Футбол ойногон балдар. Архивдик сүрөт

Бишкекте 5-класстын окуучусун дене тарбия сабагында футбол дарбазасы басып калды

487
(жаңыланган 11:45 09.09.2019)
Баланын башы жарылганы айтылды.

БИШКЕК, 8-сен. — Sputnik. Бишкекте 5-класстын окуучусун футбол дарбазасы басып калганын Sputnik Кыргызстан агенттигине Саламаттыкты сактоо министрлиги билдирди.

Кырсык 6-сентябрь күнү Ак-Ордо конушундагы мектептердин биринде дене тарбия сабагы учурунда болгон. Алгач тестиер кайра жандандыруу бөлүмүнө жаткырылып, кийин балдар клиникалык ооруканасынын нейрохирургия бөлүмүнө которулган. Азырынча абалы орточо оор деп бааланууда.

"Баланын башы жарылган. Ооруканага эсин жоготкон абалда алып келишти", — дешти министрликтен.

Ушу тапта Бишкек милициясы окуянын чоо-жайын тактап жатат.

487
Белгилер:
баш, дарбаза, футбол, оорукана, Дене тарбия, окуучу
Тема боюнча
Балыкчыдагы батут кырсыгы: 3 жашар кыздын абалы оор
Чек ара көзөмөл пункту. Архив

Чек арадагы ок атуу: тажикстандык көз жумду деген маалымат такталып жатат

69
(жаңыланган 17:03 06.08.2020)
Бүгүн эртең менен кыргыз-тажик чек арасында коңшулар тараптан ок атуу болуп, Кыргызстандын чек арачысы жаракат алгандыгы тууралуу маалымат тараган.

БИШКЕК, 6-авг. — Sputnik. Кыргызстандын Мамлекеттик чек ара кызматы тарабынан бүгүнкү окуяда тажик жараны көз жумду деген маалымат такталып жатат. Бул тууралуу ведомствонун маалымат кызматынан билдиришти.

Бүгүн эртең менен кыргыз-тажик чек арасында коңшулар тараптан ок атуу болуп, Кыргызстандын чек арачысы жаракат алгандыгы тууралуу маалымат тараган. Баткен облусунун Эки-Таш аймагында Тажикстан тараптан белгисиз адамдар аңчылык курал менен Кыргызстандын чек ара кызматынын аскерине ок атып, ал аскердин колун тешип өткөнү маалым болгон.

Казак чек арасындагы чатак: мигранттар алдамчылардын торуна кантип түштү

Чек ара кызматынан билдиришкендей, эки өлкөнүн тиешелүү органдарынын ортосунда сүйлөшүү иштери жүрүп жатат. Тажик тарап бир жарандын өлүмү жана аскердин жаракат алгандыгы боюнча айтты. Маалымат такталып жатат.

Бул учурда Баткен облусунда укук коргоо органдары бир тараптуу иликтөө иштерин баштады.

 

69
Белгилер:
маалымат, өлүм, чек ара, Тажикстан, Кыргызстан
Тема боюнча
Кыргыз-тажик чек арасында ок атылып, кыргызстандык аскер жаракат алды
Бириккен Араб Эмирлигинин түндүк-чыгышындагы Аджман аймагындагы базарда ири өрт учурунда

Бириккен Араб Эмирлигинде базарда ири өрт чыкты. Видео

136
(жаңыланган 16:01 06.08.2020)
Маалыматка караганда, өрт 5-августта жергиликтүү убакыт менен саат 18:30да башталган. Тилсиз жоо менен өрт өчүрүүчүлөр 2,5 саат күрөшкөнү айтылат.

БИШКЕК, 6-авг. — Sputnik. Бириккен Араб Эмирлигинин түндүк-чыгышындагы Аджман аймагындагы базарда ири өрт чыкты. Бул тууралуу The National жазды.

Маалыматка караганда, өрт 5-августта жергиликтүү убакыт менен саат 18:30да башталган. Тилсиз жоо менен өрт өчүрүүчүлөр 2,5 саат күрөшкөнү айтылат.

​Жергиликтүү полиция жетекчисинин айтымында, базардын айрым жерлери такыр эле өрттөнүп, күлү гана калды. Бирок жабыркагандар болгон жок. Анткени акыркы төрт айдан бери карантинге жабылып турган.

Үрөй учурган жарылуу болгон жерден алынган 14 сүрөт. Бейруттагы трагедия

Учурда полиция өрттүн себебин иликтеп жатат.

136
Белгилер:
видео, өрт, базар, Бириккен Араб Эмирлиги
Тема боюнча
Жүрөктү титиретет! Бейруттагы  катуу жарылуунун видеосу 
Бишкек шаары. Архив

Газдаштырууну тездетели. Өкмөт Бишкектин абасын тазартуу жолдорун талкуулады

18
(жаңыланган 18:11 06.08.2020)
Кыска мөөнөттүн ичинде абага чыккан зыяндуу заттарды азайтып, аны тазалоодо конкреттүү натыйжаларга жетүү аракети каралууда.

БИШКЕК, 6-авг. — Sputnik. Өкмөттө 2020-2023-жылдарга карата Бишкек шаарынын жана Сокулук, Аламүдүн райондорунда экологиялык абалды жакшыртуу боюнча комплекстүү чаралардын планы талкууланды. Бул туурасында өкмөттүн маалымат кызматынан кабарлашты.

Отурумда "Газпром Кыргызстан" ишканасынын Бишкек шаарынын айланасындагы калктуу конуштарды газдаштыруу ишинин жүрүшү жана Бишкек ЖЭБин оңдоодо аткарылган жумуштар талкууланды. Компанияга өлкөнү газдаштыруу боюнча иштерди ылдамдатуу мүмкүнчүлүгүн карап чыгуу сунушу киргизилди.

Онлайн режиминде өткөн жыйындын катышуучулары ошондой эле борбордун от казандарын жаратылыш газына өткөрүү маселелерин талкуулаган.

Бул биздин шаар! Ыш баскан Бишкектин сүрөтү

Жыйынды өткөргөн биринчи вице-премьер  Алмазбек Баатырбеков абага чыккан зыяндуу заттарды азайтууга багытталган милдеттерди аткаруу учурдун талабы экендигин дагы бир ирет эске салган.

Күз-кыш мезгилинин жакындап келаткандыгына байланыштуу Бишкекти жана анын айланасын каптаган түтүн маселеси көйгөйлүү экени, бул өзгөчө кышында байкалганы айтылган.

"Абанын булганышы адамдын ден соолугуна жана иммунитетине терс таасирин тийгизет. Учурдагы кырдаалды эске алуу менен, жасалчу иштердин планын кайра карап чыгуу зарыл. Бюджеттин мүмкүнчүлүгүнө жараша иш-чараларды жүзөгө ашыруунун конкреттүү мөөнөттөрүн белгилөө боюнча сунуштарын айткыла. Кыска мөөнөттүн ичинде абага чыккан зыяндуу заттарды азайтып, аны тазалоодо конкреттүү натыйжаларга жетүү үчүн бардык күч-аракетти жумшоо шарт", — деген Баатырбеков.

Түндө салют атылгандан кийин Бишкектин абасы канчалык булганганы айтылды

Отурумда тармактык мамлекеттик органдарга Бишкек ЖЭБ оңдоо ишин өз мөөнөтүндө жана толук көлөмдө бүткөрүү милдеттендирилген. Зыяндуу заттардын абага ташталуу деңгээлин жана аталган объектилердеги пайдаланылган отундун сапатын тийиштүү көзөмөлдөө боюнча бир катар тапшырмалар берилген.

18
Белгилер:
ЖЭБ, газ, экология, Аламүдүн району, Сокулук, Бишкек, Кыргызстан
Тема боюнча
Бишкек чулгаган ыштан улам көрүнбөй калды. Тоодон тартылган видео