Кылмыш иши папкасы. Архивдик сүрөт

Кримтөбөл Азиз Батукаевдин бошотулушу боюнча тергөө аяктады

535
(жаңыланган 12:31 05.09.2019)
Учурда шектүүлөргө айыптары угузулуп жатат.

БИШКЕК, 5-сен. — Sputnik. Кримтөбөл Азиз Батукаевдин мыйзамсыз бошотулушу боюнча иш тергелип бүттү. Бул тууралуу Ички иштер министрлигинен кабарлашты.

Маалыматка караганда, жакынкы аралыкта материалдар Башкы прокуратурага өткөрүп берилет.

"ИИМдин Тергөө кызматы шектүүлөргө айыптарын угузуп жатат", — деп айтылат маалыматта.

Батукаевдин иши

Азиз Батукаев 2006-жылы баңгизатты мыйзамсыз сактоо, жарылуучу заттарды жана курал-жаракты мыйзамсыз алып жүрүү, массалык башаламандык уюштуруу боюнча айыпталып, Аламүдүн соту тарабынан 16 жылга эркинен ажыратылган. 2008-жылы абак тартибин бузганы үчүн жаза мөөнөтүнө дагы эки жыл кошулуп, Нарындын №24 абагына которулган. Бирок 2013-жылдын 9-апрелинде оор дартка кабылган деп бошотулуп, Кыргызстандан Грозныйга учуп кеткен. 2014-жылдын 20-майында КР Жаза аткаруу мамлекеттик кызматы Батукаевге эл аралык издөө жарыялаган. ИИМдин маалыматы боюнча, учурда Батукаев курал-жарак сактаганы үчүн үч жылга эркинен ажыратылып, Чечен Республикасында жаза мөөнөтүн өтөп жатат.

2019-жылы апрелде башкы прокурор Өткүрбек Жамшитов ЖК жыйынында криминалдык авторитет Азиз Батукаевдин иши кайра жанданганын билдирген.

Анын бошотулушу боюнча бир катар мурдагы аткаминерлер менен дарыгерлер да суракка чакырылып, кээси камакка алынган. Ал эми мурунку башкы прокурор Аида Салянова, ошол кездеги вице-премьер Шамил Атаханов жана саламаттык сактоо министри Динара Сагинбаева тергөө менен кызматташмай болду деген жүйө менен үй камагына чыгарылган.

Батукаевдин бошотулушуна Алмазбек Атамбаевдин да түз тиешеси болгон деген кине менен мурунку президенттин өкүлдөрүнө үч ирет суракка чакыруу берилген. Атамбаев ИИМге баруудан баш тарткандан кийин 7-август күнү УКМКнын атайын даярдыктагы бөлүгү мурунку президентти мажбурлап алып келүү тапшырмасы менен анын Кой-Таштагы үйүнө басып кирген. Бирок Атамбаевдин тарапташтары катуу каршылык көрсөтүп, ок атылган. Натыйжада спецназдын бир жоокери каза таап, акыркы маалыматтар боюнча, 140ка чукул адам ар кандай жаракат алган.

8-августта ИИМдин операциясынан кийин Атамбаев багынып берген. Биринчи Май райондук соту баш коргоо чарасын карап, аны 26-августка чейин камакта калтырган. Бирок 20-августта сот аны 26-октябрга чейин камакта калтыруу чечимин кабыл алган.

535
Белгилер:
шектүү, айып, кылмыш, Азиз Батукаев, ИИМ
Тема:
Батукаевдин ишинин жанданышы (56)
Тема боюнча
Камактагы Атамбаев УКМК терезесинен тарапташтарына кол булгалады. Видео, сүрөт
Атамбаевдин жактоочусу: сот келтирилген жүйөлөрдү канааттандырган жок
Атамбаев курдурган мечит камакка алынган жок. Прокуратуранын түшүндүрмөсү
Бейруттун портунда катуу жарылуу учурунда. Архив

Бейруттагы митингден жабыркагандардын саны 700дөн ашты

88
(жаңыланган 10:47 09.08.2020)
Буга чейин митингчилер ТИМ, андан кийин экономика жана энергетика министрликтеринин имараттарын басып алышкан.

БИШКЕК, 9-авг. — Sputnik. Бейрутта күч түзүмдөрү менен митингге чыккандардын ортосундагы кагылышуудан 700дөн ашык киши жабыркады. Бул тууралуу "Аль-Жазира" телеканалына таянып, РИА Новости кабарлады.

Буга чейин митингчилер ТИМдин, андан кийин экономика жана энергетика министрликтеринин имараттарын басып алышкан. Мекемелерди бошотуу үчүн тартип сакчылары элди кууп, ок чыгарган.

"Аль-Арабия аль-Хадас" телеканалы билдиргендей, учурда Бейруттун көчөлөрү тынчыды.

"Ливан борборундагы каршылык акциясында 728ден ашык адам ар кандай жаракаттарды алышты", — деп айтылат маалыматта.

Эске салсак, 8-август, ишемби күнү, миңдеген адамдар өкмөттүн кетишин жана реформаны талап кылып митингге чыгышкан. каршы, ал массалык башаламандыкка айланып, митингчилер өкмөттүн бир нече имаратын басып алган. ИИМ билдиргендей, кагылышуудан бир укук коргоо кызматкери каза болгон.

Аталган шаарда 4-августта портто катуу жарылуу болуп, 150дөн ашык адам көз жумса, алты миңден көбү жабыркаган.

88
Белгилер:
жарылуу, Митинг, кагылышуу, Бейрут, Ливан
Тема:
Бейруттагы жарылуу
Тема боюнча
Бейруттагы жарылуу төрт оорукананы талкалады. Жабыркагандар жардамга муктаж
Бейрутта нааразычылык акциясы

Бейруттагы митингдер күч алды. Акыркы маалыматтар видеодо

203
(жаңыланган 00:44 09.08.2020)
Бийликке каршы митингге миңдеген адамдар катышууда. Алар өкмөттүн отставкасын жана чечкиндүү реформаларды талап кылууда. Айрым топтор полицияга таш ыргытып жатышат. Тартип сакчылары жооп катары көздөн жаш чыгаруучу газ чачууда.

БИШКЕК, 9-авг. — Sputnik. Бейрутта нааразычылык акциясына чыккандар бир нече министрликти басып алышты. Бул тууралуу РИА Новости жазды.

Бийликке каршы митингге миңдеген адамдар катышууда. Алар өкмөттүн отставкасын жана чечкиндүү реформаларды талап кылууда. Айрым топтор полицияга таш ыргытып жатышат. Тартип сакчылары жооп катары көздөн жаш чыгаруучу газ чачууда.

Буга чейин митингчилер ТИМдин имаратына кирип, артынан полиция барганы айтылган. Айрым маалыматтарга караганда, тартип сакчылары элди кууш үчүн ок чыгарган. Бирок расмий тараптар бул маалыматты төгүндөп жатат.

Жеринде тартылган видеолор RT Телеграм-каналында жана Твиттерде жарыяланып жатат.

Акыркы маалыматтарга караганда, жабыркагандардын саны 170ке жетти. Бир нечеси ооруканага жеткирилди.

Бейруттагы жарылуу: Жээнбеков Ливан президентине көңүл айтты

Ошондой эле бир полиция кызматкери өлгөнү маалым болду. Ал Le Grey мейманканасындагы кагылышууда жаракат алган.

Өлкөнүн премьер-министри Хассан Диабдын элге кайрылуусунда өкмөттүн эмки жыйынында мөөнөтүнөн эрте парламенттик шайлоо өткөрүүнү сунуштай турганын айтты. Анын пикиринде, ушул чечим гана өлкөнү кризистен куркарып кала алат.

​Эске салсак, 4-августта Ливандын борбору болгон Бейрут шаарындагы портто катуу жарылуу болгон.

203
Белгилер:
полиция, эл, митинг, жарылуу, Бейрут
Тема:
Бейруттагы жарылуу
Тема боюнча
Бейруттагы жарылуу төрт оорукананы талкалады. Жабыркагандар жардамга муктаж
Бейрутта ири жарылуудан кийин нааразычылык акциясы башталды. Видео
Эркек менен аял кол кармашып отурат. Архив

Коронавирустан корккон кайненем төрөбө деп айламды кетирип жатат. Келиндин каты

14
(жаңыланган 13:05 09.08.2020)
Sputnik Кыргызстан купуялуулук шарты менен окурмандардын жеке турмушуна байланышкан көйгөйлөрдү жарыялап келет.

"Психолог менен баарлашуу" рубрикасына бул ирет кайненесин ыраазы кылуу жолун таба албай жаткан келиндин каты жарыяланды.

Саламатсыздарбы? Мен жыйырма беш жаштамын. Турмушка чыкканыма бир жылдан ашты. Бирок балалуу боло элекпиз. Жашоодо кызык нерселер боло берет экен. Менин азыркы абалым кээ бирөөлөргө күлкүлүү болушу мүмкүн. Бирок менин айлам кетип турган кез.

Кайындарым жакшы турушат. Кантта жашайбыз. Бирок кайненем абдан каардуу аял. Үйдө ал кишинин айтканы айткандай, дегени дегендей аткарылышы керек. Баарыбыз буга көнүп бүткөнбүз. Кайнатам да үйдүн маселесине киришпейт.

Кайненем жакында эле пневмониядан жакшы болду. Абдан коркуп калса керек, абысыным экөөбүздү күндө беш маал хлор менен үйдү сүрдүрүп чыгат. Идиш-аякты да хлор менен жууп жатабыз.

Уул-келинимди ажыраштырсамбы? Кек сактаган кайнененин каты

Баары абысынымдын боюна бүтүп калганынан башталды. Анын эки баласы бар. Үчүнчүсү боюнда эки ай болуп калганда билинди. Кайненем "төрөбөйсүң" деп дароо эле баланы алдыртып келди.

Анткени апабыз бардык жакта дары чачып, коронавирус күчөп жатканда кандай бала төрөлөт деп коркуп жатат.

Үйдө келиндерине "оору кетмейин төрөмөй жок" деген "мыйзам" киргизди.

Эми жеңем жакшы болуп калса бир жумадан кийин экөөбүздү тең ооруканага алып барып спираль салдырарын айтууда. Гинекологуман сурасам "спираль салдырба, төрөбөй калышың мүмкүн" деп урушту. Чынында өзүм деле бир жылдан бери төрөй албай жаткам. Бала көзүмдөн учуп, санааркап турганда жок жерден көйгөй чыкты.

Жолдошумду ортого салайын десем, "апам менен өзүң сүйлөш, мен кантип айтмак элем" деп койду. Эмне кыларымды билбей калдым.

Кыйналып кеттим, кантип туруштук бере алам? Ыктыярчы кыздын каты

Кайненеме дарыгердин сөзүн айтсам да уккусу жок. "Кызык адам экен" деп ичимен таң калып жатам. Өз апама да айта албайм. Анда да "үйдөгү маселеге сырткаркы кишини кийлигиштиресиң" деп жаман көрөт. Апам экөө урушуп кетпесин деп да корком.

Кыскасы төрөбөй калуудан да, ажырашуудан да чочулап жатам. Жолдошумду жакшы көрөм. Ал эми кайненеме каршы чыгуу бул үй-бүлөнүн тарыхында болбосо керек. Ошентсе да бул ирет каршы чыкпасам, өмүр бою балалуу болбой калышым мүмкүн. Кайненемдин каарына калуу да кооптуу. Анткени оңой эле "жолго" салып коёт. Мурунку абысыныбызды асылып жатып эле кетирип салыптыр.

Урушуп-талашпай кайненемди кандайча көндүрсөм болот? Мындай адамдарга кантип түшүндүрөт? Психолог мага кеңеш бере алабы?

Гүлнара Жасоолова, психолог:

Келинди "төрө же төрөбө" деп кыйноо, эркине каршы иш кылдыруу үй-бүлөдөгү зордук-зомбулукка, үстөмдүк кылууга кирет. Ар бир адам каалаган убагында балалуу болууга, тукум улоого укуктуу, ага эч ким тоскоол болууга акысы жок.

Дарыгердин спираль салдырууга болбойт дегенин кайненеңизге жакшылап түшүндүрүп айтыңыз, коркпоңуз. Азыр коркуп, аны жашырып койсоңуз келечегиңиз кандай болот? Чындап эле балалуу боло албай калсаңызчы?

Ушул жагын да терең ойлонгула. Үйдөгү ызы-чуудан качып, кийинки тагдырыңызга кыянаттык кылып албаңыз. Эмнеси болсо дагы кайненеңизге жай отуруп баарын түшүндүрүңүз.

Жаңы келген кыздан кыя өтпөйт. Күйөөсү менен чогуу иштеген аялдын даты

Ооба, коронавирус дүйнөнү сестентип койду, баарыбыз тынчсызданып турабыз. Бирок ага шылтап, баладан баш тартууну мен да туура деп эсептебейм.

Бойго бүткөндө эне өзүн жакшы карап, дарыгердин көзөмөлүндө болуп төрөп алууга эмнеге болбосун? Экинчиден бул оору качан бүтөрүн эч ким билбейт. Бул жагын да ойлош керек. Ошондуктан кайненеңизди гинекологго чогуу алып барууга аракет кылсаңыз жакшы болмок. Анын да пикирин уксун. Же психологго бирге баргыла.

Азыр анын ою менен болуп койсоңуз, акырындан ортодо ажырым пайда болот. Ар кандай түшүнбөстүк келип чыгат. Андан көрө бул маселеге жолдошуңуз дагы батыл киришкени жакшы, акылдашып чечкиле.

14
Белгилер:
мамиле, коронавирус, бала, кайнене, келин, психолог
Тема:
Психолог менен баарлашуу
Тема боюнча
Кош бойлуулар коронавирустан кантип коргоно алат. Гинекологдун кеңеши
Өлүп калсам баламды ким карайт?.. Пандемиядан улам паникага алдырган келиндин каты