Люди на месте столкновения поезда с пассажирским автобусом в Алматинской области Казахстана.

Алматыдагы поезд менен автобустун кагышуусунан кийинки ызы-чуу. Видео

4126
(жаңыланган 11:41 08.10.2019)
Автобустун айдоочусу каза тапты. Ал 67 жүргүнчү менен келе жаткан. Аймакка жакын жайгашкан ооруканалар күчөтүлгөн тартипте иштеп жатышат.

БИШКЕК, 15-сен. — Sputnik. "Короче" Телеграмм-каналы Казакстандын Алматы облусундагы поезд менен жүргүнчү ташыган автобустун кагышуусунан кийинки абал тартылган видеону жүктөдү.

Кадрдан темир жолдун жанында талкаланган автобусту, поездди жана кишилердин тобун көрүүгө болот. Жерде жаткан эркектин жанында бир аял ыйлап отурат.

Sputnik Казакстан агенттигинин берген алдын ала маалыматы боюнча, үрөй учурган кырсыктан тогуз киши жабыркаган

Окуя болгон жерге барган тез жардамдын саны жетиштүү экени айтылды. Карасай районунун акими Жандарбек Далабаев да келген. Жакын жайгашкан ооруканалар күчөтүлгөн тартипке өтүштү. Өзгөчө кырдаалдардын облустук департаментинде ыкчам штаб түзүлүп, атайын операция жүргүзүлүүдө. Жабырлануучуларга медиктер менен куткаруучулар жардам көрсөтүп жатышат.

Белгилей кетсек, каргаша 15–сентябрь күнү болжол менен саат 19.20да Аксенгир — Шамалган темир жолунда болгон. Автобустун айдоочусу каза тапканы кабарланды. Ал 67 жүргүнчү менен келе жаткан.

4126
Белгилер:
кырсык, өзгөчө кырдаал, автобус, поезд, темир жол, Казакстан, Алматы
Тема боюнча
ШИИБ: Бишкектеги жол кырсыгы төрт жигиттин өмүрүн алды
Эркек адамдын колу. Архив

Ташкентте беш студент белгисиз затка ууланып каза болду

59
(жаңыланган 17:55 28.02.2021)
Көз жумган студенттер Ташкент шаарынын Юнусабад районунда менчик турак үйдө жашачу. Алардын үч башка окуу жайда билим алганы да айтылды.

БИШКЕК, 28-фев. — Sputnik. Өзбекстанда беш студент белгисиз затка ууланып каза болду. Бул тууралуу Sputnik Өзбекстан Башкы прокуратуранын маалыматына таянып кабарлады.

Билдирмеге ылайык, көз жумган студенттер Ташкент шаарынын Юнусабад районунда менчик турак үйдө жашачу. Алардын үч башка окуу жайда билим алганы да айтылды.

"Студенттердин сөөгү 27-февралда саат 20:50лөр чамасында табылган. Юнусабад районунун прокуратурасы "Бир нече адамдын өлүмүнө себеп болгон өрт коопсуздук эрежелерин бузуу" беренеси боюнча кылмыш ишин козгогон", — деп жазылат маалыматта.

Башкы прокуратура тергөөнү өз көзөмөлүнө алганы маалым болду.

59
Белгилер:
уулануу, өлүм, студент, Ташкент, Өзбекстан
Тема боюнча
Өрт чыккан үйдөн чиедей беш бир тууган көз жумду. Казакстандагы жүрөк тилген окуя

Сумкасын жула качкан ууруну кубалап жетип, күрөшүп, айласын кетирген аял. Видео

653
(жаңыланган 12:11 28.02.2021)
Австралияда улгайып калган аял колунан сумкасын жула качкан ууруну кубалап жетип, оокатын кайра тартып алган. Шектүү менен аялдын сумка талашкан жери видеокөзөмөл камерасына түшүп калган.

ABC 7 телеканалы билдиргендей, окуя бир нече күн мурда Австралиянын Квинсленд штатында болгон. Улгайган аял "Пимпама" барында туулган күнүн өткөрүп жаткан учурда ал отурган столго белгисиз эркек киши келип, сумкасын алып качып кеткенге аракет кылган.

Видеодо көрүнүп тургандай, шектүү сумка менен из жашырып кетүүгө аракеттенген. Бирок буюмдун ээси аны автоунаалар токтогон жерге чейин кубалап келип, кишини желкеден алып жерге кулаткан. Сумка талашып жатып уурунун үстүндөгү кийими да чечилип кеткен. Жыйынтыгында аял сумкасын алып, белгисиз кишини бут кийим менен да чаап жетишкен.

Журналисттер менен баарлашуу учурунда аял каракчынын артынан кубалап барып, аны менен мушташуу жакшы чечим болбогонун айткан. Анткени денеси жаракат алган.

"Шектүүнүн артынан чуркап бара жатканда эмне тууралуу ойлонгонумду деле билбейм", — деген ал.

Аталган окуядан кийин шектүү автоунаасы менен из жашырып кеткен. Бирок көп өтпөй анын полициянын колуна түшкөнү айтылды.

653
Белгилер:
видео, сумка, тоноо, уурулук, аял, Австралия
Тема боюнча
UFC президенти ууру менен мушташа кеткен сатуучу аялга иш сунуштады. Видео
 Жогорку Кеңештин депутаты Алмазбек Акматов. Архив

ЖК депутаты Алмазбек Акматов каза болду

57
(жаңыланган 22:06 28.02.2021)
Эл өкүлү узак убакыттан бери оору менен алышып келгени айтылды. Депутаттыкка чейин бир катар кызматтарды аркалаган.

БИШКЕК, 28-фев. — Sputnik. Жогорку Кеңештин депутаты Алмазбек Акматов 57 жашында каза болду. Кабарды парламенттин маалымат кызматы ырастады.

Анда Акматовдун узак убакыттан бери илдет менен күрөшүп келгени айтылат.

Ал 2015-жылы "Бир Бол" партиясынын тизмеси менен депутат болуп шайланган.

Алмазбек Акматов 1964-жылы 18-октябрында Нарын облусундагы Ак-Талаа районундагы Дөрбөлжүн айылында төрөлгөн.

Депутаттыкка чейин СССРдин коргоо министрлигинде аскердик-саясий кызматтарда, президенттин иш башкармалыгында, Эсеп палатасында иштеген.

57
Белгилер:
оору, депутат, Алмаз Акматов
Тема боюнча
СССРдин эл артисти Токтоналы Сейталиев 84 жаш курагында дүйнө салды