Автомат Калашникова. Архивдик сүрөт

Автоматын таппай төлгөчүгө барган жоокерлер... 90-жылдардагы кылмыштар

1322
(жаңыланган 17:49 06.09.2019)
Мындан 25 жыл мурун сентябрь айында бир топ чуулгандуу кылмыштар катталган. Sputnik Кыргызстан агенттиги гезит беттерин барактап айрымдарын тизмектейт.

Төбө чачты тик тургузган окуялардын арасында Бишкектин чок ортосундагы куралдуу кол салуу, уурдалган курал-жарактар да бар.

Бишкектиктерди куруткан ууру

Бир нече жолу соттолуп акыркы мөөнөтүндө түрмөдөн качып кеткен жаш жигит бишкектиктерди курутуп келген. Жакшынакай кийинип алып эртең менен эрте көчөгө чыгып, көп кабаттуу үйлөрдүн ачык терезелерин караштырчу. Турак жайга кирүүгө ылайыктуусун тапканда эшикти тыкылдатып, эч ким чыкпаса терезе аркылуу кирип өз ишин жасап кетип калчу. Кээде ал түшкө чейин эле үч-төрт батирди уурдаганга жетишчү. Негизинен ал зер буюмдарды, акча жана жеңил үй техникаларын алып жөнөчү. Жүзгө жакын батирди карактаган эргул үй ээлерин миллиондогон сомго чейинки зыянга учураткан.

Оштун чок ортосундагы атышуу

Мамлекеттик ишканада иштеп кеткен 45 жаштагы адам жеке компаниянын ээсин өлтүрүүгө буюртма берген. Ал кылмышка 13 адам катышкан. Арасында киллерге курал берген Мамлекеттик коопсуздук комитетинин үч кызматкери да болгон. Кол салуу маалында такси унаасынын айдоочусуна да ок тийип, ал көз жумган. Ал эми ишкерге буга чейин эле алты жолу кол салуу болуп, алтоонон тең аман калган. Кийин укук коргоо органдары ал топтун изине түшүп, Ош шаарынын чок ортосунда атыша кетишкен. Андагы кармоо операциясында чекисттер менен кылмышкерлер тирешкен.

Көчөгө гранатомет көтөрүп чыккан

Борбор калаадагы "Тянь-Шань" ресторанына келген конокторду кылмышкер гранатомет менен аткан. Окуя кечкурун болуп, ок унаалардын бирине тийип, анда отурган эки келин катуу жаракат алган. Иликтөө ишине милиционерлерден сырткары атайын кызматтагылар да тартылган. Ок кимге багытталганы билинбеген боюнча калган.

Уйкучу жоокер

Аскерде кызмат өтөгөн жоокер түндө күзөттө туруп уктап калып, колундагы автоматын эки магазин огу менен алдырып ийгенин сезген эмес. Жоокер ойгонгондон кийин жетекчилик аскердин баарына куралды таап келүү тапшырмасын берген. Алар бир нече районду текшерип таппай коюшкан. Айласы кеткен аскер бөлүгүнүн башчысы автоматты тапкан адамга 3000 сом сыйлык бере тургандыгын да айткан. Аскер кызматкерлери төлгөчү, көзү ачыктарга жардам сурап кайрылып, алар куралдын кайсы жерде жатканын айтып беришкен. Укук коргоо кызматкерлери ал үйгө барып мыйзамсыз сакталган эки винтовканы таап чыгышкан. Бирок ал курал-жарак изделген автомат эмес болгон.

Күйөөсүн "тынчыткан" келин

Чоң Чүй каналынан милиционерлер каза болгон эркектин сөөгүн табышкан. Погончондор узак убакыт анын өздүгүн аныктай албай убара болуп, кийин манжалардын изи менен ким экендигин тактаган. Ал буга чейин аялын өлтүрүп темир тор артында отуруп чыккан 47 жаштагы адам болгон. Тергөө маалында маркум мас болуп үйгө келип, экинчи аялы менен балдарына тынчтык бербей койгону аныкталган. Келин эки сиңдиси менен эркекти алдап-соолап төшөккө жаткырып, уктагандан кийин колу-бутун керебетке байлап жип менен муунтуп өлтүргөн. Андан соң сөөктү велосипедге жүктөп барып, кийимдерин чечип чоң сууга салып жиберген.

1322
Белгилер:
газета, кылмыш, 90-жылдар, Кыргызстан
Тема боюнча
Баткен прокурорунун өлүмү: шектүүнү үч кылмышка айыпталган судья соттоп жатат
Медициналык кызматкерлер COVID-19дан каза болгон адамдын өрттөө үчүн көтөрүп жатышат. Архив

Сөөгү өрттөлүп, о дүйнөгө узаган "маркум" кайтып келди. Индиядагы окуя

283
(жаңыланган 19:37 29.11.2020)
Эркек киши коронавирус инфекциясы менен ооруканага жаткырылып, бир нече күндөн кийин каза болду деген кабар келген.

БИШКЕК, 29-ноя. — Sputnik. Индияда эркек киши үй-бүлөсү сөөгүн ооруканадан алып кетип өрттөп салгандан бир жумадан кийин үйүнө келди. Бул тууралуу NDTV телеканалына таянуу менен РИА Новости жазды.

Ноябрдын башында 75 жаштагы кишини коронавирус инфекциясы менен ооруканага жаткырышкан. Бир нече күндөн кийин ал каза болду деген кабар жакындарына угузулган. Сөөгү вирусту алдын алуу протоколуна ылайык сакталып, жакындарына анын бети гана көрсөтүлгөн.

Туугандарынын айтымында, сөөктү өрттөп, атайын ырым-жырымды өткөрүүгө даяр турушкан. Бирок аларга ооруканадан чалышып, сакайып чыккан жакынын алып кетүүнү өтүнүшкөн.

"Биздин оозубуз ачылып калды. Атабызды аман-соо үйгө алып келдик. Бирок кимдин сөөгүн өрттөгөнүбүздү билбейбиз", — деген кишинин уулу.

Кийин териштире келгенде, үй-бүлө мүчөлөрү коронавирус жуктурган дагы бир улгайган бейтапты кремациялаганы белгилүү болгон.

283
Белгилер:
өрттөө, сөөк, коронавирус, Индия
Тема:
Дүйнөгө жайылган коронавирус
Тема боюнча
Казакстанда эки ай мурда сөөгү жерге берилген адам үйүнө кайтып келди
Париждеги глобалдык коопсуздук жөнүндөгү мыйзам долбоорго каршы митинг

Унаалар өрттөлүп, ок атылды. Франциядагы башаламандыктын видеосу

211
(жаңыланган 00:15 29.11.2020)
Каршылык акциясынын катышуучулары полиция кызматкерлерин көздөй петарда жана бөтөлкө ыргытып жаткан видео тарады. Мындай көрүнүш акция башталгандан 1,5 саат өткөндөн кийин болгон.

БИШКЕК, 28-ноя. – Sputnik. Париждеги (Франция) тынчтык митингинде башаламандык жаралып, демонстранттар менен полиция кагыша кетти. Бул тууралуу Russia Today агенттигинин Telegram-каналына жарыяланды.

Жарандар глобалдык коопсуздук жөнүндөгү мыйзам долбоорго каршы митингге чыгышкан. Андагы пунктулардын бирине ылайык, физикалык жана психикалык жактан зыян келтирүү максатында полиция адамынын сүрөтүн же идентификациялоонун кайсы бир элементин жайылткандарга бир жыл абакта отуруу жана 45 миң евро айып пул салынат.

Акцияга жарандардан сырткары ЖМК өкүлдөрү, адвокаттар жана бир нече парламентарийлер катышкан.

Кийинчерээк каршылык акциясынын катышуучулары полиция кызматкерлерин көздөй петарда жана бөтөлкө ыргытып жаткан видео тарады. Мындай көрүнүш акция башталгандан 1,5 саат өткөндөн кийин болгон.

Андан соң митингчилер менен укук коргоочулар кагыша кеткен.

Башаламандык учурунда бир нече унаа жана мотоцикл өрттөлгөн.

Көчөлөрдөн кулак тундуруучу гранаталардын үнү угулуп турган.

Маалыматка караганда, демонстранттардын айрымдары дүкөндөрдүн витриналарын жана унааларды талкалашкан.

211
Белгилер:
Митинг, башаламандык, Франция
Тема боюнча
Нарышкин: Россиянын Тышкы чалгын кызматы үчүн ЦРУ башкы атаандаш
Студент сабак учурунда. Архив

Сурабалдиева ЖОЖ, мектеп, бала бакчалардын качан иштей турганын айтты

367
(жаңыланган 23:21 29.11.2020)
Өкмөттүн мүчөсү өлкөдөгү бала бакчалардын иши боюнча бир катар маселелери бар экенин белгилеп өткөн.

БИШКЕК, 29-ноя. — Sputnik. Кыргызстандагы жогорку окуу жайлар жаңы жылдан кийин иштейт баштайт. Ал эми бала бакчалар боюнча айрым татаалдыктар бар. Бул тууралуу вице-премьер Эльвира Сурабалдиева соцтармактагы баракчасы аркылуу билдирди.

​Суроо бергендерге жооп берип жатып өкмөт мүчөсү мектептерди ата-энелердин суранычынын негизинде ачуу маселеси турганын белгиледи.

​Сурабалдиеванын айтымында, азыр оору жайылып кетсе, илдетке кабылгандардын агымын тейлөөгө ооруканалар, тийиштүү кызматтар жетише алабы деген гана көйгөй турат.

"Ансыз деле ата-энелер улам бир мугалимге акы төлөп барып жатышат. Демек азыркыдай махинациянын зарылдыгы жок", — деп жазган чиновник.

Белгилей кетсек, республиканын айрым жерлеринде мектептер, бала бакчалар иштеп жатат. Эпидемиологиялык абал курч деген аймактарда гана окуу онлайн жүрүүдө.

367
Белгилер:
өкмөт, Эльвира Сурабалдиева, бала бакча, ЖОЖ, мектеп
Тема:
Коронавируска байланыштуу Кыргызстандагы кырдаал
Тема боюнча
Бишкектин кинотеатрлары качан ачылары айтылды
Бишкекте бир шарт менен компьютердик клубдардын ишин жандантуу каралууда