Ысык-Көл облусунда ылдамдыгы 25 метрге жеткен катуу шамал болуп, 30дан ашык турак жайдын чатырын алды

Ысык-Көлдө катуу шамалдан 40ка чукул турак жай чатырсыз калды. Сүрөт

217
(жаңыланган 10:30 12.09.2019)
Табигый кырсык боюнча жергиликтүү органдар Өзгөчө кырдаалдар министрлиги менен комиссия түзүп, канча кишинин турак жайы авариялык абалда калганын эсептеп чыгышмакчы.

БИШКЕК, 11-сен. — Sputnik. Ысык-Көл облусунда ылдамдыгы 25 метрге жеткен катуу шамал болуп, 30дан ашык турак жайдын чатырын алды. Бул тууралуу өкмөттүн Ысык-Көлдөгү өкүлүнүн маалымат катчысы Жаныбек Кожоев билдирди.

  • Последствия сильного ветра в городе Каракол Иссык-Кульской области
    Ысык-Көл облусунда ылдамдыгы 25 метрге жеткен катуу шамал болуп, 30дан ашык турак жайдын чатырын алды
    © Sputnik
  • Последствия сильного ветра в городе Каракол Иссык-Кульской области
    Кырсык болгон жерлерге облус башчысы Акылбек Осмоналиев, Каракол шаарынын башчысы Адыл Каниметов, тиешелүү органдар барып чатырсыз калган жарандар менен жолуккан
    © Sputnik
  • Последствия сильного ветра в городе Каракол Иссык-Кульской области
    Табигый кырсык боюнча жергиликтүү органдар өзгөчө кырдаал министирлиги менен комиссия түзүп, канча кишинин турак жайы авариялык абалда калганын эсептеп чыгышмакчы
    © Sputnik
  • Последствия сильного ветра в городе Каракол Иссык-Кульской области
    Каракол шаардык кеңешинин депутаты Азамат Айтпаев 12-сентябрда шаардык кеңештин депутаттары кезексиз сессия өткөрөрүн маалымдады.
    © Sputnik
1 / 4
© Sputnik
Ысык-Көл облусунда ылдамдыгы 25 метрге жеткен катуу шамал болуп, 30дан ашык турак жайдын чатырын алды

Анын айтымында, кырсык болгон жерлерге облус башчысы Акылбек Осмоналиев, Каракол шаарынын башчысы Адыл Каниметов, тиешелүү органдар барып, чатырсыз калган жарандар менен жолуккан.

"Каракол шаарында табигый кырсыктан 38 турак жай, 19 чарба жайы, Ак-Суу районунда тогуз турак жай, бир күнөскана, "Чыгышэлектр" ААКка тиешелүү ишкана жана кирпич заводдун чатырлары учуп кеткен", - деди Кожоев.

Табигый кырсык боюнча жергиликтүү органдар Өзгөчө кырдаалдар министрлиги менен комиссия түзүп, канча кишинин турак жайы авариялык абалда калганын эсептеп чыгышмакчы.

Каракол шаардык кеңешинин депутаты Азамат Айтпаев 12-сентябрда шаардык кеңештин депутаттары кезексиз сессия өткөрөрүн маалымдады.

"Элге жардам берүү максатында акча жергиликтүү бюджеттен бөлүнөт. Суммасы жабыркагандардын саны такталгандан кийин белгилүү болот", - деди ал.

Айтпаев Жогорку Кеңештин депутаттарына, өкмөткө да кайрылып, материалдык жардам көрсөтүүнү өтүндү.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.
217
Белгилер:
табигый кырсык, шамал, Каракол, Ысык-Көл облусу
Тема боюнча
Жаан жаайт. Кыргызстан боюнча бир жумага карата аба ырайы
Индиядагы Кожикоде шаарында конуп жатканда кырсыкка учураган учак

Индиядагы учак кырсыгы: каза болгондордун саны 20га жетти

34
(жаңыланган 10:54 08.08.2020)
Дубайдан келген учактын ичинде 190 адам болгон. Лайнерде пандемиядан улам мекенине келе албай чек арада калган индиялыктар отурган.

БИШКЕК, 8-авг. — Sputnik. Индиядагы Кожикоде шаарында учак конуп жатканда кырсыкка учураган учакта каза болгондордун саны 20га жетип, 140ы жарадар болду. Бул туурасында Hindustan Times басылмасына шилтеме берип РИА Новости жазды.

Эске салсак, кечээ Индияда учак кырсыгы катталган. Алгач 17 киши каза болуп, 123ү жарадар болгондугу айтылган.

Маалыматка ылайык, каза болгондордун ичинде эки учкуч да бар. Дубайдан келген Boeing 737 учагынын ичинде 190 адам болгон. Алардын 174ү чоң адамдар, ону балдар жана алты экипаж мүчөсү. Учакта пандемиядан улам мекенине келе албай чек арада калган индиялыктар болгон.

34
Белгилер:
өлүм, кырсык, учак, Дубай, Индия
Тема боюнча
Иран 167 жүргүнчүсү менен атып түшүргөн учак үчүн компенсация төлөйт
14 киши көз жумду. Индияда учак экиге бөлүнүп кетип, кырсыктаган видео
Индиядагы Кожикоде шаарында учак конуп жатканда жерге катуу тийген

14 киши көз жумду. Индияда учак экиге бөлүнүп кетип, кырсыктаган видео

256
(жаңыланган 23:55 07.08.2020)
Алдын ала маалыматка ылайык, Boeing 737 учагы Дубайдан келген. Анын бортунда 170тен ашык жүргүнчү болушу мүмкүн экени айтылган.

БИШКЕК, 7-авг. — Sputnik. Индиядагы Кожикоде шаарында учак конуп жатканда жерге катуу тийип, 14 адам каза таап, 123ү жарадар болду. Бул туурасында РИА Новости ANI агенттигине шилтеме берип кабарлады.

Алдын ала берилген маалыматта, Дубайдан келген Boeing 737 учуп-конуучу тилкеден чыгып кетип, андан кийин экиге бөлүнүп калган.

Индиянын Авиация министрлигинен учактагы 174 жүргүнчүнүн ону балдар, бешөө экипаж мүчөсү болгонун кабарлады.

Кырсык болгон жерге Тез жардамдын 24 бригадасы жиберилген. Учактын алдыңкы бөлүгү үзүлүп түшкөндөн кийин, бардык жүргүнчүлөр эвакуацияланган.

"Бактыга жараша учак өрттөнүп кеткен жок", — деген маданият жана туризм министри Альфонс Каннантанам Twitter баракчасына маалымат чыгарып.

NDTV телеканалы кырсыктан улам 30 киши ооруканага жеткирилгенин айтат.

​Учактын алдыңкы бөлүгү толук бойдон талкаланып, учуу тилкесине жана анын чет жактарына сыныктар чачыраган.

Кералынын башкы министри Пинарайи Виджаян полиция, өрт өчүрүүчүлөргө жана тийиштүү чиновниктерге авиакырсыкка карата куткаруу жана медициналык жардам көрсөтүү боюнча чукул чараларды көрүүнү тапшырган.

256
Белгилер:
куткаруу, кырсык, учак, Индия
Тема боюнча
Бразилияда учак автожолго кулап, талкаланып калды. Видео
Оорукана. Архив

Кыргызстанда өткөн суткада коронавирустан 9 киши каза тапты

0
(жаңыланган 11:29 08.08.2020)
Акыркы күндөрү коронавирустан каза болгондордун саны акырындык менен азайып келатат. Бирок бийлик вирус дагы деле кооптуу экенин айтууда.

БИШКЕК, 8-авг. — Sputnik. Акыркы сутка ичинде Кыргызстан боюнча коронавирустан тогуз адам каза болду. Бул тууралуу Коомдук саламаттык сактоо башкармалыгынын башчысы Айнура Акматова билдирди.

COVID-19 илдетинен каза болгондордун жаңы учурлары, пневмонияны эсепке алганда төмөнкүдөй:

  • Бишкек – 4;
  • Ысык-Көл облусу – 1;
  • Ош облусу – 1;
  • Баткен облусу – 1;
  • Нарын облусу – 1.

Тилекке каршы, каза болгондордун жалпы саны 1460ка жетти.

0
Белгилер:
бейтап, өлүм, коронавирус, Кыргызстан
Тема:
Кыргызстандагы коронавирус жуктуруп алгандар
Тема боюнча
COVID-19 оорусу акыркы суткада 425 кишиден аныкталды
Кыргызстанда кечээ коронавирустан 517 адам айыкты