Ысык-Көлдөгү катуу шамал: башына шифер түшкөн адамга операция жасалды
(жаңыланган 14:06 13.09.2019)
Каракол шаары менен Ак-Суу районунда 10-сентябрда ылдамдыгы секундасына 25 метрге жеткен шамал болгон.БИШКЕК, 13-сен. — Sputnik. Ысык-Көлдүн Ак-Суу районунда болгон катуу шамалдан жабыр таркандардын бирине операция жасалды, бирок абалы оор бойдон калууда. Бул тууралуу район акими Акылбек Түкөбаев аймактык кабарчыга билдирди.
Белгилей кетсек, катуу шамал Каракол шаары менен Ак-Суу районунда болгон. Бороон район аймагындагы кирпич заводдун чатырын учуруп кетип, ал жакта иштеген эки кишинин башына шифер түшкөн. Алардын бири 32 жаштагы Мирлан Теңизбаев жандандыруу бөлүмүнө жаткырылган эле.
"Дарыгерлердин айтымында, Жон-Булак айылынын тургуну Мирлан Теңизбаевдин учурда абалы оор, жасалма дем алдыруу аппаратында жатат. Кечээги түнү Бишкек шаарынан дарыгерлер келип бейтапка операция жасашты, башынан суу алынды. Бирок эсине келе элек",— деди Түкөбаев.
Эске салсак, Каракол шаары менен Ак-Суу районунда 10-сентябрда болгон шамалдын ылдамдыгы секундасына 25 метрге жеткен.
Белгилер:
Бишкекте 14 жаштагы дагы бир өспүрүм кыз жоголду. Сүрөт
(жаңыланган 21:11 10.04.2021)
Кыздын энесинин айтымында, өспүрүм үч күн мурда Новосельский көчөсүндөгү үйүнөн чыгып кеткен боюнча кайтып келген эмес.БИШКЕК, 10-апр. — Sputnik. Бишкекте 14 жаштагы Феруза Сыдыкова жоголуп кетти. Бул тууралуу Свердлов райондук ИИБден билдиришти.
Кечээ күнү милицияга кыздын энеси кайрылган. Ал 7-апрель күнү түшкү саат 14:30да кызы Новосельский көчөсүндөгү үйүнөн чыгып кеткен боюнча кайтып келбегенин билдирген.
©
Фото / Пресс-служба УВД Свердловского района Бишкека
Бишкекте 14 жаштагы Феруза Сыдыкова жоголуп кетти
Өзгөчө белгилери: бою 160 сантиметр, дене түзүлүшү орточо, чачы узун. Үстүнө кара көйнөк, кара куртка жана кара бут кийим кийип жүргөн. Курсагынын оң жагында аппендицитти алгандан кийинки тырыгы бар (болжол менен 7 сантиметр).
Ферузанын жүргөн жерин билгендер болсо (0553) 10-23-87, (0557) 11-94-10, (0702) 49-88-88, (0709) 33-24-63 жана 102 номерине кабарлай алышат.
Борбор калаада 14 жаштагы Айбийке дагы дайынсыз болууда.
Аламүдүндө пара алган тергөөчү акчаны кайра кайтарып жатканда кармалды
(жаңыланган 16:31 10.04.2021)
Тергөөчү опузалап талап кылуу фактысы ачыкталып кетишинен кооптонуп, алган акчасын кайра кайтарып берүүнү чечкен.БИШКЕК, 10-апр. — Sputnik. Чүй облусуна караштуу Аламүдүн райондук милициясынын тергөөчүсү Д.Б. 2000 доллар пара алууга шектелип кармалды. Бул тууралуу УКМКнын маалымат кызматы билдирди.
УКМК тергөөчүнү ИИМдин ички иликтөө кызматы менен биргеликте колго түшүргөн.
"М. уулу Т. аттуу адамга карата иш козголгон. Тергөөчү Д. Б. ага моралдык-психологиялык кысым көрсөтүү менен сотко чейинки өндүрүштү токтотуу үчүн шектүүдөн 2000 доллар алган. Кийин опузалап талап кылуу фактысы ачыкталып кетишинен кооптонуп М. уулу Т. аттуу жаранга 1500 долларын кайтарып берген. Ал калган 500 долларын берип жаткан учурда кармалды", — деп айтылат маалыматта.
Аталган материал Жазык кодексинин 326-беренесинин 1-бөлүмү ("Опузалап пара алуу") боюнча Кылмыш жана жоруктардын бирдиктүү реестрине катталган.
Кармалган тергөөчү УКМКнын убактылуу кармоочу жайына киргизилди.
Учурда тиешелүү ыкчам-тергөө иштери жүргүзүлүүдө.
Атаандаштарын ары-бери тоголотуп. Айперинин беттештеги видеосу
(жаңыланган 23:05 10.04.2021)
76 килограмм салмакта күч сынашкан Айпери Медет кызы төрт беттеш өткөрүп, бардык атаандашын толук артыкчылык менен утту.Кыргызстандык балбан Айпери Медет кызы Олимпиада оюндарына жолдомо ойнотулган квалификациялык Азия мелдешинде бардык атаандашын 10 упай айырмасында утуп, чемпион болду. Айлампа системасы менен өткөн жарыштын төртүнчү бөлүгүндө монгол балбаны Бурмаа Очибатты утууга болгону бир жарым мүнөт керектелди.
©
Sputnik / Табылды Кадырбеков
Экинчи айлампада болсо өзбекстандык Шахрибону Эллиеваны 10:0 менен жеңип алды. Бул үчүн кыргыз кызына 50 гана секунда жетиштүү болду.
Ал эми эң биринчи беттешинде Медет кызы кореялык спортчу Соён Чон менен кармашып, адегенде бир упай алдырган. Кийин эки жарым мүнөттө эсепти 12:1ге айландырып салды.
Мелдеш Казакстандын Алматы шаарында өттү.
68 килограмм салмакта күч сынашкан Мээрим Жуманазарова финалда кытайлык Фэн Чжоу менен таймашып, упай айырмасында жеңилип, күмүш медаль тагынды.
Ал эми 57 килограммда күрөшкөн Назира Марсбек кызы эки жолу удаасы менен жеңилип, байгелүү орун үчүн таймашуу укугунан четтеп калды.