Даараткана. Архив

Түлеевден алынган батирлерди сатып ийген мэрия кызматкери изделүүдө

140
(жаңыланган 11:55 04.09.2019)
Сатылып кеткен мүлк - экс-мэр Нариман Түлеев 2017-жылы мамлекеттин карамагына өткөрүп берген батирлер болчу.

БИШКЕК, 4-сен. — Sputnik. Бишкек мэриясынын Муниципалдык менчик башкармалыгынын "305 миң доллар алып качып кеткен" делип жаткан мурдагы кызматкерине издөө жарыяланды. Бул тууралуу Бишкек шаардык ички иштер бөлүмүнөн билдиришти. 

 

Бывший сотрудник столичной мэрии, подозреваемый в продаже восьми тюлеевских квартир и обмане граждан
© пресс-служба мэрии города Бишкек
Бишкек мэриясынын Муниципалдык менчик башкармалыгынын "305 миң доллар алып качып кеткен" делип жаткан мурдагы кызматкерине издөө жарыяланды

 

 

"Акчаны мыйзамсыз менчиктеп алуу фактысы боюнча Жазык кодексинин 204-беренеси ("Алдамчылык") менен кылмыш иши козголгон. Учурда шектүү изделип жатат", — деп айтылат билдирүүдө.

Шектүү муниципалдык менчикти сатуу боюнча аукциондун протоколдорун жасалмалап, Москва көчөсүндөгү сегиз батирди мыйзамсыз саткан. 1-сентябрда бул иштерди башкармалыктын жетекчиси билип калып, милицияга арыз жазып, кызматкер издөөгө алынган. Маалыматка ылайык, шектүү башкармалыкта болгону бир жарым ай гана иштеген.

Сатылып кеткен мүлк - экс-мэр Нариман Түлеев 2017-жылы мамлекеттин карамагына өткөрүп берген батирлер болчу. Ал жалпысынан 11 батирди кайтарып, анын сегизи мэриянын, үчөө Башкы прокуратуранын балансына берилген.

140
Белгилер:
алдамчылык, издөө, кызматкер, ШИИБ, Бишкек мэриясы, Бишкек
Тема боюнча
Түлеев: түрмөдө "авторитет" болчумун
Түлеев Нариман Ташболотович — өмүр баяны
Нариман Түлеев экс-президент Алмазбек Атамбаев менен түшкөн селфисин жарыялады
Куралчан адам. Архив

Кыргыз-тажик чек арасында ок атылып, кыргызстандык аскер жаракат алды

140
(жаңыланган 10:41 06.08.2020)
Учурда чек ара кызматтарынын Баткен (Кыргызстан) жана Исфара (Тажикстан) облустары боюнча өкүлдөрүнүн жолугушуусу өтүп жатат.

БИШКЕК, 6-авг. – Sputnik. Бүгүн кыргыз-тажик чек арасында коңшулар тараптан ок атуу болуп, Кыргызстандын чек арачысы жаракат алды. Бул тууралуу Мамлекеттик чек ара кызматынан билдиришти.

“Баткен облусунун Эки-Таш аймагында Тажикстан тараптан белгисиз адамдар аңчылык курал менен Кыргызстандын чек ара кызматынын аскерине ок аткан. Жыйынтыгында ок аскердин колун тешип өткөн”, — деп айтылат билдирүүдө.

Ага медициналык жардам көрсөтүлүп, ушул тапта абалы канааттандырарлык деп бааланууда.

Азыр чек ара кызматтарынын Баткен (Кыргызстан) жана Исфара (Тажикстан) облустары боюнча өкүлдөрүнүн жолугушуусу өтүп жатат.

Абал туруктуу.

140
Белгилер:
жаракат, чек ара, Тажикстан, Кыргызстан
Тема боюнча
Казак чек арасындагы чатак: мигранттар алдамчылардын торуна кантип түштү
Сел. Архив

Жүрөктүн үшүн алган сел Арсланбап айылын каптады. Видео

243
(жаңыланган 10:30 06.08.2020)
Куткаруучулар жергиликтүү эл менен кошо кечээтен тарта селдин кесепеттерин четтетүү аракеттерин көрүп жатышат. Алар короо жайларды жана жолдорду тазалашууда.

БИШКЕК, 6-авг. — Sputnik. Жалал-Абад облусунун Арсланбап айылында дагы катуу сел жүрдү. Бул тууралуу ӨКМдин маалымат кызматы кабарлады.

Окуянын жеринен тартылган видеосун "Короче" Telegram-каналы жарыялады.

Видеодо сел үйлөрдүн короо-жайларына кирип, жолдорду жарактан чыгарууда.

ӨКМдин маалыматы боюнча, сел кечээ, 5-августта, саат 19:00дө тоолордо жааган катуу жаандан улам жүргөн. Анын кесепетинен 10 турак үйдүн короосуна суу толгон. Сарайлардын дубалдары ураган. 1,2 чакырым жол бузулуп, бир электр мамычасы кулаган.

Жапа чеккендер болгон эмес.

Селдин кесепетин жоюу үчүн жерине атайын техникалар жана ӨКМдин ыкчам тобу тартылган. 50 жергиликтүү тургун аларга жардам берип жатышат.

Кечээтен бери алар үч үйдүн короосун тазалашты, иш бүгүн да уланып жатат.

243
Белгилер:
ӨКМ, сел, жаан-чачын, Арсланбап
Тема боюнча
Жети-Өгүз: сел жүрүп жаап калган Көк-Жайык жайлоосунун жолу ачылды. Видео
Ак кунастар. Архив

Ак кунастарды 23 жаштагы жигит аткан. Сузак милициясы сүрөттөгү жарандарды кармады

0
(жаңыланган 12:34 06.08.2020)
Буга чейин басылмалардын биринде атылган ак кунастарды кармап сүрөткө түшкөн кишилер тууралуу маалымат чыккан.

БИШКЕК, 6-авг. — Sputnik. Жалал-Абад облусунун Сузак райондук милициясы Кызыл китепке киргизилген ак кунастарды аткан кишини кармады. Бул тууралуу ОИИБдин маалымат кызматы кабарлады.

Ага ылайык, 4-август күнү коргоого алынган ак кунастарды кармап сүрөткө түшкөн кишилер тууралуу маалымат жарыяланган.

Мындан улам Биотүрдүүлүктү сактоо жана өзгөчө корголуучу жаратылыш аймактары департаменти тарабынан ак кунастарды аткандарга чара көрүү үчүн Жалал-Абад ОИИБине кат жолдонгон.

Сүрөт "Короче" телеграмм каналына коюлган.

Анын негизинде Сузак райондук милиция канаттууну аткан жаранды аныктаган.

"Окуя 30-июль күнү саат 14:30 чамасында Сузак районунун Кара-Дарыя айыл аймагында болгон. 23 жаштагы жергиликтүү тургун сайсыз курал менен дарыянын жээгинде учуп бараткан үч ак кунасты атып, андан кийин сүрөткө түшкөн. Кийин анын 20 жаштагы бир тууган иниси дагы атылган ак кунастарды кармап сүрөткө түшүп, социалдык тармакка чыгарып жиберген", — деп айтылат маалыматта.
Подозреваемый в отстреле белых аистов в Джалал-Абадской области
© Фото / пресс-служба УВД Джалал-Абадской области
Кызыл китепке киргизилген ак кунастарды атууга шектелген жаран

Милиция Жалал-Абадда жоголгон эже-сиңдини Баткенден тапты. Кыздардын жообу

Кечээ аталган факты Кылмыш жана жоруктардын бирдиктүү реестрине Жоруктар жөнүндө кодексинин 144-беренеси ("Жаныбарларды жана өсүмдүктөрдү жок кылуу") менен катталып, сотко чейинки өндүрүш иши ачылган.

Ал эми сайсыз ок атуучу курал боюнча акт түзүлүп, соттук-баллистикалык экспертиза дайындалган.

Тергөө аракеттери уланып жатат.

0
Белгилер:
кармоо, Сүрөт, сатуу, милиция, ОИИБ, Жалал-Абад облусу
Тема боюнча
Ноокенде 10 жашар кызды зордуктаган бала өмүр бою эркинен ажыратылды