Рыбы на продажу на рынке. Архивное фото

Балык өстүргөн ишкер: отставкадагы полковник 3 млн. сомго алдап кетти

800
(жаңыланган 21:38 05.09.2019)
Ишкер акчасын бербей качып жүргөндөрдүн бири милициянын отставкадагы полковниги экенин айтууда.

БИШКЕК, 5-сен. — Sputnik. Балык чарбасын иштеткен Илгиз Шаменов андан чабак алган эки киши үч миллион сомго алдап кеткенин айтып Sputnik Кыргызстанга кайрылды.

Ишкер бул боюнча милицияга арыз жазганы менен натыйжа болбой жатканына нааразы болууда.

"Эки киши чарбага келип сүйлөшүп ишеничибизге кирген. Анын бири милициянын отставкадагы полковниги болчу. Чабактарды 5-августта алып кетишкен. Бир жумадан кийин акчасын төлөөгө макулдашканбыз. Бирок арадан бир ай өтсө да бербей качып жүрүшөт. Панфилов райондук милициясына 22-августта арыз жазып, прокуратурага да кайрылдым. Бирок алар кош көңүл мамиле жасап, ишти жакшы карабай жатат", — деди Шаменов.

Чүй облустук милициясынын маалымат кызматы Илгиз Шаменовдон арыз түшкөнүн тастыкташты. Аталган факты Жазык кодексинин 204-беренеси ("Алдамчылык") боюнча Кылмыш жана жоруктардын бирдиктүү реестрине катталып, сотко чейинки өндүрүш ачылган.

Милиция арызда 2 002 500 сомду өндүрүп берүү өтүнүчү жазылганын маалымдап, алдамчылык боюнча бир эле адам тергелип жатканын кабарлады.

"Тергөөнүн жүрүшүндө доо коюлган адам Ысык-Ата районунун К.Э. аттуу 43 жаштагы тургуну экени белгилүү болду. Ал 25-августта Панфилов РИИБдин тергөө кызматына алып келинип арыз ээси менен жолуккан. Анда экөө мурда тааныш экени, ортолорунда арызда жазылгандан башка дагы чабак сатуу боюнча келишими болгону аныкталды", — дешти милициядан.

Азыркы тапта жагдайдын чоо-жайын тактоо үчүн ыкчам тергөө иштери жүрүп жатат.

800
Белгилер:
милиция, алдамчылык, балык, ишкер
Тема боюнча
Курсан Асановдун адвокатынын үстүнөн үчүнчү арыз түштү
Муштум. Иллюстративдүү сүрөт

Жатып калган кишини мыкаачылык менен сабады делген киши кармалды

39
Кечээ социалдык тармактарда бир адам эси-учу жок жаткан кишини ур-тепкиге алып, кийин автоунаага түшүп кетип калган видео тараган.

БИШКЕК, 14-авг. — Sputnik. Бишкекте эркек кишини сабап салды деп шектелген жаран кармалды. Бул тууралуу Sputnik агенттигине Милициянын кайгуул кызматы башкармалыгынын маалымат катчысы Байгазы Айтикул уулу билдирди.

Окуя кечээ саат 18:40та Кайыңды жаңы конушунда болгон. 102 кызматына белгисиз жаран бир кишини сабап жаткандыгы тууралуу маалымат түшкөн. Көп өтпөй социалдык тармактарда бирөө эс-учу жок жаткан кишини ур-тепкиге алып, кийин автоунаага түшүп кетип калган видео тараган.

Милициянын маалыматына караганда, сабалган адам тирүү. Ошондой эле ал кол салган кишинин автосун айдай качкан деп шектелүүдө.

Насыя үчүн аялын өлтүрө сабаган зөөкүр. Июлдагы соттук чечимдер

"Ыкчам-иликтөө иштеринин натыйжасында шектүү катары 1986-жылы туулган жаран кармалып, Свердлов районунун тергөө кызматына өткөрүп берилди", — деди Айтикул уулу.

Аталган факт Жазык кодексинин 139-беренесине ("Ден соолукка оор залака тийгизүү") ылайык Кылмыш жана жоруктардын бирдиктүү реестрине каттоого алынды.

39
Белгилер:
видео, автоунаа, кылмыш, эркек, милиция, Бишкек
Тема боюнча
Интерпол аркылуу изделген Түркиянын эки жараны Кыргызстанда кармалды
Ысык-Көл. Архив

Ысык-Көлдө 19 жаштагы жигит чөгүп кетти

77
(жаңыланган 10:15 14.08.2020)
Каргаша кечээ, 13-август күнү, түштөн кийинки маалда болгон. Маркумдун сөөгүн суудан куткаруучулар алып чыгып берген.

БИШКЕК, 14-авг. — Sputnik. Чолпон-Ата шаарында көлгө түшүп жаткан 19 жаштагы жигит чөгүп кеткенин ӨКМ билдирди.

Маалыматта кырсык 13-августта түштөн кийин болгону айтылат.

Маркумдун сөөгүн суудан куткаруучулар алып чыгып, ИИМ кызматкерлерине өткөрүп беришкен.

77
Белгилер:
Суу, жигит, Чолпон-Ата, Ысык-Көл облусу
Тема боюнча
Эс алам деп... Хакасиядагы жол кырсыгында кыргызстандык жигиттер каза болду
Көчмөндөрдүн үчүнчү дүйнөлүк оюндары. Архив

Көчмөндөр оюндарына даярдык башталды

0
(жаңыланган 13:39 14.08.2020)
Үч оюн Кыргызстанда өтүп, кезек Түркияга берилген. Бирок эпидемияга байланыштуу быйыл өтчү иш-чара эмдиги жылга жылдырылган.

БИШКЕК, 14-авг. — Sputnik. 2021-жылы Түркиянын Бурса провинциясында өтө турган Көчмөндөрдүн төртүнчү дүйнөлүк оюндарына даярдык расмий башталды. Бул тууралуу Кыргызстандагы аталган өлкөдөгү элчилигине таянуу менен Тышкы иштер министрлиги билдирди.

Маалыматка ылайык, Жаштар жана спорт дирекциясы менен Салттуу спорт федерациясы протоколго кол койгон.

FIFA президенти Инфантино Кыргызстанга азырынча келбей турган болду

"Кол коюу аземинде түрк тарап Оюндардын негиздөөчүсү катары Кыргызстандын ролун белгилеп, иш-чаранын дүйнө жүзүнө таанылуусуна кошкон салымын баалады. Даярдык тууралуу маалымат берип жатып, КР тарабынан калыптанган салттуу көрүнүштөр ошол боюнча каларына ишендирди. Оюндар Изник көлүнүн боюнда өтмөкчү", — деп айтылат билдирүүдө.

Эскерте кетсек, Көчмөндөр оюндары алгач үч ирет — 2014, 2016 жана 2018-жылдары Ысык-Көлдүн жээгинде өтүп, кийинки кезек Түркияга берилген болчу. Эки жылда бир өтчү иш-чара быйылкы эпидемиологиялык абалдан улам 2021-жылга жылдырылган.

0
Белгилер:
даярдык, Кыргызстан, Түркия, Дүйнөлүк көчмөндөр оюндары
Тема боюнча
КМШ өлкөлөрүнүн биринчи спорттук турнирин сентябрда өткөрүү пландалууда
Түркия Көчмөндөр оюндарын быйыл өткөрбөй турган болду