Последствия ДТП по проспекту Чингиза Айтматова в Бишкеке

Талкаланып калыптыр! Бишкекте эки унаа менен автобус кагышкан кырсык болду

6299
(жаңыланган 16:55 09.09.2019)
ӨКМ менен ЖКККБ маалыматты тактап жатат.

БИШКЕК, 9-сен. — Sputnik. Бишкекте эки унаа менен автобус кагышып кетти.

Последствия ДТП по проспекту Чингиза Айтматова в Бишкеке
© фото очевидца, отправленное по WhatsApp-каналу
Бишкекте эки унаа менен автобус кагышып кетти

Жерине Жол кыймылы коопсуздугун камсыздоо башкармалыгынын кызматкерлери жөнөп кетти. ӨКМ менен ЖКККБ маалыматты тактап жатат.

Последствия ДТП по проспекту Чингиза Айтматова в Бишкеке
© фото очевидца, отправленное по WhatsApp-каналу
Күбөлөрдүн айтымында, каза болгондор болушу мүмкүн

Окуянын сүрөтүн окурман Sputnik Кыргызстан агенттигинин WhatsApp-каналына жөнөттү.

Сүрөттө көрүнүп тургандай, унаалар автобустай эле талкаланып калган. Күбөлөрдүн айтымында, каза болгондор болушу мүмкүн. Бирок бул маалымат тактала элек.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.
6299
Белгилер:
автобус, унаа, күбө, жол кырсык, Бишкек
Тема:
Өкмөттүк трассада төрт уландын өмүрүн алган кырсык (8)
Тема боюнча
Бишкекте балдары менен бараткан аялды унаа коюп, 6 жашар кызы чарчап калды. Видео
Оорукана. Архив

Аксыда ууланып көз жумгандар жакын туугандар болгон. Окуянын чоо-жайы

175
(жаңыланган 18:56 04.03.2021)
Кара-Суу айыл аймагынын 65 жаштагы тургуну туугандарын 23-февраль жана 8-март майрамына карата кафеге чакырган.

БИШКЕК, 4-мар. — Sputnik. Аксыда ууланып каза болгондор жакын туугандар болгон. Бул тууралуу Жалал-Абад облустук ички иштер башкармалыгынан билдиришти.

Алдын ала алынган маалымат боюнча, ушул жылдын 2-мартында болжол менен саат 14:00дөр чамасында Кара-Жыгач айыл аймагындагы ашканага Кара-Суу айыл аймагынын Э.Б. аттуу 65 жаштагы тургуну буюртма берген.

Ал өзүнүн жакын туугандарын 23-февраль жана 8-март майрамына карата чакырган. Ага 19 адам барган. Аталган ашканадан тамак берилип, меймандар спирт ичимдиктерин да ичишкен.

Коноктор болжол менен саат 16:30дар чамасында үйлөрүнө тарап кетишкен. Эртеси, 3-март күнү кечинде, болжол менен саат 23:00дөр чамасында сый тамакка чакырылган коноктордун арасынан алты адам Кызыл-Туу айыл аймагына караштуу үй-бүлөлүк дарыгерлер бөлүмүнө жакын туугандары тарабынан жеткирилген. Аларга тиешелүү медициналык жардам көрсөтүлгөн. Бирок абалы оор болгондуктан жергиликтүү дарыгерлер аларды Аксы аймактык ооруканасына жиберген. Үч адам үйүндө каза болсо, дагы үчөө райондук ооруканада көз жумган.

Факты 4-март күнү Аксы РИИБ тарабынан Кылмыш жана жоруктардын бирдиктүү реестрине Жазык кодексинин 280-беренеси ("Санитардык-эпидемиологиялык эрежелерди бузуу") менен катталып, сотко чейинки өндүрүш иши ачылган.

Учурда тиешелүү экспертизанын жыйынтыктары алынып, тергөө иштери улантылып жатат.

Буга чейин каза болгондордун ким экени такталган.

175
Белгилер:
майрам, уулануу, Аксы, Кара-Суу району
Тема боюнча
Конокко барышкан. Аксыда ууланып каза болгондордун саны 6 адамга жетти
Аксыда ууланып каза болгондордун ким экени такталды. Тизме
Өлүккананын кызматкерлери. Архив

Бишкекте кишинин сөөгү табылып, туугандары изделип жатат

81
(жаңыланган 18:02 04.03.2021)
Милиция маркумдун өзгөчө белгилерин жана кийимдерин жарыялады. Укук коргоочулар тааныгандар же күбөлөр болсо кабарлап коюуну суранышты.

БИШКЕК, 4-мар. — Sputnik. Бишкектин Чуйков көчөсүндө кишинин сөөгү табылды. Бул тууралуу Биринчи май райондук ички иштер башкармалыгынан билдиришти.

Маркумдун болжолдуу курагы — 35-40 жаш. Бою 175-177 сантиметр, дене түзүлүшү орточо, чачы кара түстө, ак чачтары дагы бар.

  • Бишкектин Чуйков көчөсүндө кишинин сөөгү табылды
    Бишкектин Чуйков көчөсүндө кишинин сөөгү табылды
    © Фото / пресс-служба УВД Первомайского района
  • Маркумдун болжолдуу курагы — 35-40 жаш. Бою 175-177 сантиметр, дене түзүлүшү орточо, чачы кара түстө, ак чачтары дагы бар
    Маркумдун болжолдуу курагы — 35-40 жаш. Бою 175-177 сантиметр, дене түзүлүшү орточо, чачы кара түстө, ак чачтары дагы бар
    © Фото / пресс-служба УВД Первомайского района
  • Өзгөчө белгилери: сол ийининде кыздын элеси түшүрүлгөн татуировка тартылган. Үстүнкү жаагында металлдан жасалган тиши бар
    Өзгөчө белгилери: сол ийининде кыздын элеси түшүрүлгөн татуировка тартылган. Үстүнкү жаагында металлдан жасалган тиши бар
    © Фото / пресс-служба УВД Первомайского района
1 / 3
© Фото / пресс-служба УВД Первомайского района
Бишкектин Чуйков көчөсүндө кишинин сөөгү табылды

Өзгөчө белгилери: сол ийининде кыздын элеси түшүрүлгөн татуировка тартылган. Үстүнкү жаагында металлдан жасалган тиши бар.

Милиция сөөктү таанууга анын туугандарын издеп жатат. Кишинин үстүндө кара күрмө, Nike эмблемасы тартылган кызыл түстөгү спорт кийими, көк кофта, кара шым жана ак байпак кийип жүргөн. Сөөктүн жанынан кара ботинка табылган.

Маркумду тааныгандар же күбөлөр болсо (0704) 10-27-02, (0554) 10-21-48, (0312) 54-32-48 номерлерине же 102 кызматына кайрыла алышат.

81
Белгилер:
маркум, сөөк, милиция, Бишкек
Тема боюнча
Тоңуп калган. Кеминде мал айдап келем деп кайтпай калган аялдын сөөгү табылды
Кочкордо киши колдуу болгон келиндин сөөгү табылды. Шектүү изделүүдө
Кол чатыр көтөргөн адам. Архив

Жума күнүнө карата аба ырайы

0
5-мартка караган түнү республиканын тоолуу райондорунда кар жаашы болжолдонууда. Жолдорго муз тоңуп, тайгак болот.

БИШКЕК, 4-мар. — Sputnik. Жума күнү күндүз республика боюнча жаан-чачын күтүлөт. Кээ бир аймактарда туман түшөт. Батыштан соккон шамалдын ылдамдыгы секундасына 4-9 метрге жетет. Бул тууралуу Кыргызгидромет билдирди.

Абанын температурасы Чүй, Ысык-Көл облустарында +1…+6, Таласта 0…+5, Ош, Жалал-Абад, Баткен аймактарында +5…+10, Нарын өрөөнүндө -3…+2 градус болот.

Бишкек жана Ош шаарларында жамгыр жаап, карга айланат. Күндүн табы борбордо +3…+5, Ош шаарында +8…+10 градус болот.

0
Белгилер:
Кыргызстан, аба ырайы
Тема боюнча
Марттан тарта шаардагы көчө шыпырган "тазалыкчылардын" айлыгы көтөрүлмөй болду