигине Ош облустук ички иштер башкармалыгынын маалымат катчысы Жеңиш Аширбаев билдирди.

Эске салсак, буга чейин ӨКМ Ош облусунун Кара-Суу районунда сууга түшүп кетти деген төрт жаштагы баланын аман-эсен табылганын кабарлаган.

Билдирмеге ылайык, 22-сентябрь күнү саат 13:00дөр чамасында Кара-Суу районундагы Кызыл-Кыштак айылдык милиция бөлүмүнө төрт жаштагы эркек бала дайынсыз жоголгондугу тууралуу билдирүү түшкөн.

Беш киши бычакталган үйдөн коляскадагы наристе тирүү табылды. Россиядагы каргаша

Ошол эле күнү кечке маал саат 17:46лар чамасында ӨКМге да ушул маселе менен кайрылып чалышкан. Куткаруучулар баланы Кайырма каналына түшүп кетүүсү мүмкүн деп божомолдоп издей башташкан.

"Бөбөк үйдө ойноп жүрүп түшкө маал сыртка чыгып кетип, ошол бойдон дайынсыз жоголгон. Бала Жаңы-Учар айылынан чыгып, адашып кетип бир чакырым алыс жайгашкан Жапалак айылына кетип калган. Ал жактан жергиликтүү тургун көчөдө жалгыз жүргөн баланы байкап калып, милициянын аймактык тергөөчүсүнө кабарлаган", — деди Аширбаев.

Ал милиция кызматкерлери баланы кечке жуук таап, ата-энесине өткөрүп бергенин кошумчалады.

21
Белгилер:
ӨКМ, милиция, издөө, бала, Кара-Суу шаары, Ош
Тема боюнча
Суу менен торт сурап... Беш жаштагы кыз үч күндөн кийин токойдон табылды
Көрсөңүз кабарлаңыз! Даун синдромунан жапа чеккен киши жоголду. Сүрөт
Сейфтеги акча. Архивдик сүрөт

Финпол бюджетке 6 млн. сом зыян келтирди делген салыкчыны кармады

47
(жаңыланган 12:22 23.09.2020)
Мыйзамсыз патент бергенинин айынан ЕАЭБден ташып келинген товарларга салык төлөнбөй калганы айтылат.

БИШКЕК, 23-сен. — Sputnik. Салык кызматынын Бишкек шаарына караштуу Ленин райондук башкармалыгынын бөлүм башчысы бюджетке алты миллион сом зыян келтирген деп кармалды. Бул туурасында Экономикалык кылмыштарга каршы күрөшүү кызматы кабарлады.

Билдирмеге караганда, О.А. аттуу бөлүм башчы салык органынын башка кызматкерлери менен жең ичинен сүйлөшүп, бир жаранга мыйзамсыз негизде патент берген. Бирок ал жаран анын атына патент берилгенин билген эмес.

"Ошол патент менен ЕАЭБ өлкөлөрүнөн элге керектелүүчү товарлар ташып келинип, бирок салык төлөнбөй жүргөн. Мунун кесепетинен бюджетке болжол менен алты миллион сом түшпөй калган", — дешти Финполдон.

УКМК Бишкек менен Чүйдө ири салык төлөөчүлөрдү тескеген жетекчини кармады

Кармалган О.А. аттуу салыкчы 21-сентябрда Бишкек ШИИБдин убактылуу кармоочу жайына киргизилген. Бүгүн Биринчи май райондук сотунда баш коргоо чарасы тандалат.

47
Белгилер:
финансы полициясы, патент, салык
Тема боюнча
Кара-Суу райондук сотунун төрагасы пара алып жатып кармалды. Сүрөт
Экс-министр Космосбек Чолпонбаев кармалды
Смартфон кармаган кыз. Архивдик сүрөт

Смартфондогу үн жаздырган колдонмолордун негизги кооптуулугу айтылды

0
(жаңыланган 13:15 23.09.2020)
Адистин айтымында, компаниянын штатында иштебеген адамдар конфиденциалдуулук эрежесин сакташпайт. Натыйжада өзгөчө "кызыктуу" сүйлөшүүлөр интернетке чыгып кетиши мүмкүн.

БИШКЕК, 23-сен. — Sputnik. Смартфондогу үн жаздыруучу колдонмолордун көпчүлүгү маалыматтардын бир бөлүгүн тиркеме түзүүчүлөрдүн серверине жөнөтүп турат. Ал жерде маалыматтар чексиз убакытка сакталат дагы, жарандарга зыян келтириши мүмкүн. Мындай пикирди DLBI жашыруун чалгындоо кызматынын негиздөөчүсү Ашот Оганесян билдиргенин РИА Новости жазды.

WhatsApp кейпин кийген вирус 25 миллион смартфонду "талкалады"

Эксперт белгилегендей, көпчүлүк учурда үн жаздыруучу колдонмо "тааныбаган" үндөрдү нейробайланыштарды түзүүгө катышкан адистер уга алышат. Мындай адамдар компаниянын штатында болбогондуктан конфиденциалдуулук эрежесин сакташпайт. Натыйжада өзгөчө "кызыктуу" сүйлөшүүлөр же үндөр интернетке чыгып кетиши мүмкүн.

0
Белгилер:
хадис, сервер, кооптуулук, үн
Тема боюнча
Телефондун SIM-картасынын блоктолуп калышынын негизги себептери айтылды
Смартфон геолокация иштебесе дагы ээсинин кайда экенин билдирип коет. Себеби
Бишкектиктер коомдук транспорттун кыймылын смартфондон көрө алышат. Жаңы долбоор