Ички иштер министри Кашкар Жунушалиев. Архивдик сүрөт

ИИМ башчысы Бишкектеги ур-тепки тууралуу: шектүүнүн агасы милицияда иштеген

5341
(жаңыланган 11:39 04.09.2019)
Министр учурда шектүүлөрдүн аты-жөнү такталганын айтып, кызматтык иликтөө башталганын билдирди.

БИШКЕК, 3-сен. — Sputnik. Ички иштер министри Кашкар Жунушалиев Бишкектеги Жал кичирайонундагы супермаркеттин алдында кишилерди мыкаачылык менен сабаган кылмышкерлердин биринин агасы милицияда иштей турганын Жогорку Кеңештин Укук тартиби, кылмыштуулук менен күрөшүү жана коррупцияга каршы аракеттенүү боюнча комитетинин жыйынында айтты.

Депутат Мирлан Жээнчороев Бишкекте балдарды зөөкүрлүк менен сабагандарды милиция кызматкерлери кийлигишип, бошотуп жибергенге тийиштиги бар деп ЖМКлар жазып жатканын айтты.

"Милиция кызматкерлеринин кылмышка аралашкан балдарды бошотууга тийиштиги бар деп жатышат. Ошону жеке көзөмөлгө алып, бетин ачып, күнөөлүүлөрдү жоопко тартууну суранам", — деди Жээнчороев.

Ички иштер министри Кашкар Жунушалиев аталган мушташ боюнча маалыматы бар экенин, шектүүлөрдүн ким экени аныкталганын айтты.

"Бул иш менин көзөмөлүмдө. Алар кимдер экени аныкталып, издөө иштери жүрүп жатат. Биздин кызматкерлер кийлигишкени боюнча айткан маалыматыңыз туура. Эки кылмышкердин биринин агасы милицияда иштеген экен. Ал боюнча кызматтык иликтөө жүрүп жатат. Бүтүп калса сизге тагыраак жооп берем", — деди министр.

Буга чейин кабарлангандай, Чүй облустук ИИББдин кызматкери Бишкекте кишилерди чала жан кылып сабагандарды кылмыш болгон жерден алып кеткени кабарланган.

Ленин райондук прокуратурасы 28-августта саат 7:00дөр чамасында Жал кичирайонундагу супермаркеттин жанында кишилердин мушташып жатканы боюнча билдирүү түшкөнүн маалымдады.

Окуя болгон жерге №479 экипаж чыгып кеткен. Алардын катарында милициянын кайгуул-күзөт кызматынын төртүнчү ротасынын кызматкерлери болгон.

"Андан сырткары, окуя болгон жерге Чүй ОИИБдин Б.К. аттуу кызматкери да келген. Ал кызмат абалынан кыянаттык менен пайдаланып, шектүү Б.Ж. менен С.К. аттуу жарандарды кылмыш болгон жерден алып кеткен", — деп айтылат маалыматта.

Аталган факты боюнча Кылмыш-жаза кодексинин 320 ("Кызмат абалынан кыянаттык менен пайдалануу") жана 348-беренелери ("Кылмышты жашыруу") боюнча кылмыш иши козголду. Тергөө амалдары жүрүп жатат.

Социалдык тармактарда мушташтын видеосу да тарады.

1985-жылы туулган Бапышов Жаныбек Сейитбекович менен 1999-жылы туулган Сейитбеков Калысбек Сейитбекович издөөгө алынды.

5341
Белгилер:
Жогорку Кеңеш, Кашкар Жунушалиев, Мирлан Жээнчороев, видео, мушташ, Бишкек
Тема:
Бишкекте чала жан сабалган кишилер (29)
Тема боюнча
Кишилерди чала жан кылып сабагандарды алып кеткен милиционер ким
Мыкаачылык менен сабалган эркектер. Милиционерлердин аракети видеодо
Измирдеги жер титирөөдөн кийин куткаруучулар иш учурунда

Измирде уранды алдында калган төрт киши бир суткадан кийин тирүү табылды

52
(жаңыланган 19:23 31.10.2020)
Аман-эсен табылган төрт адамдын экөө аял, бирөө эркек жана бирөө бала. Куткаруучулар жана окуя болгон жерде тургандар аларды кол чаап тосуп алышкан.

БИШКЕК, 31-окт. — Sputnik. Измирдеги жер титирөөдөн кийин куткаруучулар уранды алдынан төрт адамды тирүү алып чыгышкан. Алар талкаланган үйлөрдүн алдында бир сутка жаткан. Бул тууралуу РИА Новостинин кабарчысы жеринен маалымдады. 

Билдирмеге ылайык, куткарылган төрт адамдын экөө аял, бирөө эркек жана бирөө бала. Куткаруучулар жана окуя болгон жерде тургандар аларды кол чаап тосуп алышкан.

Уранды алдында дагы бир нече адам бар экени божомолдонууда. Анын ичинде имаратта жайгашкан кафенин кардарлары да болушу ыктымал.

Эске салсак, кечээ, 30-октябрда, Түркиянын батышында күчү 6,6 баллга жеткен жер титирөө катталган. Очогунун тереңдиги 16,5 чакырымды түзүп, ал Измирдеги Сеферлихисар шаарындагы райондо жайгашкан.

Жер силкинүү Грециянын аралында да сезилип, жергиликтүү сейсмологдор анын күчүн 6,9 баллга жетти деп баалашкан.

Измирдин жер титирөөдөн коркуп калган тургундары таңды көчөдөн атырды

Измирдеги жер силкинүүдөн 20дай имарат талкаланганы айтылууда. Акыркы маалыматтар боюнча, жаратылыш кырсыгынан 26 адам каза болуп, 831 киши жабыркаган.

Ал эми Грециянын Самос аралында эки адам көз жумуп, 20дай адам жаракат алган.

52
Белгилер:
куткаруучу, урандылар, имарат, жер титирөө, Измир, Түркия
Тема:
Измирдеги жер титирөө
Тема боюнча
Түркиядагы зилзала. Каза болгондордун саны 24кө жетип, 804 киши жабыркады
Түркиядагы зилзаладан 200дөн ашык адам жабыркап, каза болгондордун саны өсүүдө

Бишкекте чет элдик жаранды коркуткан кылмыштуу топтун мүчөлөрү кармалды. Видео

591
(жаңыланган 15:51 31.10.2020)
Бишкекте чет элдик жаранды коркутуу жолу менен акчасын алып кеткендер кармалды. Бул тууралуу Ички иштер башкы башкармалыгынан кабарлашты.

Маалыматка караганда, 28-октябрь күнү Түркиянын А.И. аттуу жараны милицияга арыз жазып кайрылган. Ал 27-октябрда белгисиз адамдар саат 15:00дө анын кеңсесине келип өздөрүн Камчы Көлбаевдин уюшкан кылмыштуу тобунун мүчөлөрү катары тааныштырганын билдирген. Ошондой эле абакта жаткан кримтөбөлгө жардам берүү максатында 20 миң сом сурашканын кабарлаган. Кылмышкерлер эгер акча бербесе сабап, мүлкүн талкалай тургандыктарын айтышкан.

Факты Кылмыш жана жоруктардын бирдиктүү реестрине Кылмыш-жаза кодексинин 203-беренеси (акча талап кылуу) боюнча каттоого алынган.

“Ыкчам тергөө амалдарынын жүрүшүндө Бишкектен уюшкан кылмыштуу топтун мүчөлөрү акча алып жаткан жеринен кармалды. Алардын унаасынан белгисиз моделдеги ок атуучу курал табылган. 37 жаштагы И.Э. менен “Доня” каймана атын алып жүргөн К.Д. Камчы Көлбаевдин уюшкан кылмыштуу тобунун активдүү мүчөсү катары ИИМдин каттоосунда турат. Эки шектүү тең убактылуу кармоочу жайга киргизилди”, - дешти милициядан.

Учурда шектүүлөрдүн башка дагы кылмыштарга тийиштиги бар-жогу такталып жатат.

591
Белгилер:
чет элдик жарандар, кылмыш, Бишкек
Тема боюнча
ЖКККББдин жетекчи орун басарынын пара алып жаткан учуру видеого түшүп калган
Автомат менен кирип, колуна кишен кийгизип. Камчы Көлбаевди кармаган видео
Парктын көлмөсүндө өрдөк

Жекшембиге карата аба ырайы

0
Жекшембиге караган түнү өлкө аймагында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 31-окт. — Sputnik. 1-ноябрь, жекшембиде, республика боюнча күн ачык болот. Бул тууралуу Кыргызгидромет билдирди. 

Абанын температурасы Чүй, Талас өрөөндөрүндө +13...+18, Ош, Жалал-Абад жана Баткен облустарында +16...+21, Ысык-Көл жана Нарын жергесинде +9...+14 градус болот.  

Күндүн табы борборубуз Бишкекте +16...+18  жана Ош шаарында +19...+21 градуска көтөрүлөт.

0
Белгилер:
Кыргызстан, аба ырайы
Тема боюнча
Адаттагыдан суук болот. Ноябрга карата аба ырайы