Футбол ойногон балдар. Архивдик сүрөт

Бишкекте 5-класстын окуучусун дене тарбия сабагында футбол дарбазасы басып калды

489
(жаңыланган 11:45 09.09.2019)
Баланын башы жарылганы айтылды.

БИШКЕК, 8-сен. — Sputnik. Бишкекте 5-класстын окуучусун футбол дарбазасы басып калганын Sputnik Кыргызстан агенттигине Саламаттыкты сактоо министрлиги билдирди.

Кырсык 6-сентябрь күнү Ак-Ордо конушундагы мектептердин биринде дене тарбия сабагы учурунда болгон. Алгач тестиер кайра жандандыруу бөлүмүнө жаткырылып, кийин балдар клиникалык ооруканасынын нейрохирургия бөлүмүнө которулган. Азырынча абалы орточо оор деп бааланууда.

"Баланын башы жарылган. Ооруканага эсин жоготкон абалда алып келишти", — дешти министрликтен.

Ушу тапта Бишкек милициясы окуянын чоо-жайын тактап жатат.

489
Белгилер:
баш, дарбаза, футбол, оорукана, Дене тарбия, окуучу
Тема боюнча
Балыкчыдагы батут кырсыгы: 3 жашар кыздын абалы оор
Баткенде кармалган тажик жарандарынын оор жүк ташуучу унаалар

Милиция Баткенде кармалган тажикстандык фуралардагы жүктү көрсөттү. Сүрөт

135
(жаңыланган 12:53 12.05.2021)
Милициянын берген маалыматы боюнча, бул автоунаалар Тажикстанда кармалып турган кыргызстандыктардын жети фурасы менен алмашылат.

БИШКЕК, 12-май — Sputnik. Баткенде кармалган тажик жарандарынын оор жүк ташуучу унаалары Россиядан келе жатканын облустук милиция билдирди.

ОИИБдин маалымат кызматы фуралар турмуш-тиричилик үчүн колдонулган күнүмдүк керектелүүчү буюмдарды жүктөп баратканын көрсөтүп, сүрөтүн жарыялады.

Белгилей кетсек, кечээ, 11-майда, тажик жарандарынын үч фурасы Баткен шаарынын кире беришинде жергиликтүүлөр тарабынан токтотулган. Автоунааларды ички иштер органынын кызматкерлери коштоп бара жаткан.

Милиционерлер фураларды Оштон Баткен облустук милициясынын унаа токтотуучу жайына алып баратканын билдиришкен. Тажик жарандарынын коопсуздугу үчүн коштоп баруу чечими кабыл алынганы айтылган. Бул жүк ташыган унаалар Тажикстанда кармалып турган кыргызстандыктардын жети фурасы менен алмашылары белгиленди.

135
Белгилер:
милиция, буюм, фура, Баткен облусу
Тема боюнча
Тажикстандын фураларын коштогон милиционерлерге карата териштирүү башталды
Лейлекте чек ара чырында уурдалган 16 унаанын үчөө Тажикстандан кайтарылды
ИИМ кызматкерлери. Архив

Тажикстандын фураларын коштогон милиционерлерге карата териштирүү башталды

102
(жаңыланган 12:40 12.05.2021)
Кечээ тажик жарандарынын үч фурасы Баткен шаарынын кире беришинде жергиликтүүлөр тарабынан токтотулган болчу.

БИШКЕК, 12-май — Sputnik. Баткенде Тажикстандын жүк ташуучу унааларын коштоп жүргөн ички иштер органдарынын кызматкерлерине карата кызматтык териштирүү башталды. Бул туурасында Баткен облустук милициясынын маалымат кызматы билдирди.

Белгилей кетсек, кечээ, 11-майда, тажик жарандарынын үч фурасы шаардын кире беришинде жергиликтүүлөр тарабынан токтотулган. Ошол учурда аны коштоп келе жаткан ИИМ кызматкерлери жарандар менен урушуп, сөгүнүп-сагынган видеосу тараган.

"Фуралар эл тарабынан токтотулганда ички иштер органдарынын айрым кызматкерлери жарандарга орой мамиле жасап, жергиликтүү тургундар менен сөгүшүп жаткан видео соцтармакка тарап, милициянын беделине шек келтирди. Кызматкерлер жүрүм-турум нормаларына туура келбеген жагдайларды жараткандыгы үчүн ички иликтөө кызматы тарабынан кызматтык териштирүүлөр башталды. Анын жыйынтыгы менен тартиптик чара көрүлөт", — деп айтылат маалыматта.

Милиционерлер аталган фураларды Оштон Баткен облустук милициясынын унаа токтотуучу жайына алып баратканын билдиришкен. Жүк ташуучу унаалар Тажикстанда кармалып турган кыргызстандыктардын жети фурасы менен алмаштырылары айтылган.

102
Белгилер:
милиция, териштирүү, Жаңжал, фура, Тажикстан
Тема боюнча
Милиция: Баткенде кармалган Тажикстандын 3 фурасы кыргыздардыкына алмаштырылат
Лейлекте чек ара чырында уурдалган 16 унаанын үчөө Тажикстандан кайтарылды
Президент Садыр Жапаров. Архив

Кайсы маселе каралат? Парламент кезексиз жыйынга чогулуп, Жапаров сөз сүйлөйт

0
(жаңыланган 13:31 12.05.2021)
Жыйынды президент Садыр Жапаров демилгелеп чакырып жатканы айтылууда. Азырынча кандай маселе каралары так кабарлана элек.

БИШКЕК, 12-май — Sputnik. Парламенттин маалымат кызматы дүйшөмбү, 17-май күнү, Жогорку Кеңештин депутаттары кезексиз отурумга чогуларын билдирди.

Жыйынды президент Садыр Жапаров демилгелеп чакырып жатканы айтылууда. Ал күнү мамлекет башчы депутаттардын алдында билдирүү жасайт. Парламенттин да, президенттин да маалымат кызматы жыйындын күн тартибин айткан жок.

Депутат Жанар Акаев ага чек ара боюнча маселе караларын айтып, кезексиз отурумга чакырышканын билдирди.

Ал эми эл өкүлү Дастан Бекешев менен "Ата Мекен" фракциясынын лидери Сайдулла Нышанов азырынча так билбей турганын, бирок "Кумтөр" маселеси талкууланышы мүмкүн деген пикирин билдиришти.

Sputnik Кыргызстандын кабарчысы мындан башка дагы бир нече депутатка телефон чалганда күн тартиби тууралуу биле электигин айтышты.

Белгилей кетсек, Жогорку Кеңештин депутаттары жуманын шаршемби, бейшемби күндөрү жалпы жыйын өткөрөт. Бирок бүгүн отурум болгон жок, эртеңкиси Орозо айт майрамына карата эс алуу күнүнө туш келип калды.

0
Белгилер:
кезексиз жыйын, билдирүү, Садыр Жапаров, президент, парламент
Тема боюнча
Министрлер кабинетинин курамын парламент эмнеге караган жок. Түшүндүрмө